完整藏文原文 · 德格版页 当前仅加载第 69 函德格 101a 版页；藏文 NFD、目录标记与异常页序保留在来源切片中，重复版页行以稳定序号区分。
ཆགས་པ་བག་མེད་པར་གནས་པའི་ལྷ་དེ་རྣམས་སིལ་སྙན་ཡན་ལག་ལྔ་དང་ལྡན་པས་ཁ་མངོན་པར་དགའ་བར་བྱེད་ཅིང་། པད་མའི་ཚལ་དང་། སྐྱེད་མོས་ཚལ་དང་། ཆང་ཆུ་ལྟར་འབབ་པ་དང་། བཻ་ཌཱུརྱའི་ཚལ་དང་། ལྟེང་ཀ་དང་། ཆུ་མིག་གིས་བརྒྱན་པ་
D287.069.0101a01.01ཕན་ཚུན་གྲོགས་སུ་གྱུར་པ་རྣམས། ཇི་སྲིད་དུ་འདོད་པ་སྡུག་པ་ཡིད་དུ་འོང་བ་ལེགས་པར་བྱས་པའི་ལས་དེ་ཟད་པར་མ་གྱུར་པ་དེ་སྲིད་དུ་དགའ་བར་བྱེད་དོ། །དེ་ཟད་ནས་དེ་ནས་ཡང་ལྷའི་རིས་དེ་ནས་འཆི་བར་འགྱུར་ཏེ། ཤི་ནས་ཀྱང་ལས་ཉེ་བར་འགྲོ་བ་ཇི་ལྟ་བ་བཞིན་སེམས་ཅན་
D287.069.0101a02.01དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོའི་ནང་དུ་སྐྱེ་བར་འགྱུར་རོ། །གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་མི་རྣམས་དང་སྐལ་བ་མཉམ་པར་མིའི་ནང་དུ་སྐྱེས་ན། དེ་ལས་དེ་དང་རྒྱུ་འཐུན་པར་མང་དུ་སྨྲ་བ་ནོར་མང་བ་དེད་དཔོན་ཆེན་པོར་འགྱུར་བ་
D287.069.0101a03.01མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ། ལྷ་པི་བང་ཅན་གསུམ་པ་རྣམས་ཀྱི་གནས་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པས། དེ་དག་གི་གནས་འཁོར་དང་སྤྱོད་པ་ཞེས་བྱ་བ་ཇི་ལྟར་འདུག་པ་མཐོང་ངོ་། །དེར་
D287.069.0101a04.01སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ཚུལ་ཁྲིམས་དང་ལྡན་པར་གྱུར་ཅིང་། སེམས་ཀྱི་རྒྱུད་སེམས་པས་བསྒོམས་པ་གང་གིས་སྦྱིན་པ་སྦྱིན། ཚུལ་ཁྲིམས་བསྲུངས། ཆོས་མཉན་པར་བྱས་པའི་
D287.069.0101a05.01སྦྱིན་བདག་དེ་ལ་ལ་གནས་སྦྱིན་པ་པོ་གྲོགས་སུ་གྱུར་པ་གཞན་ཞིག །དེས་སྙིང་བརླན་ཅིང་དགེ་བའི་སེམས་དང་ལྡན་པ། དད་པས་སེམས་བརླན་པ། འདི་ལྟར་ཡང་སེམས་ལ་རྟོག་པར་བྱེད་དེ། སྦྱིན་བདག་འདི་ནི་བསོད་ནམས་དང་ལྡན་པ་ཞིག་གོ། །ད་བདག་ལ་ཡང་རྫས་ཀྱི་
D287.069.0101a06.01རྣམ་པ་དེ་སྙེད་ཡོད་ན། དེ་ལྟར་བདག་གིས་ཀྱང་གཞན་དག་ལ་སྦྱིན་པར་བྱའོ་སྙམ་སེམས་ན་སྦྱིན་པ་ལ་སེམས་དང་བ་དེས་ལུས་དང་བྲལ་ནས་བདེ་འགྲོ་མཐོ་རིས་ཀྱི་འཇིག་རྟེན་འཁོར་དང་སྤྱོད་པའི་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །དེར་སྐྱེས་ནས་ཀྱང་ཡུལ་དུ་མས་སྙིང་
D287.069.0101a07.01