完整藏文原文 · 德格版页 当前仅加载第 69 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་གདོན་དེ་གསད་འདོད་པའི་ཕྱིར་དུག་གིས་འཐོར་བར་མི་བྱེད་དེ། འདི་ལ་གང་གི་ཚེ་གྲིབ་མ་ལ་དུག་གཏོར་ན། དེའི་ཚེ་རང་གི་གྲིབ་གནོན་དེའི་གྲིབ་མ་དེ་ལ་བབ་པས་འཆི་བར་འགྱུར་ཏེ། དེའི་ཕྱིར་གནོད་པ་བྱ་བ་ཤེས་ཀྱང་གྲིབ་གནོན་གྱི་གདོན་དེ་གསོད་པར་མི་བྱེད་དོ། །སྲོག་ཆགས་ཏན་ཏུ་
D287.069.0222b01.01ལ་སླར་གནོད་པར་བྱ་བ་ཤེས་ཀྱང་གསོད་པར་མི་བྱེད་དེ། དེ་ལ་ཆུ་མེད་པར་བྱས་ན་འཆི་བར་འགྱུར་བའམ་མེ་ལོང་བསྟན་པའམ་མེ་ལོང་རྟག་ཏུ་བསྟན་པས་འཆི་བར་འགྱུར་ཏེ། དེ་ཕྱིར་གནོད་པར་བྱ་བའི་རྒྱུ་ཤེས་ཀྱང་གསོད་པར་མི་བྱེད་ལ། རང་གི་སྲོག་ཆད་ལ་ཐུག་ཀྱང་ཉེས་པར་བྱ་བ་མི་བྱེད་དེ། དེ་
D287.069.0222b02.01ལྟར་ལེགས་པར་བྱ་བའི་ལས་ཀྱི་མཐའ་བྱེད་པ་དེ། ལུས་དང་བྲལ་ཏེ་ཤི་ནས་བདེ་འགྲོ་མཐོ་རིས་ཀྱི་འཇིག་རྟེན་སུམ་ཅུ་རྩ་གསུམ་པའི་ལྷ་རྣམས་ཀྱི་གནས་ལུས་དང་མདོག་བཟང་ཞིང་ཆེ་བའི་ནང་དུ་སྐྱེ་བར་འགྱུར་རོ། །དེར་སྐྱེས་ནས་ཀྱང་ལེགས་པར་བྱས་པའི་ལས་ཀྱི་མཐའ་སྤྱད་པ་དེ། རང་གི་འོད་དང་
D287.069.0222b03.01ནི་ལྡན་སིལ་སྙན་ཡན་ལག་ལྔ་དང་ལྡན་པའི་སྒྲ་ནི་འབྱིན། ཡིད་ཤིན་ཏུ་བདེ་བ་དང་ནི་ལྡན། འདོད་པ་ཐམས་ཅད་ནི་འབྱོར། དེ་ལྷ་མོ་སྟོང་གིས་བསྐོར་ཏེ། རི་རབ་ཀྱི་ས་གཞི་ལ་ནི་རྒྱུ། ས་ཕྱོགས་འཛམ་བུ་ནཱ་དའི་གསེར་གྱིས་བརྒྱན་པའི་འཇིག་རྟེན་གྱི་ཁམས་ཉམས་དགའ་བ་དང་རིའི་ཟོམ་གྱི་བར་
D287.069.0222b04.01བར་དག་ན་དགའ་ཞིང་བདེ་བ་ནི་མྱོང་བར་བྱེད་དོ། །འདོད་པའི་ལོངས་སྤྱོད་ཐམས་ཅད་དང་ལྡན་པ། དཔག་བསམ་གྱི་ཤིང་ལ་བསམས་པས་འདོད་པ་ཐམས་ཅད་འགྲུབ་པ་དེ་ཡུན་རིང་དུ་བདེ་བ་མྱོང་བར་བྱེད་དོ། །འཁོར་དང་བཅས་པ་ཡོངས་སུ་སྤྱོད་པ་དེ། ཕྱི་རོལ་གྱི་གྲིབ་མ་ཞེས་བྱ་བའི་
D287.069.0222b05.01ཚལ་དེར་འདོང་བར་བྱེད་དེ། འཛམ་བུ་ནཱ་དའི་གསེར་གྱི་ཤིང་ལྗོན་པས་བརྒྱན་པ། དེ་བཞིན་དུ་དངུལ་གྱི་ཤིང་ལྗོན་པ་ལ་གསེར་གྱི་འདབ་མ་དང་། བཻ་ཌཱུརྱའི་འབྲས་བུས་མཛེས་པ་ཡིན་ནོ། །ཕྱི་རོལ་གྱི་གྲིབ་མའི་ཚལ་དེའི་ཕྱོགས་གཞན་དུ་ཡང་། དེ་རེས་འགའ་ཡོངས་སུ་རྒྱུ་བ་ན་ལུས་རིན་པོ་ཆེ་
D287.069.0222b06.01སྣ་བདུན་གྱིས་བརྒྱན་ཞིང་། ཐིག་ལེ་སྣ་ཚོགས་ཀྱིས་སྤྲས་པ། རྟོག་པ་སྣ་ཚོགས་ཅན་ཏེ། རྨ་བྱའི་ཚོགས་དེ་དག་མཐོང་ནས་ལེགས་པར་བལྟ་ཞིང་རྩེ་བའི་ཕྱིར་དེར་འགྲོ་བར་བྱེད་དོ། །དེ་དེ་དག་གི་ནང་དུ་ཕྱིན་ནས་རྨ་བྱ་མཐོང་ན་ཡིད་འཕྲོག་པར་བྱེད་པ་དེ་རྣམས་ཀྱི་ནང་ན་དགའ་བར་བྱེད་དོ། །རྨ་བྱ་དེ་དག་
D287.069.0222b07.01