完整藏文原文 · 德格版页 当前仅加载第 69 函德格 252b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་པ་དེ་ནི་བསླུས་པར་འགྱུར་ཞིང་། མི་ངན་པ་དག་ལ་བར་ཆད་འབྱུང་སྟེ་ངན་སྐྱུགས་ཟ་བ་དང་མཚུངས་སོ།། །།འཕགས་པ་དམ་པའི་ཆོས་དྲན་པ་ཉེ་བར་གཞག་པ། བམ་པོ་བཞི་བཅུ་གཉིས་པ། དེ་ནས་གཞན་ཡང་དངོས་པོ་བཞི་པ་ཡོངས་སུ་ཤེས་པར་བྱ་སྟེ། དེ་ཡང་གང་ཞེ་ན་
D287.069.0252b01.01འདི་ལྟ་སྟེ། ཁ་ཏོན་རབ་ཏུ་ཤེས་ལ། ཁ་ཏོན་འདོན་པ་དེ་དང་ཡང་དག་པར་ལྡན་པ་ཤེས་པ་དེ་ཙམ་གྱིས་ཆོག་སྟེ་ལྷག་པར་མི་བསླབ་བོ། །བདག་གིས་ལྷག་པར་སོ་སོར་ཤེས་ན། སྦྱིན་བདག་དང་སྦྱིན་པ་པོ་དག་གིས་རྣ་ལམ་དུ་ཐོས་པ་ཡིན་ནོ་སྙམ་ནས། ན་བའི་གསོས་སྨན་རྐྱེན་གྱི་ཡོ་བྱད་རྣམས་
D287.069.0252b02.01བདག་ལ་སྦྱིན་པར་བྱེད་དོ། །དེ་བདག་ལ་བར་ཆད་དང་ལྡན་པར་འགྱུར་བས། དེ་ནི་བདག་ལ་འོས་པ་མ་ཡིན་ནོ་སྙམ་པའི་བདག་ཉིད་དེ་ནི་ཆོག་ཤེས་པ་ཡིན་ཏེ། དགེ་སློང་དེ་ལྟ་བུ་ནི་ཆོག་ཤེས་པ་ཡིན་ནོ། །གཞན་ཡང་དངོས་པོ་ལྔ་པ་ཡོངས་སུ་ཤེས་པར་བྱ་བ་ནི་གང་གིས་འདོད་པ་ཆུང་བ་དང་ཆོག་ཤེས་པ་
D287.069.0252b03.01དང་བག་ཡོད་པ་ལ་གནས་པ་ཡིན་ཏེ། དངོས་པོ་དེ་གང་ཞེ་ན། འདི་ལ་དགེ་སྦྱོང་གང་ཞིག་དགེ་འདུན་གྱིས་མངགས་སམ་ནད་པའི་ཕྱིར་རམ་ནོར་རྫས་ཀྱི་ཕྱིར་མངགས་པའམ་སྦྱིན་པ་པོ་དང་སྦྱིན་བདག་གི་དྲུང་དུ་མངགས་པ་ལས་ཁྱིམ་ལ་ཉེ་བར་སྟེན་པར་བྱེད་ལ། དེ་སྦྱིན་བདག་དེ་དག་གི་དྲུང་ན་བཏུང་བ་
D287.069.0252b04.01དག་ཀྱང་འཐུང་ཞིང་འདུག་ན། དེ་ནི་དེའི་ཀུན་འབྱུང་བའི་བར་ཆད་དོན་མེད་པར་གྱུར་ལ། ལུས་ཡོངས་སུ་ངལ་བ་དོན་མེད་པ་དང་། རྩོལ་བ་དོན་མེད་པར་འགྱུར་རོ། །དེ་ཅིའི་ཕྱིར་ཞེ་ན། དེ་ཡང་དེ་མངོན་པར་འདོད་ཅིང་རོ་ལ་འཆུམས་པས་ཉམས་པ་ཁྱིམ་དེ་ཉིད་དུ་འགྲོ་སྟེ། དེ་དེར་ཡང་བ་ཉིད་ཀྱིས་འགྲོ་བར་
D287.069.0252b05.01བྱེད་དོ། །དེས་ན་བདག་ལ་ཕན་པར་མི་བྱེད་ལ། ནད་པ་ལ་ཡང་ཕན་པར་མི་བྱེད་ཅིང་། དགེ་འདུན་གྱི་བྱ་བ་ཡང་སྒྲུབ་པར་མི་བྱེད་དོ། །རྒྱུ་ཡང་བ་རྣམས་ཀྱི་ནང་ན་མཆོག་ནི་འདི་ཡིན་ཏེ་འདི་ལྟ་སྟེ། ཁྱིམ་གཅིག་ཏུ་འཇུག་ཅིང་བཟའ་བཏུང་ལ་དགའ་བ་ཉིད་དང་གང་{ཆུང་ཟད་,ཅུང་ཟད་}སྨྲ་བ་དང་འཆལ་པ་ཡིན་ཏེ།
D287.069.0252b06.01ཆོས་གསུམ་པོ་དེ་དག་ནི་འཇིག་རྟེན་པ་དང་འཇིག་རྟེན་ལས་འདས་པས་སྨད་པར་བྱ་བའི་གནས་ཡིན་ནོ། །དེ་ལྟ་བས་ན་དེ་དག་ནི་ཆོག་ཤེས་པ་དང་། བག་ཡོད་པ་ལ་གནས་པ་དག་གིས་ཡོངས་སུ་སྤང་བར་བྱའོ། །གཞན་ཡང་དངོས་པོ་དྲུག་པ་ཡོངས་སུ་ཤེས་པར་བྱ་བ་ནི། དགེ་སྦྱོང་འདོད་ཆེན་ཆུང་
D287.069.0252b07.01