完整藏文原文 · 德格版页 当前仅加载第 69 函德格 136b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་དུ། ལྷ་དེའི་རང་གི་ལུས་ཀྱི་འོད་ཀྱིས་ལྷའི་གནས་དེ་དག་ཐམས་ཅད་བརྒྱན་པ་བཞིན་རྣམ་པར་གསལ་བར་བྱེད་དོ། །འོད་དེས་གཟུགས་ཕུན་སུམ་ཚོགས་པ་དེ་དག་ཐམས་ཅད་དང་ལྡན་པའི་ལྷ་དེ་ལ། ལྷ་དེ་དག་གིས་མངོན་པར་བརྟགས་ཏེ། རྣམ་པ་དེ་ལྟ་བུའི་ཁྱད་པར་གང་གི་
D287.069.0136b01.01དྲུང་ན་ལྷ་གཞན་དེ་དག་སྲིན་བུ་མེ་ཁྱེར་བཞིན་གསལ་བ་མེད་དོ། །ལྷའི་རིས་དེར་ལྷ་དེ་སྐྱེས་མ་ཐག་ཏུ་ལྷ་མོ་དེ་དག་ཐམས་ཅད་ལྷ་དེ་ག་ལ་བ་དེར་རྒྱུག་ཅིང་སྐྱེས་མ་ཐག་ཏུ་རྒྱན་ཐམས་ཅད་འབྱུང་བར་འགྱུར་ཏེ། འདི་ལྟ་སྟེ་གང་གི་གཙུག་གི་ནོར་བུ་མཐོན་ཀ་ཆེན་པོའི་འོད་ཀྱིས་དཔག་ཚད་
D287.069.0136b02.01དག་ཏུ་འོད་སྣང་བར་བྱེད་པ་བཞིན་དུ། འོད་གང་གིས་གཞན་མཐོ་རིས་ན་གནས་པའི་འོད་དེ་དག་ཐམས་ཅད་དང་ཕྱི་རོལ་གྱི་ནོར་བུ་དེ་དག་ཐམས་ཅད་དེ་ལྟར་ཟིལ་གྱིས་གནོན་པར་བྱེད་དོ། །ཇི་ལྟར་ཉི་མ་ཤར་བས་སྲིན་བུ་མེ་ཁྱེར་རྣམས་ཀྱི་འོད་ཟིལ་གྱིས་གནོན་པར་བྱེད་པ་དེ་བཞིན་དུ་ལྷ་དེ་དག་
D287.069.0136b03.01ཟིལ་གྱིས་གནོན་པར་བྱེད་དོ། །དེ་ནས་སྐྱེས་མ་ཐག་ཏུ་རིན་པོ་ཆེ་སྣ་བདུན་གྱི་ཅོད་པན་དཔག་ཚད་བརྒྱར་འོད་འཕྲོ་བ་འབྱུང་བར་འགྱུར་ཏེ། འོད་ཀུན་གྱིས་བརྒྱན་ཅིང་འོད་ཟེར་འབྱུང་ལ་གང་གིས་འོད་སྔོན་པོ་དང་། སེར་པོ་དང་། བཙོད་ཀ་དང་། ལྗང་གུ་དང་། དཀར་པོ་དག་འབྱུང་བར་འགྱུར་རོ། །
D287.069.0136b04.01དེའི་འོག་ཏུ་རིན་པོ་ཆེ་སྣ་བདུན་གྱི་མགུལ་རྒྱན་དཔག་ཚད་བརྒྱར་འོད་འཕྲོ་བ་འབྱུང་བར་འགྱུར་རོ། །དེ་ལྟར་དེའི་འོག་ཏུ་རིན་པོ་ཆེ་སྣ་བདུན་གྱི་རྒྱན་ཕྲེང་འབྱུང་བར་འགྱུར་རོ། །དེའི་འོག་ཏུ་ཕྲེང་བ་འཕྱང་བ་རྡོ་རྗེས་བརྒྱན་པ་འབྱུང་བར་འགྱུར་རོ། །དེའི་འོག་ཏུ་དེའི་རྐེད་པའི་ཕྲེང་རྒྱན་ཇི་ལྟར་འཇའི་
D287.069.0136b05.01ཁ་དོག་ལྟ་བུར་སྐྱེ་ཞིང་འབྱུང་བར་འགྱུར་རོ། །དེའི་འོག་ཏུ་དེའི་ལྷམ་རིན་པོ་ཆེ་སྣ་བདུན་གྱིས་སྤྲས་པ། འོད་སྣ་ཚོགས་དང་ལྡན་པ་འབྱུང་བར་འགྱུར་ཏེ། ཤུགས་གང་གིས་རིམ་པ་འདི་ལྟར་འགྲོ་བ་ནི། གང་གི་ཚེ་ལྷ་དེ་འདི་སྙམ་དུ་འདི་ལྟར་བདག་ཆེ་གེ་མོ་ཞིག་ཏུ་ནམ་མཁའ་
D287.069.0136b06.01ལས་འགྲོའོ་སྙམ་དུ་བསམས་ན་སེམས་བསྐྱེད་མ་ཐག་ཏུ་ལྷ་ཡུལ་དུ་འབྱུང་བའི་ལྷམ་དེས་ལྷ་དེ་བཏེག་སྟེ་ནམ་མཁའ་ལ་ཁྱེར་ནས་གནས་དེར་འགྲོ་སྟེ། ལུས་ངལ་བ་མེད་ཅིང་གནོད་པ་ཐམས་ཅད་དང་བྲལ་བར་འགྱུར་རོ། །གང་དེའི་འོག་ཏུ་དེའི་གོས་ཐགས་སུ་བཏགས་པ་མ་ཡིན་པ་རིན་
D287.069.0136b07.01