完整藏文原文 · 德格版页 当前仅加载第 69 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སེམས་ཀྱིས་གནོད་པར་མི་བྱེད། སྲོག་དང་བྲལ་བར་མི་བྱེད། །གཞན་བྱེད་ན་ཡང་ཕྱིར་ཟློག་པར་བྱེད། སྐྱོན་དུ་འགྲང་བར་བྱེད། དགེ་བའི་ལམ་ལ་རབ་ཏུ་འཇོག་པར་བྱེད། དགེ་བའི་མི་བདག་ཉིད་དགེ་བ་བྱེད་ཅིང་གཞན་ཡང་རབ་ཏུ་འཇོག་པར་བྱེད་པ་དེ་ལུས་དང་བྲལ་ནས་
D287.069.0162a01.01བདེ་འགྲོ་མཐོ་རིས་ཀྱི་འཇིག་རྟེན་སུམ་ཅུ་རྩ་གསུམ་གྱི་ལྷ་རྣམས་ཀྱི་ནང་འདྲེས་པའི་འགྲམ་ན་གནས་པའི་སར་སྐྱེ་བར་འགྱུར་རོ། །དེར་སྐྱེས་ནས་ཀྱང་ལེགས་པར་བྱས་པའི་ལས་ཀྱི་མཐའ་སྤྱད་པ་དེ་དགེ་བའི་ལས་ལ་སྤྱོད་པ། ལས་བྱས་པའི་རྣམ་པར་སྨིན་པ་ལས་འབྱུང་བ་ནི་འདི་ལྟ་སྟེ། དུས་ཀྱི་
D287.069.0162a02.01ཚལ་རྒྱ་ཆེ་ཞེས་བྱ་བ་འབྱུང་སྟེ། ཚལ་དེ་ན་རིན་པོ་ཆེ་སྣ་ཚོགས་ཀྱི་འོད་གསལ་བ་རིན་པོ་ཆེ་ཨན་ད་རྙིལ་དང་། བཻ་ཌཱུརྱའི་འོད་དྲི་མ་མེད་ཅིང་གསལ་ལ་བྱ་སྣ་ཚོགས་སྒྲ་འབྱིན་པ་རྣར་སྙན་པ་དུས་ཚིགས་དྲུག་ཏུ་རྟག་པར་ཤིང་ལྗོན་པ་མེ་ཏོག་མཆོག་རབ་ཏུ་རྒྱས་པ་འབབ་ཆུ་དང་ཆུ་ཀླུང་དང་ལྟེང་
D287.069.0162a03.01ཀས་བརྒྱན་པ་རིན་པོ་ཆེ་ཨན་ད་རྙིལ་དང་བཻ་ཌཱུརྱའི་པད་མ་ཉམས་དགའ་བ་གསེར་བཙོ་མའི་རི་བོ་མཐོན་པོས་བརྒྱན་པ་ཆུ་ན་རྒྱུ་བ་དང་སྐམ་ལ་རྒྱུ་བའི་བྱ་རི་བོ་མཐོན་པོའི་གསབ་གསེབ་དང་འགྲམ་ན་གནས་པ། གཟུགས་དང་ཆ་བྱད་སྣ་ཚོགས་སུ་འདུག་པ། སྒྲ་སྐད་ཆེན་པོ་འབྱིན་པ་རྣམས་
D287.069.0162a04.01ཀྱིས་བརྒྱན་པ་དགེ་བའི་ལས་ཀྱི་འབྲས་བུས་སྤྲུལ་པ་ན། ལྷ་དེ་དགེ་བའི་ལས་ཀྱི་འབྲས་བུ་ལ་སྤྱོད་དེ་ཡུན་རིང་དུ་བདེ་བ་རྒྱུན་མི་འཆད་པར་སྤྱོད་དོ། །ལྷ་མོའི་ཚོགས་རྣམ་པ་སྣ་ཚོགས་སྟོང་སྙེད་ཀྱིས་ཡོངས་སུ་བསྐོར་ཅིང་། ལྷའི་ཕྲེང་བ་དང་གོས་གྱོན་ལ་དཔལ་རྣམ་པ་སྣ་ཚོགས་ཀྱི་གཟུགས་
D287.069.0162a05.01དང་ལྡན་པ་དེ། ལྷ་མོ་དེ་དག་ཉེ་བར་གླུ་དབྱངས་ལེན་ཅིང་ཡོངས་སུ་སྤྱོད་པ་ན། ཚལ་དེར་རྣམ་པར་རྒྱུ་བར་བྱེད་དོ། །དེ་རྒྱུ་བ་ན་དགེ་བའི་ལས་དེས་བསྐུལ་བའི་བྱ་རྣམས་ཀྱིས་འདི་ལྟར་ཚིགས་སུ་བཅད་དེ་སྨྲས་པ། དགེ་བའི་ལས་ཀྱིས་སྐྱེ་བོ་དག །ལྷ་ཡི་ཡུལ་དུ་མཆོད་པར་འགྱུར། །
D287.069.0162a06.01དེ་ལྟར་མི་དགེས་དམྱལ་བར་ཁྲིད། །ལས་ཀྱི་འགྱུར་བ་དེ་འདྲའོ། །ལྷ་ཡི་འཇིག་རྟེན་ཐོབ་ནས་སུ། །ལྷ་གང་ཁྱད་དུ་གསོད་མི་བྱེད། །གང་དུ་སྲེད་པས་མི་གནོད་པ། །དེ་ནི་བདེ་ལས་བདེ་བར་འགྲོ། །ལས་ཀྱི་ཐག་པ་རིང་པོ་ཡིས། །སྲིད་པར་རྒྱུ་བ་བཅིངས་པ་རྣམས། །དགྲ་དག་འཁོར་
D287.069.0162a07.01