完整藏文原文 · 德格版页 当前仅加载第 69 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
པ་སོ་སོའི་སྐྱེ་བོ་ལས་ཀྱི་མེ་ཐམས་ཅད་རྩྭ་དང་ཡལ་ག་དང་ལོ་མ་དང་། འདབ་མ་སྐམ་པོ་ལ་སྲེག་པའི་ཚལ་གྱི་མེ་ལྟ་བུའི་སྲེད་པའི་མྱ་ངམ་གྱི་ནང་དུ་རབ་ཏུ་འཇུག་པར་བྱེད་དོ། །དེ་ནས་དེ་སྲེད་པ་མེ་ལྟ་བུའི་བག་ལ་ཉལ་གྱི་ཀུན་དུ་སྦྱོར་བའི་སྟོབས་རབ་ཏུ་ཆེ་བ། རྣམ་པར་རྟོག་པ་རླུང་ལྟ་བུས་བསྐྱོད་
D287.069.0167b01.01པའི་འཇིག་རྟེན་པའི་བསམ་གཏན་ཐོབ་པ་ཐམས་ཅད་ཤིང་དང་ཚལ་དང་ལྕུག་མ་འཕྱང་བ་སྐམ་པོ་དང་རི་ཁྲོད་ལྟ་བུ་ཡིན་ཏེ། དེ་ཡང་དེ་ལྟར་སྲེད་པ་མེ་ལྟ་བུས་ངེས་པར་སྲེག་པར་བྱེད་དོ། །ཀུན་ནས་རབ་ཏུ་འབར་ཞེས་བྱ་བ་ནི་ཀུན་ནས་སྲེད་པའི་ཚོགས་དྲུག་རབ་ཏུ་འབར་བ་ཡིན་ནོ། །གར་
D287.069.0167b02.01བབ་བབ་ཏུ་འབྲོས་ཞེས་བྱ་བ་ནི། གང་དང་གང་དུ་དབང་པོ་ཤིན་ཏུ་ཆགས་པའི་སེམས་ཡུལ་ལ་རྗེས་སུ་སྟེན་པར་བྱེད་པ་དེ། དེ་ཉིད་དུ་ཡུལ་ལ་སྲེད་པའི་མེ་ལྟ་བུས་སྲེག་པར་བྱེད་ལ་ཤིན་ཏུ་རྣམ་པར་རྟོག་པའི་ཡུལ་རླུང་ལྟ་བུས་གཡེངས་པ་ཡིན་ནོ། །དེ་དེ་ཉིད་དུ་ཡུལ་ལ་སྲེད་པའི་མེས་སྲེག་
D287.069.0167b03.01པ་ན་ལྷ་དག་ཀུན་དུ་འཇིགས་པར་འགྱུར་ཏེ། དེ་ནི་མེ་ཐ་མལ་པ་ལ་སྲེད་པར་བྱ་བའི་དཔེར་བྱ་བ་ཡིན་ནོ། །དེ་ལྟར་ལྷ་དེ་ལྷའི་གནས་དེ་ན་ལེགས་པར་བྱས་པའི་རྣམ་པ་འབུམ་སྙེད་དག་ལ་ཉེ་བར་སྤྱོད་པ་ཡིན་ཏེ་ཇི་སྲིད་དུ་འདོད་པ་སྡུག་པ་ཡིད་དུ་འོང་བ་བྱས་ཤིང་བསགས་པའི་ལས་དེ་ཟད་པར་
D287.069.0167b04.01མ་གྱུར་པ་དེ་སྲིད་དུ་དགའ་བར་བྱེད་དོ། །དེ་ཕྱིས་ལྷའི་རིས་དེ་ནས་འཆི་བར་འགྱུར་ཏེ། ཤི་ནས་ཀྱང་ལས་ཉེ་བར་འགྲོ་བ་ཇི་ལྟ་བ་བཞིན། སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་དུད་འགྲོ་རྣམས་ཀྱི་ནང་དུ་སྐྱེ་བར་འགྱུར་རོ། །གལ་ཏེ་མི་དང་སོ་སོ་ཡང་དག་པར་མྱོང་བར་འགྱུར་བའི་
D287.069.0167b05.01ལས་ཀྱིས་མི་རྣམས་དང་སྐལ་བ་མཉམ་པར་མིའི་ནང་དུ་སྐྱེས་ན་ལས་དེ་དང་རྒྱུ་འཐུན་པར་དེ་རིན་པོ་ཆེའི་ས་གཞི་དག་ལ་རིན་པོ་ཆེ་ཀུན་གྱིས་བརྒྱན་པ་ཁང་པ་ཕུན་སུམ་ཚོགས་པ་ཐམས་ཅད་དུ་རྒྱལ་པོའམ་བློན་པོ་ཆེན་པོར་སྐྱེ་བར་འགྱུར་ཏེ། རྟག་ཏུ་རབ་ཏུ་བདེ་བ་དང་ལྡན་པར་འགྱུར། རྒྱལ་པོ་
D287.069.0167b06.01དགའ་བ་དང་སྐྱེ་བོ་ཀུན་དགའ་བ་དང་བུ་དང་ནོར་དང་འབྲུ་ཕུན་སུམ་ཚོགས་པར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ་སུམ་ཅུ་རྩ་གསུམ་པའི་ལྷ་རྣམས་ཀྱི་གནས་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པས་ལྷ་རྣམས་ཀྱི་གནས་
D287.069.0167b07.01