完整藏文原文 · 德格版页 当前仅加载第 69 函德格 125b 版页；藏文 NFD、目录标记与异常页序保留在来源切片中，重复版页行以稳定序号区分。
ག་ལ་བ་དེ་ལོགས་སུ་ཕྱོགས་ནས་འདུག་སྟེ། བརྒྱ་བྱིན་ལ་འདི་སྐད་སྨྲས་སོ། །ལྷའི་དབང་པོ་འདི་ལྟར་འཛམ་བུའི་གླིང་གི་མི་རྣམས་ནི་དགེ་བ་བཅུའི་ལས་ཀྱི་ལམ་ལ་མངོན་པར་བརྩོན་ཞིང་ཆོས་ལ་དགའ་བ། མར་འཛིན་པ་དང་། ཕར་འཛིན་པ་དང་། དགེ་སྦྱོང་དུ་འཛིན་པ་
D287.069.0125b01.01དང་། བྲམ་ཟེར་འཛིན་པ་དང་། རིགས་ཀྱི་རྒན་རབས་ལ་གུས་པར་བགྱིད་ཀྱིས། ལྷའི་དབང་པོ་ཁྱོད་དགྱེས་པར་མཛད་དུ་གསོལ། དེ་ནས་ལྷའི་དབང་པོ་བརྒྱ་བྱིན་གྱིས་ཚིག་དེ་དག་ཐོས་ནས་འདི་སྐད་སྨྲས་སོ། །ལྷ་དག་བདག་ནི་དགའོ། །རྒྱལ་པོ་ཆེན་པོ་ཁྱེད་ཅག་
D287.069.0125b02.01ནི་འཇིག་རྟེན་སྐྱོང་ཞིང་། འཇིག་རྟེན་ལ་ཕན་པར་འདོད་པ་ཕན་གདགས་པར་རབ་ཏུ་ཞུགས་པ་ཡིན་ཏེ། བདག་གི་དགའ་བ་ཡང་ཐོས་ནས། ཁྱེད་བདེ་ལེགས་སུ་གྱུར་ཅིག །དེ་ནས་འཛམ་བུའི་གླིང་དུ་ཆོས་དང་མི་ལྡན་ཞིང་། ཆོས་མ་ཡིན་པའི་རྗེས་སུ་ཞུགས་པའི་མི་དེ་དག་
D287.069.0125b03.01དེ་བཞིན་དུ་འཇིག་རྟེན་སྐྱོང་བ་རྣམས་བརྒྱ་བྱིན་ལ་སྨྲ་བར་བྱེད་དེ། འཛམ་བུའི་གླིང་ན་མི་ཆོས་དང་མི་ལྡན་ཞིང་། ཆོས་མ་ཡིན་པའི་རྗེས་སུ་འཇུག་པ། མར་མི་འཛིན་པ་དང་། ཕར་མི་འཛིན་པ་དང་། དགེ་སྦྱོང་དུ་མི་འཛིན་པ་དང་། བྲམ་ཟེར་མི་འཛིན་པ་དང་། རིགས་ཀྱི་རྒན་
D287.069.0125b04.01རབས་ཀྱི་རྗེས་སུ་མི་འཇུག་པ་དག་མཆིས་ཏེ། བདུད་ཀྱི་ཕྱོགས་ནི་འཕེལ་ལོ། །དམ་པའི་ཆོས་ཀྱི་ཕྱོགས་ནི་འགྲིབ་པོ་ཞེས་བསྙད་དོ། །ལྷའི་རྒྱལ་པོ་བརྒྱ་བྱིན་གྱིས་དེ་ཐོས་ནས་རྒྱལ་ཆེན་བཞིའི་ལྷ་རྣམས་དང་། སུམ་ཅུ་རྩ་གསུམ་པ་ཇི་ལྟར་ཕྱོགས་པ་རྣམས་ལ་བོས་ནས་སྨྲས་པ། ལྷ་
D287.069.0125b05.01མ་ཡིན་བརྟན་པ་དང་། རབ་སྤྲོ་ལ་སོགས་པ། ཀླུ་ཆོས་མ་ཡིན་པ་དང་ལྡན་པ་རབ་འཇོམས་ལ་སོགས་པ་སའི་འོག་ནས་ལངས་ཏེ། བདག་ཅག་ལ་གཡུལ་འགྱེད་དུ་འོང་གིས། ལྷ་ཁྱེད་རྣམས་ཆོས་ཤིག །དེ་ནས་བརྒྱ་བྱིན་གྱི་བཀའ་དེ་མནོས་ནས། གང་རྒྱལ་ཆེན་བཞིའི་
D287.069.0125b06.01ལྷ་རྣམས་བརྒྱ་བྱིན་གྱི་བཀས་ཤིན་ཏུ་རིངས་པར་ལག་ཆ་དང་། མཚོན་ཆ་སྣ་ཚོགས་སྔ་མ་བཞིན་ཐོགས་ཏེ། རི་བོ་ཟླ་བ་ཞེས་བྱ་བའི་རི་ག་ལ་བ་དེར་འདོང་བར་བྱེད་དོ། །དེ་ནས་འཇིག་རྟེན་སྐྱོང་བ་དེ་རྣམས་དོང་བ་དང་། ལྷའི་དབང་པོ་བརྒྱ་བྱིན་ཡང་ལྷའི་ཚོགས་སྣ་ཚོགས་
D287.069.0125b07.01