完整藏文原文 · 德格版页 当前仅加载第 69 函德格 248b 版页；藏文 NFD、目录标记与异常页序保留在来源切片中，重复版页行以稳定序号区分。
གོམས་པར་བྱེད་དེ། སྔོན་འདོད་པ་ཉེ་བར་སྤྱད་པ་གང་ཡིན་པ་དེ་དག་ལ་སྨོད་པར་བྱེད། རོ་མྱོང་བར་མི་བྱེད། ཡིད་ལ་མི་བྱེད། འགྱོད་པར་བྱེད་སྐྱོན་དུ་འགྲང་བར་བྱེད་པ་འདི་ནི་བསྒོམ་པ་གཉིས་པ་ཡིན་ནོ། །གཞན་ཡང་དགེ་སློང་དེ་བསྒོམ་པ་གོམས་པར་བྱེད་དེ། འདི་ལྟར་བདག་བག་ཡོད་
D287.069.0248b01.01ན། ཡུལ་ཀུན་དང་ལྡན་པའི་ཡུལ་རྣམས་ཀྱིས་མི་འཕྲོགས་ལ། བག་ལ་ཉལ་གྱི་སྦྱོར་བ་ཐམས་ཅད་ཟད་པར་འགྱུར་ཏེ། དེ་ལྟར་བག་ཡོད་པ་ལ་གནས་པ་ནི། བག་ཡོད་པ་དེ་སྒོམ་པར་བྱེད་ཅིང་། གོམས་པར་བྱེད་པ་འདི་ནི་བསྒོམ་པ་གསུམ་པ་ཡིན་ནོ། །གཞན་ཡང་དགེ་སློང་དེ་བསྒོམ་པ་
D287.069.0248b02.01གོམས་པར་བྱེད་དེ། དགེ་བའི་ཆོས་རྣམས་ཡིད་ལ་བྱེད་ཅིང་དེ་དག་ཀྱང་གོམས་པར་བྱེད་པ་ནི། འདི་ལྟར་བདག་གི་དགེ་བའི་ཆོས་སྐྱེས་པ་འདི་དག་ནི་རྣམ་པར་སྨིན་པ་བདེ་བ་རྒྱུ་བདེ་བ་རྐྱེན་བདེ་བ་ཡིན་ཏེ། བདག་ལ་རྣམ་པར་སྨིན་པ་བདེ་བ་དེ་དག་འབྱུང་བར་འགྱུར་རོ་སྙམ་མོ། །དེ་བཞིན་དུ་
D287.069.0248b03.01མི་དགེ་བ་རྣམས་ལ་ཡང་རྟོག་པར་བྱེད་ལ། དེའི་བསྒོམ་པ་དེ་ནི་ཡང་དག་པར་འགྱུར་ཏེ། འདི་ནི་བསྒོམ་པ་བཞི་པ་ཡིན་ནོ། །གཞན་ཡང་དགེ་སློང་དེ་བསྒོམ་པ་གོམས་པར་བྱེད་དེ། འདི་ལྟར་བདག་ལ་ཚོར་བ་བདེ་བ་སྐྱེས་པ་དེ་ཅི་ལས་བྱུང་། རང་བཞིན་ཅི་ཡིན་རྒྱུ་ཅི་ཡིན་རྐྱེན་ཅི་ཡིན་གཞི་ཅི་
D287.069.0248b04.01ཡིན། སྐྱེས་པ་དེས་བདག་གི་སེམས་གཡེང་བར་མི་བྱེད་དམ་ཞེས། ཚོར་བ་དེ་དག་ལ་ཡང་དག་པ་ཇི་ལྟ་བ་བཞིན་གོམས་པར་བྱེད་ལ། དེ་དག་ལ་ཡང་སྙིང་པོ་མེད་པར་ལྟ་སྟེ། གསོབ་དང་གསོག་དང་སྙིང་པོ་མེད་པར་གོམས་པར་བྱེད་པ་འདི་ནི་བསྒོམ་པ་ལྔ་པ་ཡིན་ནོ། །ཡང་དགེ་སློང་དེ་
D287.069.0248b05.01བསྒོམ་པ་གོམས་པར་བྱེད་དེ། འདི་ལྟར་འདུ་བྱེད་གང་ཡིན་པ་དེ་རྣམས་ནི་མི་རྟག་པ་དང་། སྡུག་བསྔལ་བ་དང་སྟོང་པ་དང་བདག་མེད་པ་དང་གསོག་ཕན་ཚུན་གྱི་སྟོབས་ཀྱིས་བྱུང་བ་རྣམས་འབྱུང་སྟེ། སྟོབས་གཅིག་གིས་སྐྱེད་པ་མ་ཡིན་ནོ་ཞེས་དེ་ལྟར་གོམས་པར་བྱེད་དོ། །དེ་དེ་རྣམས་ལ་
D287.069.0248b06.01ཆགས་པར་མི་བྱེད་པ་འདི་ནི་བསྒོམ་པ་དྲུག་པ་ཡིན་ནོ། །གཞན་ཡང་དགེ་སློང་དེ་བསྒོམ་པ་བདུན་པ་གོམས་པར་བྱེད་དེ། འདི་ལྟར་བདག་གི་ཡིད་ལ་བྱེད་པ་དགེ་བ་དག་སྐྱེས་སོ། །དགེ་བའི་རྒྱུས་སྐྱེས་པ་དེ་ཡིད་ལ་བྱེད་པ་གཞན་གྱིས་ཉམས་ཏེ། བདག་གི་དམིགས་པ་དེ་བརྗེད་དེ།
D287.069.0248b07.01