完整藏文原文 · 德格版页 当前仅加载第 69 函德格 75b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་མས་བསྐོར་ཅིང་ཡོངས་སུ་སྤྱོད་པར་ནི་བྱེད། ཉི་མའི་འོད་ལྟར་ནི་གསལ། དགེ་བ་ནི་རྒྱ་ཆེར་འཕེལ། ལྷའི་ཚོགས་ཐམས་ཅད་ཀྱིས་ནི་མཆོད། རི་རབ་རིན་པོ་ཆེ་དུ་མའི་འོད་ཀྱིས་གསལ་བར་བྱས་ཤིང་རབ་ཏུ་འབར་བ་དག་ལ་ནི་གནས། གོས་ཚོན་ཅན་རྣམ་པ་སྣ་
D287.069.0075b01.01ཚོགས་ནི་བགོས། མཐོ་རིས་དང་འཐུན་པའི་རིན་པོ་ཆེ་དུ་མ་དག་གི་རྒྱན་གདགས་པར་བྱ་བ་ནི་བཏགས། ཚལ་ན་རྣམ་པར་རྒྱུ་བའི་ལྷས་བསམས་པའི་ཚལ་དཀྲིགས་པ་སྣ་ཚོགས་དག་ན་ནི་གནས། པད་མའི་རྫིང་དང་། ལྟེང་ཀ་དང་། ཆུའི་དངོ་དང་། འབབ་ཆུ་དང་།
D287.069.0075b02.01ཆུ་བོ་དང་། འབབ་ཆུའི་རྒྱུན་དང་། སྟེགས་སྣ་ཚོགས་དག་ལ་རྣམ་པར་རྒྱུ་བ་ན། རང་གི་ལས་རྣམས་ལས་ཀྱི་བྱ་བ་བྱེད་དོ། །དེ་ལྟར་དེ་ཡོངས་སུ་རྒྱུ་བ་ན། ཕྱོགས་གཞན་ཞིག་ན་ཚལ་དྲིལ་བུ་གཡེར་ཀའི་དྲ་བས་གཏིབས་ཤིང་གསེར་གྱི་ལན་ཀན་བྲེས་པ་ཞིག་དེས་
D287.069.0075b03.01མཐོང་སྟེ། བྱ་རྣམ་པ་སྣ་ཚོགས་གནས་པ། བྱའི་ཚོགས་སྐད་སྙན་ཅིང་འཇེབས་པ་འབྱིན་པ་རྣམས་ཀྱིས་ནི་ཀུན་ཏུ་གང་། རླུང་གིས་ཕོག་ནས་རབ་ཏུ་གཡོས་པའི་དྲིལ་བུ་གཡེར་ཀའི་སྒྲ་ནི་དྲག་ཏུ་འཁྲོལ། ཉི་མ་འབུམ་སྙེད་ཀྱི་འོད་དང་ནི་ལྡན། རི་རབ་ལས་བྱུང་བ་གསེར་
D287.069.0075b04.01གྱི་རི་བདུན་ལ་འདི་ལྟ་སྟེ། ཤིན་ཏུ་མཐོ་དང་། རབ་སྦྱོར་དང་། ཆར་དགའ་དང་། ཀླུས་བརྟོལ་དང་། རབ་ཆགས་གསལ་དང་། རིན་ཆེན་ཆར་འབེབས་དང་། རྒྱུ་སྐར་ཕྲེང་གིས་ཡོངས་སུ་བསྐོར་བ། དྲིལ་བུ་གཡེར་ཀའི་དྲ་བས་གཏིབས་པའི་ཚལ་དེར་འཇུག་པར་
D287.069.0075b05.01བྱེད་དོ། །རྣམ་པ་དེ་ལྟ་བུའི་ཚལ་ལྷའི་ཕྲེང་བ་ལ་སོགས་པས་རྣམ་པར་བརྒྱན་པ་དེ་ན། ལྷ་མོ་ཚལ་གྱི་གསབ་གསེབ་ན་རྒྱུ་ཞིང་རྩེ་བ་གང་ཡིན་པ་དེ་དག་འོད་ཟེར་འབུམ་སྙེད་འབྱུང་བ་ལྟར་ཚལ་དེ་ན་སྣང་ངོ་། །ཤིང་ལྗོན་པའི་བར་བར་ན་འཁོད་པའི་ལྷ་དེ་དག་གིས་དེ་
D287.069.0075b06.01རྣམས་མཐོང་ནས། དེ་ནས་ཡང་འདོད་པའི་ཡོན་ཏན་ལྔ་ལ་བློ་རྣམ་པར་ཆགས་པ་དག་བལྟ་བའི་ཕྱིར་དེའི་དྲུང་དུ་འདོང་ཞིང་ཤིན་ཏུ་རྒྱུག་པར་བྱེད་དེ། གསེར་གྱི་པད་མ་རྣམས་ཀྱིས་དེ་དག་དང་རྩེ་བར་བྱེད། ཡོངས་སུ་སྤྱོད་པར་བྱེད། དགོད་པར་བྱེད། སྒེག་པར་བྱེད་ལ།
D287.069.0075b07.01