完整藏文原文 · 德格版页 当前仅加载第 69 函德格 215a 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་བཀའ་ཡེ་ཤེས་ཆུས། །དག་པ་ཉིད་དུ་འཁྲུ་བར་མཛད། །མུ་སྟེགས་ཤེས་པའི་ང་རྒྱལ་ཅན། །ཀུན་གྱིས་གནས་གང་མ་མཐོང་བ། །གནས་དེ་ཁྱོད་ཀྱི་དྲི་མ་མེད། །གསུང་རྣམས་ཀྱིས་ནི་མི་ལ་བསྟན། །སྐྱེ་བོ་ཤིན་ཏུ་བག་མེད་པ། །འདི་དག་མགོན་
D287.069.0215a01.01པོ་ཁྱོད་ཀྱིས་བསྒྲལ། །མགོན་པོ་རྒལ་ནས་ཕ་རོལ་གཤེགས། །སྐྱེ་བོ་གཞན་ཡང་སྒྲོལ་བར་མཛད། །སྐྱེ་བོ་ཀུན་ལ་སྨན་སླད་དུ། །ཁྱོད་ཉིད་གཅིག་པུར་བཞུགས་པར་བྱས། །ཕན་མེད་རྣམས་ལ་ཕན་མཛད་ཕྱིར། །ཁྱོད་ཉིད་ཁོ་ན་མི་མཆོག་ལགས། །དེ་ལྟར་
D287.069.0215a02.01བརྒྱ་བྱིན་དེས་གཟུགས་བརྙན་དེ་ལ་བསྟོད་ཅིང་། གུས་པར་ཕྱག་འཚལ། ལྷ་ཐམས་ཅད་དང་བཅས་པས་ཀྱང་བཅོམ་ལྡན་འདས་ཀྱི་གཟུགས་བརྙན་སྤྲུལ་པ་དེ་ལ་མངོན་པར་ཕྱག་འཚལ། ན་བཟའ་ཆོས་གོས་བྱིན་གྱིས་བརླབས་པ་ཐགས་སུ་མ་བཏགས་པ་གང་ཡིན་
D287.069.0215a03.01པ་དེ་ལ་ཡང་ལྷ་རྣམས་མགོ་བོས་ཕྱག་འཚལ་ཏེ། གཟུགས་བརྙན་དེ་མཐོང་ནས་ཡང་རྒྱགས་པ་ཉིད་ཡོངས་སུ་ཉམས་པར་གྱུར་ཏོ། །དེའི་རྫུ་འཕྲུལ་གྱིས་མཛད་པའི་གཟུགས་བརྙན་གྱི་རྣམ་པ་ཇི་ལྟ་བུར་བཞུགས་པ་དེ་ལྟ་བུར་བརྒྱ་བྱིན་གྱིས་འབུམ་གྱི་ཆར་ཡང་མི་ཕོད་ན།
D287.069.0215a04.01ལྷ་གཞན་གྱིས་ལྟ་སྨོས་ཀྱང་ཅི་དགོས། དེ་ནས་བརྒྱ་བྱིན་གྱིས་རྫུ་འཕྲུལ་མཛད་པའི་གཟུགས་བརྙན་དེ་མཐོང་ནས། དེ་ནས་ཡང་ལྷ་དེ་རྣམས་ལ་ཕན་པར་བྱ་བ་དང་ལྷ་བག་མེད་པས་མྱོས་པ་རྣམས། བག་མེད་པ་དང་དབྲལ་བར་བྱ་བའི་ཕྱིར། ལས་ཀྱི་དྲ་བ་སྐྱེ་བ་དང་འཆི་
D287.069.0215a05.01བའི་ངོ་བོ་རྫུ་འཕྲུལ་བྱས་པ་དེ་བསྟན་ཏོ། །དེ་ནས་ལྷ་དེ་རྣམས་ཀྱིས་བརྒྱ་བྱིན་ལ་སྨྲས་པ། ལྷའི་དབང་པོ་འདི་ལྟར་བཅོམ་ལྡན་འདས་དེས་ཤིང་སཱ་ལ་ཟུང་འདིའི་ནང་དུ་ལས་ཀྱི་དྲ་བ་སྐྱེ་བ་དང་འཆི་བའི་ངོ་བོ་འདི་སྤྲུལ་པ་མཛད་ལ། སླད་རོལ་དུ་ཅིའི་སླད་དུ་མ་མཛད། འདི་ལྟར་ང་
D287.069.0215a06.01ཡང་དེ་ལ་ངོ་མཚར་ཆེར་སྐྱེས་ཏེ། དེ་ནས་ལྷ་དེས་ང་རྒྱགས་པ་དང་དབྲལ་བར་བྱ་བའི་ཕྱིར་འདི་བསྟན་ཏོ། །དེ་ཉིད་ལ་ངས་དྲིས་པ་དང་དེས་སྨྲས་པ། འདི་ལྟར་འདི་རྟག་ཏུ་མཐོང་བ་དང་སྐྱེ་བོ་ཐམས་ཅད་ངོ་མཚར་ཆེར་སྐྱེས་ཏེ། དེ་ངོ་མཚར་ཆེ་བར་རིག་ནས་འཇིགས་པར་བྱ་བ་དང་
D287.069.0215a07.01