完整藏文原文 · 德格版页 当前仅加载第 69 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡང་ངོ་མཚར་ཆེ་བ་ཡིན་ནོ། །དེ་གང་གི་ཚེ་དུད་འགྲོ་དག་ལས་ཡོངས་སུ་ཐར་ན། དེ་ལྷའི་རིས་གཉིས་པོ་རྒྱལ་ཆེན་བཞི་པའམ། སུམ་ཅུ་རྩ་གསུམ་པ་གང་ཡང་རུང་བར་སྐྱེ་བར་འགྱུར་རོ། །དེ་དུད་འགྲོའི་ཉམ་ང་བ་ཆེན་པོ་ལས་འཆི་ཞིང་ཐར་བར་འགྱུར་བ་དེའི་ཚེ།
D287.069.0262a01.01བདེ་བ་ཆེན་པོ་ཉེ་བར་གནས་པའི་མཚན་མ་རྣམ་པ་དུ་མ་དང་དངོས་པོ་དུ་མ་དང་ལྡན་པའི་མཚན་མ་ལ་དམིགས་པ་བཤད་པར་མི་ནུས་སོ། །སེམས་ཅན་དམྱལ་བ་པ་མཐོ་རིས་སུ་སྐྱེ་བར་འགྱུར་བ་ནི་ངོ་མཚར་མི་ཆེའི། །{ཡི་དགས་,ཡི་དྭགས་}དང་དུད་འགྲོ་དག་མཐོ་རིས་སུ་སྐྱེ་བ་ནི་ངོ་མཚར་ཆེའོ། །
D287.069.0262a02.01དེ་ཅིའི་ཕྱིར་ཞེ་ན། {ཡི་དགས་,ཡི་དྭགས་}པས་དུད་འགྲོ་གཏི་མུག་མང་བའི་ཕྱིར་ཏེ། གཞན་ལ་ཉེས་པ་མང་པོ་བྱེད་ལ། དེ་དག་ཚེ་གཅིག་གིས་འབུམ་ཕྲག་དུ་མ་སྦྱོར་བ་དང་བསྐལ་པའམ་བསྐལ་པ་བརྒྱའམ་བསྐལ་པ་འབུམ་ཕྲག་ཏུ་སྦྱོར་བར་བྱེད་པ། ལས་ཀྱི་ལུ་གུ་རྒྱུད་ཀྱིས་ཚེ་གཅིག་
D287.069.0262a03.01ནས་གཅིག་ཏུ་བརྒྱུད་པ་དེ་དག་པས་ནི་སེམས་ཅན་དམྱལ་བར་སྐྱེས་པ་ཆེས་སླའི། {ཡི་དགས་,ཡི་དྭགས་}དང་དུད་འགྲོ་རྣམས་ཀྱི་ནང་དུ་སྐྱེས་པ་ནི་མི་རུང་སྟེ། རྒྱུ་དེས་ན་སེམས་ཅན་དམྱལ་བར་སྐྱེས་པ་ཆེས་རུང་གི་དུད་འགྲོ་ནི་མི་རུང་ངོ་། །དེ་ལྟར་དེ་སྡུག་བསྔལ་ཤིན་ཏུ་མི་བཟད་པ་ལས་གལ་ཏེ་
D287.069.0262a04.01ཐར་ན། དེ་དག་གིས་འདི་དག་ཕལ་ཆེར་མཐོང་ནས་སྐྱེ་བར་འགྱུར་ཏེ་འདི་ལྟ་སྟེ། འཆི་བའི་དུས་སུ་གཏི་མུག་སྲབས་པར་འགྱུར་ཞིང་ཤེས་པ་ཆུང་ངུ་འབྱུང་བར་འགྱུར་བ་ནི། འདི་ལྟར་སྔོན་བྱུང་བ་པས་དེ་བས་ཁྱད་པར་དུ་འབྱུང་བའམ་རྣོ་བར་འབྱུང་ངོ་། །དེ་འཆི་བའི་དུས་ཀྱི་ཚེ།
D287.069.0262a05.01རི་སྣང་བར་གྱུར་པ་མཐོང་བ་དང་ལྕུག་མ་འཕྱང་བ་དང་འབབ་ཆུས་གང་བ་རྣམ་པ་སྣ་ཚོགས་དག་མཐོང་ངོ་། །ཁ་ཟས་འབྱུང་བ་གང་ཡིན་པའི་ཁ་ཟས་དེ་ཡང་རི་དེ་ལ་མཐོང་ངོ་། །ཀུན་རྫོབ་ཀྱི་ཤེས་པས་དེའི་འདོད་པ་བདེ་བ་གང་ཡིན་པ་དེ་དག་ཚལ་དེ་ནའམ་རི་དེ་ལ་མཐོང་ངོ་། །དེའི་
D287.069.0262a06.01ཚེ་དེ་ཁ་ཟས་ཀྱི་དོན་དུའམ་དེར་འགྲོ་བའམ་དེ་ལ་རྟེན་པའི་ཕྱིར་རྒྱུག་པར་བྱེད་པ་དེ་ཡང་རྨི་ལམ་ལྟ་བུར་མཐོང་སྟེ། དེ་ཇི་ལྟ་ཇི་ལྟར་རྒྱུག་པ་དེ་ལྟ་དེ་ལྟར་དེའི་སྐྱེ་བའི་སྲིད་པ་ཉེ་བར་འགྱུར་རོ། །དེ་གང་གི་ཚེ་སྐྱེ་བ་ཉེ་བར་གནས་པར་འགྱུར་བ་དེའི་ཚེ། གཟུགས་གུ་ལུ་ལུ་བྱེད་པ་
D287.069.0262a07.01