完整藏文原文 · 德格版页 当前仅加载第 69 函德格 6a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོས་པ་ལས་བྱུང་བའི་ཤེས་པས་བརྟགས་ན། གང་གི་ཚེ་ཆོས་དང་མི་ལྡན་ཞིང་ཆོས་ཀྱི་རྗེས་སུ་མི་འཇུག་པའི་སྐྱེ་དགུ་དག་འབྱུང་བ་དེའི་ཚེ་ཀླུའི་བདག་པོ་མ་རུངས་པ་དག་གི་སྟོབས་རབ་ཏུ་ཆེ་བར་འགྱུར་རོ། །དེ་དག་ཤར་གྱི་ལུས་འཕགས་གླིང་དུ་སྒྲ་རབ་ཏུ་ཆེན་
D287.069.0006a01.01པོར་འབྱིན་ཏེ། འདི་ལྟ་སྟེ། རི་ཆེན་པོ་སྙིལ་བ་ན་སྒྲ་འབྱུང་བ་དེ་ལྟ་བུ་དེ་དག་ཐོས་ནས། ཤར་གྱི་ལུས་འཕགས་གླིང་གི་མི་རྣམས་ཀྱི་སྙིང་ཤིན་ཏུ་འཇམ་པར་མི་འགྱུར་ཏེ། དེ་དག་ཁ་ཅིག་ནད་ཀྱིས་འདེབས་སོ། །དེ་བཞིན་དུ་གློག་ཀྱང་འབྱིན་ཏེ། འདི་ལྟར་ཕྱོགས་བཅུ་ཐམས་
D287.069.0006a02.01ཅད་འབར་བའི་ཕྲེང་བས་འཁྲུགས་པར་འགྱུར་ཞིང་སྤྲིན་གྱི་ནང་དུ་ཞུགས་པའི་ཀླུ་དེ་དག་གཟུགས་འཇིགས་འཇིགས་ལྟར་བསྒྱུར་བ། མིག་ནི་ཤིང་རྟའི་འཁོར་ལོ་ཙམ། གཟུགས་ནི་རི་ནག་པོ་འདྲ་ལ་མགོ་གསུམ་པོ་ལས་མེ་ཐམས་ཅད་གཏོང་ཞིང་ཁྱིའི་གཟུགས་དང་། སྦྲུལ་གྱི་
D287.069.0006a03.01གཟུགས་ཏེ། གཟུགས་དུ་མ། གཟུགས་མི་བཟད་པ་དག་མཐོང་ངོ་། །དེ་དག་མཐོང་ནས་ཤར་གྱི་ལུས་འཕགས་གླིང་གི་མི་རྣམས་ཀྱི་བར་ཆད་དུ་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ། མཐོ་རིས་ལས་གཞན་པ་མཐོ་རིས་
D287.069.0006a04.01ཀྱི་འཇིག་རྟེན་གཉིས་པ་ལྟ་བུ། བྱང་གི་སྒྲ་མི་སྙན་གྱི་གླིང་ལ་རྟོག་པར་བྱེད་དེ། ཀླུའི་བདག་པོ་མ་རུངས་པ་དག་བྱང་གི་སྒྲ་མི་སྙན་གྱི་མི་རྣམས་ལ་ཇི་ལྟར་གནོད་པ་སྐྱེད་པར་བྱེད་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ཇི་ལྟར་བྱང་གི་སྒྲ་མི་སྙན་གྱི་མི་རྣམས་ལ་
D287.069.0006a05.01སྔ་མ་བཞིན་དུ་པད་མ་དང་། རྟག་ཏུ་མེ་ཏོག་རྒྱས་པ་དང་། རྟག་ཏུ་དྲི་ཞིམ་པ་དང་། མཆོག་ཏུ་ཉམས་དགའ་བ་དག་ཡིན་ཏེ། དེ་དག་མཐོང་ནས་བྱང་གི་སྒྲ་མི་སྙན་གྱི་མི་རྣམས་འགྲངས་པ་དང་། དགའ་བར་འགྱུར་རོ། །གང་གི་ཚེ་དགེ་སྦྱོང་དུ་མི་འཛིན་པ་དང་། བྲམ་ཟེར་མི་འཛིན་
D287.069.0006a06.01པའི་སྐྱེ་དགུ་དག་འབྱུང་བ་དེའི་ཚེ། ཀླུ་མ་རུངས་པ་དག་གིས་བྱང་གི་སྒྲ་མི་སྙན་དུ་སྤྲིན་སྟུག་པོ་རི་ལྟ་བུ་དག་འབྱིན་པར་བྱེད་དེ། དེ་དག་བྱུང་མ་ཐག་ཏུ་ཉི་མ་སྒྲིབ་པར་བྱེད་དོ། །དེས་བསྒྲིབས་པའི་སྐྱོན་གྱིས་པད་མ་དག་ཞུམ་པར་འགྱུར་ཞིང་དྲི་མི་ཞིམ་པར་འགྱུར་ལ་ཉི་མ་བཞིན་དུ་གསལ་
D287.069.0006a07.01