完整藏文原文 · 德格版页 当前仅加载第 69 函德格 120b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ཡོངས་སུ་བསླུས། །འཆི་དང་ཉེ་བར་འགྲོ་བྱེད་ཀྱང་། །གཟུགས་རྣམས་དང་ནི་འབྲལ་མི་བྱེད། །ལམ་རྒྱགས་དག་ནི་མ་བསགས་པ། །ཡུལ་རྣམས་ཀྱིས་ནི་ཡོངས་སུ་བསླུས། །སྲེད་པས་ཡོངས་སུ་རྨོངས་པ་ཡི། །ལྷ་དག་དབང་མེད་འཆི་བར་འགྱུར། །འདོད་པས་རྨོངས་པ་ཁྱེད་ཀུན་ལ། །
D287.069.0120b01.01ང་ཡིས་རྗེས་སུ་བསྟན་པ་ཡིན། །འདི་ལྟར་ཆོས་གནས་དམ་པ་སྟེ། །བདག་ལ་ཕན་པ་རྟག་ཏུ་གྱིས། །ཆོས་ལ་སྤྱོད་པའི་མི་དག་ནི། །བདེ་ལས་བདེ་བ་འཐོབ་འགྱུར་ཏེ། །མྱ་ངན་འདས་དང་གཞན་ཞི་བ། །མྱུར་བ་ཉིད་དུ་ཤིན་ཏུ་འགྲོ། །དེ་ལྟ་བས་ན་ཕ་རོལ་གྱི། །བསོད་ནམས་དག་གི་ཕུང་པོ་གྱིས། །
D287.069.0120b02.01རྟག་ཏུ་བསོད་ནམས་བྱེད་པ་ནི། །དུལ་ཞིང་ཟག་མེད་གནས་སུ་འགྲོ། །དེ་ནས་བརྒྱ་བྱིན་ཚིག་ཐོས་ནས། །སེམས་བྱུང་བཟང་བ་ཞི་དང་དུལ། །བརྒྱ་བྱིན་བུ་སྟེ་དེ་དག་ཀུན། །ཕ་ཡིས་རྗེས་སུ་བསྟན་པ་ཡིན། །དེ་ནས་ལྷའི་རྒྱལ་པོ་བརྒྱ་བྱིན་ལེགས་པར་བྱ་བའི་ལས་བྱེད་པ་ངན་སོང་གི་སྒོ་བཅད་
D287.069.0120b03.01པས་བུ་དེ་དག་ལ་མངོན་པར་གཏམ་དེས་ལམ་བཟང་པོ་ལ་ཡང་དག་པར་བཙུད་ནས་ཚལ་སྣ་ཚོགས་ག་ལ་བ་དེར་བདག་ཉིད་བདེ་བར་གནས་པ་དང་། དགེ་བ་བྱ་བའི་ཕྱིར་འགྲོ་བར་བྱེད་དེ། དེ་ནས་ལེགས་པར་བྱས་པའི་ལས་སྣ་ཚོགས་བྱས་པའི་ཚལ་སྣ་ཚོགས་ན་ལྷའི་རྒྱལ་པོ་བརྒྱ་བྱིན་གྱི་ཁང་པ་
D287.069.0120b04.01བརྩེགས་པ་སྣ་ཚོགས་ལ་འདི་ལྟ་སྟེ། ཤེལ་ལས་བྱས་པ་དང་། བྱི་རུ་ལས་བྱས་པ་དང་། གསེར་ལས་བྱས་པ་དང་། དངུལ་ལས་བྱས་པ་དང་། མཐོན་ཀ་ལས་བྱས་པ་དང་། མཐོན་ཀ་ཆེན་པོ་ལས་བྱས་པ་དང་། གསེར་བཙོ་མ་ལས་བྱས་པ་ལྔ་བརྒྱ་སྙེད་ཡོད་དོ། །དེ་ནས་བརྒྱ་བྱིན་གྱི་ཚལ་སྣ་
D287.069.0120b05.01ཚོགས་དེ་ཤིང་ལྗོན་པ་འབུམ་ཕྲག་དུ་མ་སྙེད་ཀྱིས་མཛེས་ཤིང་། །པད་མ་ཉི་མ་འཆར་བའི་མདོག་ལྟ་བུ་རྣམས་ཀྱིས་མཛེས་པར་བྱས་པ་དེ་ལ་མངོན་པར་བརྟགས་ནས། འདི་ལྟར་ཚིགས་སུ་བཅད་དེ་སྨྲས་པ། བསོད་ནམས་དག་གིས་དགའ་འགྱུར་ཏེ། །བརྒྱ་སྟོང་དག་ཏུ་བྱ་བ་ཡིན། །བསོད་ནམས་སྣ་
D287.069.0120b06.01ཚོགས་བྱས་པ་ཡིས། །ཀུན་ནས་སྣ་ཚོགས་སྨིན་པར་འགྱུར། །ལེགས་བྱས་ལས་ནི་མ་བྱས་པ། །སེམས་ཀྱི་བྲན་དུ་སོང་བའི་མི། །སེམས་ཀྱི་དགྲ་ཡིས་ཡོངས་བསླུས་པ། །དབང་མེད་ངན་སོང་རྣམས་སུ་ལྟུང་། །ཁང་པ་བརྩེགས་པ་ཐམས་ཅད་དག །ཀུན་ཏུ་སྣ་ཚོགས་ལས་ཡིན་ཏེ། །ལྷ་རྣམས་
D287.069.0120b07.01