完整藏文原文 · 德格版页 当前仅加载第 69 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ཡང་འདི་ཡོད་པས་འདི་འབྱུང་ལ་འདི་མེད་པས་འདི་མི་འབྱུང་བ་ནི་འདི་ལྟ་སྟེ། བྱས་ཤིང་བསགས་པའི་ལས་རྣམ་པར་སྨིན་པ་འབྱུང་ལ། བྱས་ཤིང་བསགས་པའི་ལས་མེད་ན་རྣམ་པར་སྨིན་པ་མི་འབྱུང་སྟེ། ལྷ་དག་འདི་ཡང་འདི་ཡོད་པས་འདི་འབྱུང་ལ་འདི་མེད་པས་འདི་
D287.069.0193a01.01མི་འབྱུང་བ་ཡིན་ནོ། །ལྷ་དག་གཞན་ཡང་འདི་ཡོད་པས་འདི་འབྱུང་ལ་འདི་མེད་པས་འདི་མི་འབྱུང་བ་ནི་འདི་ལྟ་སྟེ། མིག་ལ་ཡང་བརྟེན་གཟུགས་ལ་ཡང་བརྟེན་ནས་ཡིད་ལ་བྱེད་པ་སྔོན་དུ་འགྲོ་བའི་མིག་གི་རྣམ་པར་ཤེས་པ་འབྱུང་སྟེ་ལྷ་དག་འདི་ཡང་འདི་ཡོད་པས་འདི་འབྱུང་བ་ཡིན་ནོ། །
D287.069.0193a02.01གང་ཞིག་མེད་ན་ཅི་ཞིག་མི་འབྱུང་ཞེ་ན་འདི་ལྟ་སྟེ། གཟུགས་ཀྱང་མེད་མིག་ཀྱང་མེད་ཡིད་ལ་བྱེད་པ་ཡང་མེད་ན་མིག་གི་རྣམ་པར་ཤེས་པ་མི་འབྱུང་སྟེ། ལྷ་དག་འདི་ཡང་འདི་མེད་པས་འདི་མི་འབྱུང་བ་ཡིན་ནོ། །ལྷ་དག་གཞན་ཡང་འདི་ཡོད་པས་འདི་འབྱུང་བ་ནི་འདི་ལྟ་སྟེ། བྱེ་མ་དང་
D287.069.0193a03.01འཇིམ་པ་དང་འཁོར་ལོ་དང་སྐུད་པ་དང་ཆུ་ལ་སོགས་པ་རྒྱུ་ལ་བརྟེན་ནས་བུམ་པ་འབྱུང་བར་འགྱུར་ཏེ། ལྷ་དག་འདི་ཡང་འདི་ཡོད་པས་འདི་འབྱུང་བ་ཡིན་ནོ། །ཡང་གང་ཞིག་མེད་ན་ཅི་ཞིག་མི་འབྱུང་བར་འགྱུར་ཞེ་ན་འདི་ལྟ་སྟེ། བྱེ་མ་དང་འཇིམ་པ་དང་འཁོར་ལོ་དང་སྐུད་པ་དང་ཆུ་ལ་
D287.069.0193a04.01སོགས་པ་རྒྱུ་རྣམས་མེད་ན་བུམ་པ་མི་འབྱུང་སྟེ། འདི་ཡང་མེད་ན་འདི་མི་འབྱུང་བ་ཡིན་ནོ། །ལྷ་དག་གཞན་ཡང་འདི་ཡོད་ན་འདི་འབྱུང་བ་ནི་འདི་ལྟ་སྟེ། འདུ་བ་ཡོད་ན་འབྲལ་བ་འབྱུང་སྟེ། འདི་ཡང་འདི་ཡོད་ན་འདི་འབྱུང་བ་ཡིན་ནོ། །གང་ཞིག་མེད་ན་ཅི་ཞིག་མི་འབྱུང་ཞེ་ན་འདི་ལྟ་
D287.069.0193a05.01སྟེ། འདུ་བ་མེད་ན་འབྲལ་བའི་སྡུག་བསྔལ་མི་འབྱུང་སྟེ། ལྷ་དག་འདི་ཡང་འདི་མེད་པས་འདི་མི་འབྱུང་བ་ཡིན་ནོ། །ལྷ་དག་གཞན་ཡང་འདི་ཡོད་པས་འབྱུང་བ་ནི་འདི་ལྟ་སྟེ། སྐྱེ་བ་ཡོད་ན་འཆི་བ་འབྱུང་ལ། སྐྱེ་བ་མེད་ན་འཆི་བ་མི་འབྱུང་སྟེ། ལྷ་དག་འདི་ཡང་
D287.069.0193a06.01ཡོད་པས་འདི་འབྱུང་ལ་འདི་མེད་པས་འདི་མི་འབྱུང་བ་ཡིན་ནོ། །ལྷ་དག་གཞན་ཡང་འདི་ཡོད་པས་འདི་འབྱུང་བ་ནི་འདི་ལྟ་སྟེ། འདོད་ཆགས་ཀྱི་མེ་ཡོད་ན་ངེས་པར་གདུང་བར་འགྱུར་ཏེ། ཇི་ལྟར་མེ་ཡོད་ན་ངེས་པར་སྲེག་པ་ཡོད་པ་བཞིན་ནོ། །ལྷ་དག་འདི་ཡང་འདི་ཡོད་པས་འདི་
D287.069.0193a07.01