完整藏文原文 · 德格版页 当前仅加载第 69 函德格 177b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བསྐོར་ནས་ལྷ་དང་ལྷ་མོའི་ཚོགས་ཡིད་དུ་འོང་བ་རྣམ་པ་སྣ་ཚོགས་ཉེ་བར་གནས་པ་རྣམས་ཀྱིས་ཡུན་རིང་དུ་རྩེ་བར་བྱེད། དགའ་དགུར་སྤྱོད་པར་བྱེད་དོ། །དེ་ནས་གལ་ཏེ་ཡུན་རིང་དུ་འདས་ན། ལྷ་དེ་རྣམས་རྫིང་གི་ཕྱོགས་དེ་ནས་ཐམས་ཅད་ཡིད་དུ་འོང་བའི་སྐྱེད་མོས་ཚལ་ག་ལ་བ་དེར་འདོང་བར་
D287.069.0177b01.01བྱེད་དེ། ལུས་མེ་ཏོག་གི་ཕྲེང་བ་དང་ཕྱེ་མ་དང་བྱུག་པས་བྱུགས་པ། རང་གི་འོད་ལ་རང་གི་ལེགས་པར་བྱས་པ། དམན་པ་དང་འབྲིང་དང་ཁྱད་པར་དུ་འཕགས་པ་ལས་བྱས་པའི་མཐུ་དེ་དག་དང་ལྷན་ཅིག་ཏུ་རྩེ་བར་བྱེད་དོ། །ལས་དེ་དང་རྒྱུ་འཐུན་པར་ཡིད་བདེ་བ་འབྱུང་བར་འགྱུར་ཏེ། གང་གིས་
D287.069.0177b02.01ལེགས་པར་བྱས་པ་རྣམ་པ་ཇི་ཙམ་དུ་བྱས་པ་དེའི་རྣམ་པ་དེ་ཙམ་ཉིད་དུ་མིག་གི་རྣམ་པར་ཤེས་པའི་དམིགས་པ་ཡིད་བདེ་བ་འབྱུང་ངོ་། །འདི་ལྟར་གང་གིས་ལས་དམན་པ་བྱས་ན་དེ་དང་འཐུན་པར་གཟུགས་དམིགས་པ་གཅིག་ལ་གཟུགས་དེ་ཉིད་མཐོང་བར་འགྱུར། གང་གིས་ལས་འབྲིང་དུ་བྱས་ན་དེ་
D287.069.0177b03.01གཟུགས་འབྲིང་པོ་བལྟ་ན་སྡུག་པ་གཟུགས་དེ་ཉིད་མཐོང་བར་འགྱུར་ཏེ། དེའི་ཡིད་བདེ་བ་འབྲིང་དུ་འབྱུང་བར་འགྱུར། གང་གིས་ལས་ཁྱད་པར་དུ་འཕགས་པ་བྱས་ན། ལྷ་དེ་གཟུགས་དང་བོང་ཚོད་དང་མདོག་དང་དབྱིབས་དང་གཟུགས་ཤིན་ཏུ་བལྟ་ན་སྡུག་པ་མཐོང་བར་འགྱུར་ཏེ། ལྷའི་རིས་
D287.069.0177b04.01འདོད་པ་ན་སྤྱོད་པ་ཐམས་ཅད་དང་། ས་ཐམས་ཅད་དུ་བསྙེད་པ་གང་ཡིན་པ་གཟུགས་དང་དྲི་དང་རེག་པ་དམིགས་པ་ཐམས་ཅད་ནི་དེ་ལྟ་བུ་ཡིན་ལ། དེ་དག་གི་ནང་ན་ལྷ་དག་ཉིད་ནི་སྤྱི་གཅིག་སྟེ། གཞན་དུ་ན་ལས་ཀྱི་འབྲས་བུ་རྣམ་པར་སྨིན་པ་རྣམ་པ་གསུམ་དུ་མི་འགྱུར་རོ། །དེ་ལྟ་བས་
D287.069.0177b05.01ན་ཡིད་བདེ་བ་རྣམ་པ་གསུམ་ཡང་གཞན་དང་གཞན་དུ་རིག་པར་བྱ་སྟེ་དེ་བཞིན་དུ་ལས་སོ་སོས་ལྷ་མོ་གཟུགས་བཟང་ཞིང་རྒྱན་དང་ཆ་བྱད་ཐོགས་པ་སོ་སོར་རིག་པར་བྱའོ། །དེ་ནས་ལྷ་ཡིད་བདེ་བ་སྐྱེད་མོས་ཚལ་དུ་དོང་བ་སྒྲ་དང་རེག་པ་དང་རོ་དང་གཟུགས་དང་དྲི་ལ་ཚིམ་པ་མེད་པ་དེ་དག་
D287.069.0177b06.01ཐམས་ཅད་དགེ་སློང་དེས་མཐོང་ནས་འདི་ལྟར་ཚིགས་སུ་བཅད་དེ་སྨྲས་པ། བསྐལ་མཐའི་ཉི་མས་རབ་བསྲེགས་ན། །རྒྱ་མཚོ་རྣམས་ཀྱང་སྐམ་འགྱུར་གྱི། །བསྐལ་པ་བྱེ་བ་བརྒྱ་རྣམས་སུའང་། །མཐོང་བའི་གཟུགས་ཀྱིས་ཚིམ་མི་འགྱུར། །ཆར་འབབ་ལ་སོགས་ཆུ་རྣམས་ཀྱིས། །
D287.069.0177b07.01