完整藏文原文 · 德格版页 当前仅加载第 69 函德格 191a 版页；藏文 NFD、目录标记与异常页序保留在来源切片中，重复版页行以稳定序号区分。
ཆགས་པ་ཞེས་བྱ་བ་ཇི་ལྟར་འདུག་པ་མཐོང་ངོ་། །ས་དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། བདག་ལ་ཕན་པ་དང་གཞན་ལ་ཕན་པའི་ཕྱིར་སེམས་དགེ་བ་ལས་དགེ་བ་སེམས་དྲི་མ་དང་བྲལ་ཞིང་གསལ་
D287.069.0191a01.01བ། ལུས་དང་ངག་གི་ལས་ཀྱི་མཐའ་དགེ་བ། ལས་ཀྱི་མཐའ་སྤྱད་པ་དགེ་ཞིང་འདོད་པ། གཏན་དུ་ཕན་པར་འདོད་པ། སྙིང་རྗེའི་བདག་ཉིད་ཅན་ལས་དང་འབྲས་བུ་ལ་དད་པ། ཡང་དག་པའི་ལྟ་བ་དང་ཡང་དག་པའི་ལས་ཀྱི་མཐའ་དང་། ཚུལ་ཁྲིམས་ཀྱི་ཡོན་ཏན་གཉིས་ལ་རབ་ཏུ་ཞུགས་
D287.069.0191a02.01པ། རྐོག་མ་ཡིན་པར་བྱེད་པ། སེམས་མ་གཡེངས་པ། སྤྱོད་པ་མ་གཡེངས་པ། སྡིག་པའི་གྲོགས་པོའི་ངང་ཚུལ་ཅན་མ་ཡིན་པ། མར་འཛིན་པ། ཕར་འཛིན་པ། དགེ་སྦྱོང་དུ་འཛིན་པ། བྲམ་ཟེར་འཛིན་པ། གང་གི་ལས་ཀྱི་ཉེར་བསྡོགས་དང་ལས་དང་ལས་ཀྱི་མཇུག་དང་གསུམ་སྟེ།
D287.069.0191a03.01ཚུལ་ཁྲིམས་དེ་དག་ཀུན་ཀྱང་ཤིན་ཏུ་ཡོངས་སུ་དག་པར་བྱས། ཚུལ་ཁྲིམས་ཀྱི་ཡོན་ཏན་གཉིས་ཀྱང་བསྲུངས། སྲོག་གཅོད་པ་དང་མ་བྱིན་པར་ལེན་པ་ཡང་རྣམ་པར་སྤངས་པ་ཡིན་ནོ། །སྲོག་གཅོད་པ་ཤིན་ཏུ་བསྲུངས་པ་རྣམ་པ་དུ་ཡོད་ཅེ་ན། འདི་ལ་ནས་དང་གྲོ་དང་འབྲས་སཱ་ལུ་རྣམས་
D287.069.0191a04.01ཀྱི་ནང་ན་སེམས་ཅན་སྲིན་བུ་ཕྲ་མོ་སྐྱེས་པ་དག་རང་ཐག་ལ་མི་འཐག་ལ། དེ་ལྟར་སྲོག་ཆགས་དེ་དག་ཤིན་ཏུ་བསྲུང་བའི་ཕྱིར་རམ། མ་བྱིན་པར་ལེན་པས་འཇིགས་པའི་ཕྱིར། ནས་དང་གྲོ་དེ་དག་ཀྱང་འཚོང་བར་མི་བྱེད། བ་ལང་དང་རྟ་དང་རྔ་མོ་དང་། བོང་བུ་དག་ལ་ཁུར་བཀལ་བས་རྒྱབ་
D287.069.0191a05.01སྣད་པ་དང་དེ་དག་ལ་སྲིན་བུ་བྱུང་བ་རྣམས་ཆུའམ་རྩབ་མོས་འཁྲུ་ཞིང་སྲིན་བུ་མི་ཤི་བའི་ཆོ་ག་ཡང་བྱེད་དེ། འདི་ལྟར་བྱ་སྒྲོ་རྣམས་ཀྱིས་བླངས་ནས། ཤ་ཉམས་པ་གཞན་ལ་སྲིན་བུ་དེ་དག་འཇོག་པར་བྱེད། ཆོས་མ་ཡིན་པའི་འཇིགས་པས་འདི་ལྟར་བ་ལང་དང་རྟ་དང་རྔ་མོ་དང་བོང་བུ་དག་
D287.069.0191a06.01ལ་གནོད་པར་མ་གྱུར་ཅིག །སྲིན་བུར་གྱུར་པའི་སྲིན་བུ་རྣམས་ཀྱང་འཆི་བར་མ་གྱུར་ཅིག་ཅེས་དེ་ལྟར་གཉི་གའི་སྲོག་སྲུང་བར་བྱེད། སྲོག་ཆགས་ཕྲེའུ་དང་གྲོག་སྦུར་ལ་སོགས་པ་ཡང་ཤིན་ཏུ་སྲུང་བར་བྱེད། རྣམ་པ་ཐམས་ཅད་ཀྱི་ཐམས་ཅད་དུ་ཀུན་ལ་ཕན་པར་འདོད་པ། ཉིན་མོ་དང་
D287.069.0191a07.01