完整藏文原文 · 德格版页 当前仅加载第 69 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
འབྲིང་དང་། བཟང་པོར་བྱས་པ་ཡིན་གྱི་ངའི་མཐུ་ནི་མ་ཡིན་ནོ། །དེ་ནས་དེའི་ཚེ་འདི་ལྟར་ལྷ་རྣམས་ཀྱི་དབང་པོས་ཚིགས་སུ་བཅད་དེ་སྨྲས་པ། ལས་ངན་པས་ནི་ལུས་ཅན་རྣམས། །འགྲོ་བ་དག་ནི་ངན་པར་འགྱུར། །འབྲིང་དག་གིས་ནི་འབྲིང་དུ་མཐོང་། །དེ་བས་བཟང་བ་མི་
D287.069.0116a01.01རྣམས་སོ། །གང་གིས་གང་དུ་གང་གི་ཚེ། །གང་བྱས་ལས་ནི་རྗེས་མྱོང་བ། །དེ་ཡིས་དེར་ནི་དེ་ཡི་ཚེ། །ལས་དེ་ལུས་ལ་རྣམ་སྨིན་འགྱུར། །ལྷ་ཁང་འོད་ཀྱི་ཕྲེང་བ་ཅན། །བདེ་བའི་རྣམ་པས་རྩེ་བྱེད་པ། །དེ་ནི་དགེ་བའི་འབྲས་བུར་མཐོང་། །ཁྱད་པར་དུ་ནི་དྲི་མ་མེད། །མི་ནི་ལས་
D287.069.0116a02.01དག་གང་བྱེད་པ། །དགེ་འམ་ཡང་ན་མི་དགེ་བྱེད། །དེ་ཡི་འབྲས་བུ་དེ་ཚེ་མཐོང་། །བདེ་འམ་ཡང་ན་མི་བདེར་འགྱུར། །བདེ་བའི་རྣམ་པ་འདི་རྣམས་ཀྱིས། །ལྷ་དག་དུ་མར་རྩེ་བ་གང་། །དེ་རྒྱུ་ང་ཡི་མ་ཡིན་ཏེ། །རྒྱུ་དེ་སྔོན་ནི་བྱས་པ་ཡིན། །དེ་ནས་ལྷ་དེ་རྣམས་ཀྱིས་བརྒྱ་བྱིན་དེའི་ཁ་
D287.069.0116a03.01ནས་ཚིགས་བཅད་དེ་དག་ཐོས་ཏེ་རྗེས་སུ་ཡི་རང་ལ་སྤྱི་བོས་བླངས་ནས། ཡང་སྐྱེད་མོས་ཚལ་དུ་གནས་པར་བྱ་བའི་ཕྱིར། སྐྱེད་མོས་ཚལ་ག་ལ་བ་དེར་འདོང་ངོ་། །དེ་ནས་ལྷ་མོ་སྟོང་ངམ། སྟོང་ཕྲག་བརྒྱ་དེ་དག་སོ་སོའི་ལག་པ་པད་མས་བྲེལ་ཅིང་། ཆ་བྱད་དང་། གཟུགས་དང་། རྒྱན་སྣ་ཚོགས་
D287.069.0116a04.01ཐོགས་པ་ཡིན་ཏེ། འདི་ལྟར་ལྷ་མོ་དེ་དག་ཕན་ཚུན་སོ་སོ་ན་ཆ་བྱད་དང་། གཟུགས་དང་། འགྲོས་དང་། གླུ་དབྱངས་དང་། རོལ་མོ་བྱེད་པ་དག་མི་འདྲ་བ་ཡིན་ནོ། །དེ་ལྟར་དགེ་བའི་ལས་དུ་མས་སྤྲུལ་པའི་ལྷ་མོ་བརྒྱ་འམ་སྟོང་དེ་དག་ཤིན་ཏུ་མཁས་པས་སྤྲུལ་པ་ཡིན་ནོ། །དེ་ནས་དེ་དག་ཐམས་
D287.069.0116a05.01ཅད་ལྷའི་དབང་པོ་བརྒྱ་བྱིན་ག་ལ་བ་དེ་ལོགས་སུ་ཕྱོགས་ཤིང་བྲོ་གར་བྱེད་ལ། ཀུན་དགའི་ཚལ་དེ་ག་ལ་བ་དེར་འདོང་བར་བྱེད་དོ། །ཚལ་དེར་སྔར་འཇུག་པ་ན་དངུལ་གྱི་ཤིང་ལྗོན་པ་རྣམས་དང་། དངུལ་གྱི་འདབ་མ་དང་། དངུལ་གྱི་ས་གཞི་དང་། དངུལ་གྱི་མདོག་ལྟ་བུ་རྣམས་ཀྱིས་མཛེས་
D287.069.0116a06.01པར་བྱས་པ། བྱ་ཐམས་ཅད་ཀྱང་དངུལ་གྱི་བྱ་སྟེ། བྱའི་ཚོགས་ཀྱི་རྣམ་པས་ཀུན་དུ་གང་ལ། སྒྲ་རྣམ་པ་སྣ་ཚོགས་འབྱིན་པས་མཛེས་པར་བྱས་པ་དང་པོ་ཉིད་དུ་ལྷའི་དབང་པོ་བརྒྱ་བྱིན་ཞབས་འབྲིང་བ་དང་། ལྷན་ཅིག་འཇུག་པར་བྱེད་དོ། །དེ་འཇུག་པ་ན་རིན་པོ་ཆེ་རྣམ་པ་སྣ་ཚོགས་ཀྱིས་
D287.069.0116a07.01