完整藏文原文 · 德格版页 当前仅加载第 69 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
ད་པའི་སྒྲ་རྣམས་ཀྱི་ནང་ན་དགའ་བར་བྱེད། ལྷ་མོའི་གླུ་དབྱངས་སྙན་པ་བྲག་ཅ་འབྱིན་པས་ཀྱང་དགའ་བར་བྱེད་དེ། དེ་རྟག་ཏུ་ཡིད་དགའ་བ་ཡིན་ནོ། །ངང་པའི་ཤིང་རྟ་རིན་པོ་ཆེ་སྣ་ཚོགས་ཀྱིས་བརྒྱན་པ། རིན་པོ་ཆེ་སྣ་བདུན་གྱིས་སྤྲས་པ་རྣམས་
D287.069.0063a01.01ཀྱིས། ཚལ་དང་ཉེ་བའི་ཚལ་དང་། འབབ་ཆུ་དང་། པད་མའི་ཚལ་རྣམས་སུ་རྒྱུ་བར་བྱེད་དོ། །ལྷ་མོའི་ཚོགས་ཀྱིས་ཡོངས་སུ་བསྐོར་ཅིང་ཚལ་དང་ཉེ་བའི་ཚལ་བཟང་པོས་འཚོ་ལ། གསེར་གྱི་པད་མ་རྣམས་ཀྱི་ནང་ན་མངོན་པར་དགའ་བར་བྱེད་དོ། །དེ་ན་ཚལ་འདི་ལྟ་བུ་
D287.069.0063a02.01དག་ཡོད་དེ། འདི་ལྟ་སྟེ། བྱི་རུའི་ཚལ་དང་། བཻ་ཌཱུརྱའི་ཚལ་དང་། ཤིང་ཏ་ལ་བ་ཏིན་ཏུ་ཀའི་ཚལ་དང་། བྱ་མྱོས་པའི་ཚལ་དང་། པད་མ་དང་ལྡན་པའི་ཚལ་དང་། བྱ་ཏན་ད་པའི་ཚལ་དང་། ཁུ་བྱུག་གི་ཚལ་ཏེ། ཚལ་དེ་རྣམས་སུ་ལེགས་པར་བྱས་པའི་ལས་ཀྱི་
D287.069.0063a03.01ས་བོན་གྲོགས་སུ་གྱུར་པ་དགའ་བར་བྱེད་དོ། །ཆུ་བོ་ཡང་ལྷའི་ཆུ་བོ་དང་བ་དག་ཡོད་དེ། འདི་ལྟ་སྟེ། འབབ་ཆུ་དང་། པད་མ་དང་། ཉེ་བའི་ཚལ་དང་། ལྟེང་ཀ་ནོར་བུས་བརྒྱན་པ་དང་། ཡིད་ལ་ཇི་ལྟར་འདོད་པའི་ཆུ་སྒྲ་ཡིད་དུ་འོང་བ་དང་། བྱའི་སྒྲ་མྱུར་བར་འབྱུང་སྟེ།
D287.069.0063a04.01ཆུ་བོ་དེ་དག་གིས་གནས་གང་ཡིན་པ་རྟག་ཏུ་བརྒྱན་པ་ཡིན་ནོ། །འདི་ལྟ་སྟེ། གང་ན་ཆུ་བོ་འབབ་པ་མེད་པ་ན། གཟུགས་དང་། སྒྲ་དང་། དྲི་དང་། རོ་རྣམ་པ་སྣ་ཚོགས་དང་། བུད་མེད་གཟུགས་སྣ་ཚོགས་དང་ལྡན་ཡང་། གང་ཡོན་ཏན་དང་མི་ལྡན་པའམ། སྦྲུམ་
D287.069.0063a05.01མ་ལྟ་བུར་མི་མཛེས་ལ། དེ་བཞིན་དུ་མཐོ་རིས་ཀྱི་གནས་དེར་དགའ་བར་མི་འགྱུར་རོ། །དེ་ལྟ་བས་ན་ལྷའི་འཇིག་རྟེན་ན་ཆུ་གཙོ་བོ་ཡིན་ཏེ། ཆུ་ལས་སྐྱེ་བ་འབྱུང་། ཆུས་མངོན་པར་དགའ་བར་བྱེད་ལ། ཀུན་ནས་ཉོན་མོངས་པ་རྣམས་ཀྱི་རོ་དང་། ཉེ་བའི་ཚལ་དུ་
D287.069.0063a06.01བགྲོད་པ་དེའི་ནང་ན། འདི་ལྟ་སྟེ། ཆུ་འདི་ནི་རོའི་མཆོག་ཡིན་ནོ། །དེ་ལྟ་བས་ན་ལྷ་དང་། མི་རྣམས་ཀྱི་རྒྱན་དུ་གྱུར་པ་དང་། ཡོ་བྱད་དུ་གྱུར་པ་ནི་ཆུ་ཡིན་ལ། ལྷ་དང་མི་ཀུན་གྱི་བྱ་བ་འམ། དོན་ནི་དེ་ལ་རག་ལས་པ་ཡིན་ནོ། །ཆུ་ཡོན་ཏན་དེ་ལྟ་བུ་དང་ལྡན་པར་རིག་ནས།
D287.069.0063a07.01