完整藏文原文 · 德格版页 当前仅加载第 69 函德格 228b 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་དགའ་བ་དང་ཡན་ལག་དང་ཉིང་ལག་ཐམས་ཅད་ཀྱང་དགའ་བར་གྱུར་ནས། མོད་ཉིད་ལ་སྟན་དེ་ནས་ལྷ་མོ་དེ་རྣམས་ག་ལ་བ་དེར་རྒྱུག་པར་བྱེད་དོ། །འདོད་ཆགས་སྐྱེས་པ་དེ་དག་ཕན་ཚུན་འདྲེས་པར་གྱུར་ནས། དེ་ནས་ཡང་ལྷ་མོ་དེ་རྣམས་དང་ལྷ་དེ་ཡང་དང་ཡང་
D287.069.0228b01.01དུ་དགའ་བ་ཉིད་ལྷག་པར་བསྐྱེད་པར་བྱ་བའི་ཕྱིར། ཤིན་ཏུ་བྲོ་གར་བྱེད་དགོད་པར་བྱེད་གླུ་ལེན་པར་བྱེད་དོ། །དེ་ནས་ལྷ་དེ་ལྷ་མོ་དེ་རྣམས་ཀྱིས་ཡོངས་སུ་བསྐོར་ནས། ཚལ་དང་ཉེ་བའི་ཚལ་རིན་པོ་ཆེ་སྣ་ཚོགས་འབར་བ། འདོད་པའི་ཡོན་ཏན་ཐམས་ཅད་དང་ལྡན་པ། ཤིང་ལྗོན་པ་རྣམས་དང་
D287.069.0228b02.01ཤིང་ལྗོན་པའི་དྲུང་རྣམས་དང་ལྡན་པ། བྱ་སྣ་ཚོགས་འདྲེས་ཤིང་སྒྲ་འབྱིན་པ་ཐོས་ན་སྙན་པ། མེ་ཏོག་དང་འབྲས་བུའི་ཕྱོགས་ཇི་ལྟར་འདོད་པ་བཞིན་འགྲུབ་པ་ཆུ་བོ་དང་འབབ་ཆུ་དང་ལྟེང་ཀ་རྣམས་འབུམ་སྙེད་ཀྱིས་གང་བའི་ཚལ་དང་ཉེ་བའི་ཚལ་དེ་རྣམས་སུ། ལྷ་དེ་ལྷ་མོ་དེ་རྣམས་
D287.069.0228b03.01དང་ལྷན་ཅིག་གནས་པར་བྱ་བའི་ཕྱིར་འདོང་བར་བྱེད་དེ། རང་གིས་བྱས་པའི་ལས་མངོན་སུམ་དུ་གྱུར་པ་དེས། བདེ་བ་དཔེ་མེད་པ་རྣམ་པ་དུ་མ་དག་མྱོང་ངོ་། །དེ་ནས་དེ་དེ་རྣམས་ཀྱིས་ཡོངས་སུ་བསྐོར་ནས་སིལ་སྙན་ཡན་ལག་ལྔ་དང་ལྡན་པས་རྩེ་ཞིང་། འདོད་པ་ཐམས་ཅད་བསམས་
D287.069.0228b04.01ན་འགྲུབ་པ་ལུས་ཀྱི་མཐའ་རྒྱ་ཆེན་པོ་བྱེད་པའི་ལྷ་དེ། འཕགས་པའི་ཚུལ་ཁྲིམས་དེ་ལ་བརྟེན་པའི་འབྲས་བུ་ལ་སྤྱོད་པར་བྱེད་དོ། །དེ་ནས་དེ་ལྟར་ལྷ་དེ་དེ་རྣམས་ཀྱིས་ཡོངས་སུ་བསྐོར་ནས། ལྷ་དེ་རྣམས་དང་ཡང་ནོར་བུ་འཕྱང་བའི་ཚལ་ག་ལ་བ་དེར་འདོང་བར་བྱེད་དོ། །ལྷ་གཞན་རྣམས་
D287.069.0228b05.01ཀྱིས་དེ་དག་མཐོང་ནས། ཡིད་རབ་ཏུ་དགའ་བ་གུས་པ་དང་བཅས་པ། ལྷ་དང་ལྷ་མོའི་ཚོགས་ཀྱིས་ཡོངས་སུ་བསྐོར་བ་རྣམས། ལྷ་གསར་དུ་བྱུང་བ་དེ་ག་ལ་བ་དེར་འདོང་བར་བྱེད་དོ། །གུས་པ་དང་བཅས་པའི་ཡིད་ཀྱིས། དེ་ལ་གཉེན་ལྟར་སེམས་ཤིང་ཐམས་ཅད་ཡིད་རབ་ཏུ་དགའ་བས་
D287.069.0228b06.01ལྷ་དེའི་དྲུང་དུ་དོང་ངོ་། །ལྷ་གསར་དུ་བྱུང་བ་དེ་ཡང་ཡིད་དགའ་བ་སྐྱེས་ནས་ལྷ་དེ་རྣམས་འོང་བ་ག་ལ་བ་དེར་འགྲོ་བར་བྱེད་དོ། །དེ་ནས་ཡང་ལྷ་དེ་རྣམས་དང་ལྷ་གསར་དུ་བྱུང་བ་དེ་དང་ནོར་བུ་འཕྱང་བའི་ཚལ་འདོད་པ་ལྔ་འགྲུབ་པ་དེ་ན་དགའ་བར་བྱེད། དགའ་དགུར་སྤྱོད་པར་བྱེད་ཅིང་དགའ་
D287.069.0228b07.01