完整藏文原文 · 德格版页 当前仅加载第 69 函德格 130b 版页；藏文 NFD、目录标记与异常页序保留在来源切片中，重复版页行以稳定序号区分。
མི་བྱེད་ཅིང་། ཚུལ་ཁྲིམས་དང་ལྡན་པ་མ་གུས་པར་བསླབ་པའི་གཞི་རྡུལ་ཕྲ་མོ་ཙམ་རལ་བ་ལ་ཡང་འཇིགས་པར་ལྟ་ན། དེ་ལུས་དང་བྲལ་ནས་བདེ་འགྲོ་གྲོང་ཁྱེར་ཆེན་པོ་བལྟ་ན་སྡུག་ཏུ་སྐྱེ་བར་འགྱུར་རོ། །གྲོང་ཁྱེར་དེ་ཡང་དཔག་ཚད་ཁྲི་ཡོད་ལ། ཁྱམས་ཁྲིས་ལེགས་པར་རྣམ་པར་
D287.069.0130b01.01ཕྱེ་བ་ཡིན་ནོ། །གྲོང་ཁྱེར་དེའི་ས་གཞི་འཛམ་བུ་ཆུ་བོའི་གསེར་ལས་བྱས་ལ། ཀུན་ནས་ཁང་པ་ཆེན་པོ་བཻ་ཌཱུརྱ་ལས་བྱས་པ་དང་། གཞན་ཡང་དངུལ་ལས་བྱས་པ་དང་། གཞན་ཡང་འཛམ་བུ་ཆུ་བོའི་གསེར་ལས་བྱས་པ་དང་། མཐོན་ཀ་སྣ་ཚོགས་ལས་བྱས་པ་དང་། གཞན་ཡང་
D287.069.0130b02.01རིན་པོ་ཆེ་སྣ་བདུན་ལས་བྱས་པའི་ཁྲི་དག་གིས་བཀྲ་བར་ཕྱེ་བ་ཡིན་ནོ། །དེ་དག་གི་སྲང་ཡང་ཀུན་ནས་ཤིན་ཏུ་རྣམ་པར་ཕྱེ་བ་ཡིན་ལ། བཞི་མདོ་དང་། བ་གམ་དང་། སྒོ་དང་། པུ་ཤུའི་རྩེ་མོ་དང་། ཁང་{བཟངས་ཀྱི་,བཟང་གི་}རིས་ཤིན་ཏུ་རྣམ་པར་ཕྱེ་བ་ཡིན་ནོ། །ཁང་པ་དེ་དག་ཀྱང་ཉི་
D287.069.0130b03.01མ་གང་མེད་ཀྱང་སྒྲོན་མ་ལྟ་བུར་འགྱུར་ཏེ། ཇི་ལྟར་ཉི་མ་མེད་ན་སྒྲོན་མ་གསལ་བར་བྱེད་པ་དེ་ལྟར་ཉི་མ་མེད་ཀྱང་ཁང་པའི་མཆོག་དེ་རྣམས་ལས་དེ་ལྟར་འོད་འབྱུང་ངོ་། །གྲོང་ཁྱེར་དེ་དག་ཀུན་ནས་ཚལ་དང་། ཉེ་བའི་ཚལ་དེ་རྣམས་ཀྱིས་མཛེས་པར་བྱས་པ་ཡིན་ཏེ། ཚལ་དང་ཉེ་བའི་ཚལ་
D287.069.0130b04.01ཁ་ཅིག་བཻ་ཌཱུརྱ་ལས་བྱས་པ་དག་ལ་མུ་ཏིག་གི་དྲ་བས་བྲེས། ཁ་ཅིག་གསེར་གྱི་ཤིང་ལྗོན་པ་དག་ལ་དངུལ་གྱི་དྲ་བས་བྲེས། ཁ་ཅིག་དངུལ་གྱི་ཤིང་ལྗོན་པ་དག་ལ་གསེར་གྱི་དྲིལ་བུ་གཡེར་ཀའི་སྒྲ་འབྱིན། ཁ་ཅིག་ནི་རིན་པོ་ཆེ་སྣ་བདུན་གྱི་ཤིང་ལྗོན་པའི་སྐྱེད་མོས་ཚལ་བཀྲ་བ་ཡིན་
D287.069.0130b05.01ལ། ཁ་ཅིག་དཔག་བསམ་གྱི་ཤིང་ཡིན་ཏེ། ལྷ་གང་དག་གི་ཡིད་ལ་བསམས་པ་དེ་ཚལ་དེ་དག་ལས་ཐོབ་པར་འགྱུར་རོ། །ཚལ་ཁ་ཅིག་ཨན་ད་རྙིལ་དང་། བཻ་ཌཱུརྱ་ལས་བྱས་པ་ཡིན་ཏེ། དེ་ན་གསེར་གྱི་བྱ་རྣམས་སྒྲ་སྙན་པ་སྣ་ཚོགས་འབྱིན་ལ། གསེར་གྱི་ཚལ་གང་ཡིན་
D287.069.0130b06.01པ་དེ་ན་དངུལ་གྱི་བྱ་རྣམས་སྐད་སྙན་པ་འབྱིན་ཅིང་རྩེ། མཐོན་ཀའི་ཚལ་གང་ཡིན་པ་དེ་ན་བྱ་པད་མ་རཱ་གའི་མདོག་ཏུ་འདུག་པ་རྣམས་སྐད་སྙན་པ་འབྱིན་ཅིང་རྩེ། གསེར་གྱི་ཚལ་གང་ཡིན་པ་དེ་ན་བྱ་ལུས་སྣ་ཚོགས་འདྲེས་པ་རྣམས་སྐད་སྙན་པ་འབྱིན་ཅིང་རྩེ་སྟེ། དེ་ལྟར་གྲོང་ཁྱེར་
D287.069.0130b07.01