完整藏文原文 · 德格版页 当前仅加载第 69 函德格 48b 版页；藏文 NFD、目录标记与异常页序保留在来源切片中，重复版页行以稳定序号区分。
རབ་དགོད་ཀྱིས་བརྒྱ་བྱིན་ལ་སྨྲས་པ། འདི་ལྟར་ང་ཡང་བརྒྱ་བྱིན་ཁྱོད་དང་ལྷ་ཐམས་ཅད་ཆད་པས་གཅད་པར་བྱ་བའི་ཕྱིར་འོངས་པ་ཡིན་ནོ། །དེ་ནས་ཐགས་{བཟངས་,བཟང་}རིས་དང་རབ་དགོད་ཀྱིས་གསེར་གྱི་རི་དཔག་ཚད་ལྔ་པ་གཅིག་འཕངས་སོ། །འཕངས་པ་དེ་མངོན་པར་
D287.069.0048b01.01མཐོང་ནས་གླང་པོ་ཆེ་ས་སྲུང་གི་བུའི་ཁ་ནས་དབུགས་ཕྱུང་བས་རི་དེ་བྱེ་མ་ཆང་པ་ནས་གཏོར་བ་བཞིན་ཕྱིར་བཟློག་ནས་རྒྱ་མཚོར་ལྷུང་ངོ་། །རི་ཕྱེ་མར་བརླགས་ཤིང་གཏོར་བ་དེ་མངོན་པར་མཐོང་ནས། དེ་ནས་ཡང་ལྷ་མ་ཡིན་དག་གིས་རི་བོ་རྡོ་རྗེའི་ལྟེ་བ་ཅན་དཔག་ཚད་ལྔ་པ་གཅིག་
D287.069.0048b02.01བླངས་ནས་བརྒྱ་བྱིན་ག་ལ་བ་དེར་འཕངས་སོ། །འཕངས་པ་དེ་མངོན་པར་མཐོང་ནས་ས་སྲུང་གི་བུའི་སྣའི་ཐོར་ཏོས་བཟུང་སྟེ། སླར་ལྷ་མ་ཡིན་གྱི་དབང་པོ་ལ་འཕངས་ཏེ། གླང་པོ་ཆེ་འདི་ནི་ཅང་ཤེས་པ་ཡིན་ནོ། །རང་གི་རི་འཕངས་པ་དེས་དེའི་བྲང་དུ་བརྒྱབ་པ་དང་། རབ་
D287.069.0048b03.01དགོད་དེ་བརྒྱབ་པ་དེས་ཉམས་ནས་སྟན་དེ་ལས་ལྷུང་ཞིང་། སླར་འཁོད་དེ་བརྒྱབ་པ་དེས་རབ་ཏུ་ཉམས་སོ། །དེ་མཐོང་ནས་སུམ་ཅུ་རྩ་གསུམ་པ་དག་སྒྲ་ཆེན་པོས་ནམ་མཁའ་བཀང་ནས། འདི་ལྟར་ལྷའི་དབང་པོས་དུད་འགྲོ་དེ་ཕམ་པར་བྱས་ཏེ། འདིར་རེ་ཞིག་གླང་པོ་ཆེའི་
D287.069.0048b04.01མཆོག་འདིས་འཕངས་པའི་ཤུགས་ཀྱིས་མངོན་པར་ཉམས་ཤིང་གཡོས་ན་གལ་ཏེ་རྡོ་རྗེས་བརྒྱབ་པར་གྱུར་ན་ལྟ་སྨོས་ཀྱང་ཅི་དགོས། དེ་སྐད་སྨྲས་ནས། ལྷ་མ་ཡིན་ག་ལ་བ་དེར་བརྒྱུགས་ཏེ། ལ་ལ་ནི་རྡོ་དང་ཤིང་གིས་འགྱེད། ལ་ལ་ནི་རི་བོས་འགྱེད། ལ་ལ་ནི་རྩེ་གསུམ་ཁ་
D287.069.0048b05.01གདེང་གིས་འགྱེད། ལ་ལ་ནི་སྟེའུ་ཁས་འགྱེད། ལ་ལ་ནི་གློག་འབྱུང་བས་འགྱེད། ལ་ལ་ནི་ཐོང་གཤོལ་གྱིས་འགྱེད། ལ་ལ་ནི་སྟོབས་ཀྱིས་འགྱེད། ལ་ལ་ནི་འཁོར་ལོས་འགྱེད། ལ་ལ་ནི་རལ་གྲིས་འགྱེད། ལ་ལ་ནི་ནམ་མཁའ་ལ་འགྲོ་བས་འགྱེད། ལ་ལ་ནི་སྣ་ཚོགས་པས་འགྱེད།
D287.069.0048b06.01ལ་ལ་ནི་ཐོ་བས་འགྱེད། ལ་ལ་ནི་མཚོན་ཆ་མཆོག་ཏུ་གདམས་པས་འགྱེད། ལ་ལ་ནི་མཚོན་ཆ་དྲི་མ་མེད་པས་འགྱེད། ལ་ལ་ནི་མཚོན་ཆ་རབ་བྱེད་ཀྱིས་འགྱེད། ལ་ལ་ནི་མཚོན་ཆ་བྱི་བདར་བྱེད་ཀྱིས་འགྱེད། ལ་ལ་ནི་མཚོན་ཆ་བརྩེགས་པས་འགྱེད། ལ་ལ་ནི་མེས་འགྱེད།
D287.069.0048b07.01