完整藏文原文 · 德格版页 当前仅加载第 69 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
མི་བྱེད་པ། མི་དྲང་པོའི་རང་བཞིན་ཅན། མིའི་ལས་སུ་གྱུར་པ། གང་གིས་དགེ་བའི་ལས་ཀྱི་ངོ་བོ་ཉིད་བྱས་པ། རྣམ་པར་སྨིན་པ་བདེ་བ། བསིལ་བ། རྣམ་པར་སྨིན་པ་བསིལ་བ། བདེ་བ། བཀྲ་ཤིས་པ། རྣམ་པར་སྨིན་པ་བཀྲ་ཤིས་པ། སྐྱེ་བོ་ཐམས་ཅད་ཀྱིས་
D287.069.0187a01.01མཆོད་པ། སྐྱེ་བོ་ཐམས་ཅད་ཀྱི་སྡུག་པ། འཇིག་རྟེན་འདི་དང་འཇིག་རྟེན་ཕ་རོལ་ཏུ་བདེ་བ་བྱེད་པ། སྐྱེས་བུ་གང་འཇིག་རྟེན་འདི་ནས་འགྲོ་ཞིང་འཇིག་རྟེན་ཕ་རོལ་ཏུ་ཕ་མར་གྱུར་པ། སྐྱབས་སུ་གྱུར་པ། བདེ་བ་དུ་མ་འབྱུང་བར་གྱུར་པ། བདེ་བ་བྱས་པ་སྐྱེ་བར་གྱུར་པ་ནི་ལེགས་པར་བྱས་པ་
D287.069.0187a02.01དེའི་ལས་ཀྱིས་བྱེད་པར་འགྱུར་ཏེ། འདི་ལྟ་སྟེ་སྲོག་གཅོད་པ་དང་མ་བྱིན་པར་ལེན་པ་མི་བྱེད་ཅིང་བྱེད་དུ་མི་འཇུག་ལ། བྱེད་དུ་མི་གནང་ཉེས་པར་བྱས་པའི་ཚུལ་ཁྲིམས་ལ་དད་པ་དང་ཐད་ཀར་ལྷན་ཅིག་གནས་ཤིང་འདྲེ་བར་མི་བྱེད་དགའ་བར་ཡང་མི་བྱེད་ཚུལ་ཁྲིམས་འཆལ་པ་དེ་དང་ལྷན་ཅིག་
D287.069.0187a03.01རྣམ་པར་བྱང་བ་འཐུན་པར་མི་སྒྲུབ་ལ། འདི་ལྟར་ཚུལ་ཁྲིམས་དང་ལྡན་པ་དང་ལྷན་ཅིག་རྟག་ཏུ་དགའ་བར་བྱེད། དེ་དང་ལྷན་ཅིག་འདྲེ་བར་བྱེད། དེ་དང་རྣམ་པར་བྱང་བ་འཐུན་པར་སྒྲུབ། དེ་དང་ཐད་ཀར་འདུག་པར་ཡང་བྱེད། དེ་དང་ལྷན་ཅིག་རྩེ་ཞིང་འཇིག་རྟེན་གྱི་སྤྱོད་པ་བྱེད། ཆོས་
D287.069.0187a04.01དང་ཆོས་མ་ཡིན་པར་སེམས་པར་བྱེད་དེ། སྐྱེས་བུ་དགེ་བ་དེ་བདག་ཉིད་སྡིག་པ་དག་མི་བྱེད་ལ། སྡིག་པའི་གྲོགས་པོ་དང་ལྷན་ཅིག་དགའ་བར་མི་བྱེད། ཐམས་ཅད་ཀུན་ནས་ཡོངས་སུ་དག་པར་བྱེད་པའི་སྐྱེས་བུ་དམ་པ། ཤིན་ཏུ་ཚུལ་ཁྲིམས་འཆལ་པ་དག་ཀྱང་དགེ་བའི་ལམ་ལ་རབ་
D287.069.0187a05.01ཏུ་འཇོག་པར་བྱེད་ཅིང་ཡང་དག་པའི་ལམ་སྟོན་པར་བྱེད་འགྲོ་བའི་ཞིང་བཟང་པོ་ལ་དགེ་བའི་ལས་ཀྱི་ས་བོན་འདེབས་པར་བྱེད། དེ་ཀུན་ནས་སེམས་གསེར་ལྟར་སྦྱངས་ཤིང་དྲི་མ་མེད་པའི་སེམས་དགེ་བའི་ལས་ཀྱི་མཐའ་སྤྱད་པའི་བདེ་བ་ནི། ཚེ་འདི་དང་ཕ་རོལ་ལ་འཐོབ་ཅིང་སོ་སོ་ཡང་
D287.069.0187a06.01དག་པར་མྱོང་བར་འགྱུར་རོ། །སྲོག་གཅོད་པ་སྤངས་པ་ཇི་ལྟ་བུ་རྣམ་པ་ནི་དུ་ཞིག་ཡོད་ཅེ་ན། འདི་ལ་ཀུན་ནས་འདོད་པར་བྱ་བ་མེ་ཏོག་གི་རྒྱུ་དག་བསྐྱེད་པར་བྱ་བའི་དོན་དུ། དུ་བ་དང་དུག་བསྲེས་པ་བཞག་ནས་སྲོག་ཆགས་དུན་དུ་བའམ་འོལ་བའམ་ཤ་སྦྲང་ཆེན་པོའམ་རྐང་བརྒྱ་པ་
D287.069.0187a07.01