完整藏文原文 · 德格版页 当前仅加载第 69 函德格 183b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཡང་བྱེད་དུ་འཇུག། བྱས་པ་ལ་ཡང་རྗེས་སུ་ཡི་རང་བར་བྱེད། བདག་ཉིད་ཀྱང་སྲོག་གཅོད་པ་དང་མ་བྱིན་པར་ལེན་པ་དག་སྤངས་ལ་གཞན་དག་ཀྱང་དེ་ཉིད་ལ་རབ་ཏུ་སྦྱོར་བར་བྱེད་དོ། །ལེགས་པར་བྱས་པའི་ལམ་རྣམ་པ་གཉིས་ཀྱིས་གང་སྡོམ་པ་མ་བླངས་པ་དེ་ནི་ལེན་དུ་འཇུག་པར་བྱེད་ལ།
D287.069.0183b01.01གང་བླངས་པ་དེ་ནི་བརྟན་པོར་བྱེད་དུ་འཇུག་སྟེ། གཉི་ག་ལེགས་པར་བྱ་བ་བྱས་པ་བདག་ཉིད་དང་གཞན་ཉིད་ལ་ཕན་པ་བྱས་པ་དེ་ནི་མཐོ་རིས་སུ་སྐྱེ་བར་འགྱུར་རོ། །སྲོག་གཅོད་པ་སྤངས་པ་རྣམ་པ་དུ་ཡོད་ཅིག་གུ་སྙམ་ན། འདི་ལ་སྲོག་གཅོད་པ་མི་དགེ་བ་མི་བྱེད་པ་ཡིན་ནོ། །རྣམ་པ་ཇི་
D287.069.0183b02.01ལྟ་བུ། རྣམ་གྲངས་དུ་ཡོད་ཅེ་ན། འདི་ལ་སེམས་ཅན་གཞན་ལ་སེམས་ཅན་དུ་འདུ་ཤེས་ནས་སྲིན་བུ་ཕྲེའུ་དང་གྲོག་སྦུར་ལ་སོགས་པ་ལ་འཚེ་བར་མི་བྱེད་ཅིང་སྲོག་གཅོད་པར་མི་བྱེད་པ་ཡིན་ནོ། །འདི་ལ་སྲོག་གཅོད་པ་མི་བྱེད་པ་ནི་གང་། བྱི་བའམ་སྐྱིན་གོར་རམ་འོལ་པའམ་{རི་དགས་,རི་དྭགས་}
D287.069.0183b03.01དག་གཡོ་ཐབས་ཀྱིས་འཛིན་པ་དེ་དག་ཕྱིར་ཟློག་པར་བྱེད་པ་ཡིན་ནོ། །གཡོ་ཐབས་ཀྱི་རྣམ་པ་དུ་ཡོད་ཅེ་ན། འདི་ལ་འཛིན་པར་བྱེད་པ་རྙོང་ལྟ་བུས་སམ། བུ་གར་རྒྱས་འགེབས་པས་སམ་རྩྭའི་དྲ་བས་སམ་རྙིས་སམ་འབྲེལ་བས་སམ་རླུབས་ཀྱིས་སམ་གདོས་ཀྱིས་འཛིན་པར་བྱེད་ལ། བཟུང་
D287.069.0183b04.01ནས་ཀྱང་སྲོག་གཅོད་པར་བྱེད་པ་དེ་དག་ཟློག་པར་བྱེད་ཅིང་ཡང་དག་པར་དགའ་བར་མི་བྱེད་གཟེངས་སྟོད་པར་མི་བྱེད་འདི་ལྟར་སྲོག་ཆགས་དག་གི་སྲོག་གཅོད་པར་མ་བྱེད་ཅིག་ཅེས་ཟློག་པར་བྱེད་ཅིང་ཆོས་ལ་ཡང་རབ་ཏུ་འཇོག་པར་བྱེད་དེ། རྣམ་པ་དེ་དག་ནི་སྲོག་གཅོད་པ་ལ་ཡང་དག་པར་
D287.069.0183b05.01ཆགས་པའི་སྲོག་ཆགས་ཟློག་པར་བྱེད་པ་ཡིན་ནོ། །མ་བྱིན་པར་ལེན་པ་སྤངས་པ་ཇི་ལྟ་བུ་ཡིན་ཞེ་ན་འདི་ལ་རྩྭ་ཙམ་ལ་ཡང་རྐུ་སེམས་ཀྱིས་མི་རྐུ་ལ་གཞན་དག་ཀྱང་ཟློག་པ་ཡིན་ནོ། །རྣམ་པ་དུ་ཞིག་ཅེ་ན། འདི་ལ་མ་བྱིན་པར་ལེན་པའི་མི་ཁ་ཅིག་དེ་ཉིད་ལ་དགའ་བའོ། །རྣམ་པ་དུ་
D287.069.0183b06.01ཞིག་ཡོད་སྙམ་ན། འདི་ལ་མཆོད་རྟེན་ལ་བུད་མེད་དག་དང་ལྷན་ཅིག་རོལ་མོའི་སྒྲ་བྱེད་པ་དང་གཞན་དག་བྲོ་གར་བྱེད་གཞན་དག་གླུ་དབྱངས་ལེན་གཞན་དག་ཡོངས་སུ་སྤྱོད་པར་བྱེད་དགོད་པར་བྱེད་རྩེ་བར་བྱེད་དགའ་དགུར་སྤྱོད་པར་བྱེད། རབ་ཏུ་དགའ་བར་བྱེད་པ་དག་ལ་
D287.069.0183b07.01