完整藏文原文 · 德格版页 当前仅加载第 69 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱས་པ་དང་ལྡན་པ། དྲིལ་བུ་གཡེར་ཀ་ཅན་གྱི་ཤིང་ལྗོན་པས་སྒྲ་བསྒྲགས་པ། སིལ་སྙན་དང་རོལ་མོའི་སྒྲ་དང་། གླུ་དབྱངས་ཀྱིས་རབ་ཏུ་དགའ་བར་བྱས་པ། མཚེའུ་གསེར་གྱི་པད་མ་དག་གིས་མཛེས་པར་བྱས་པ་དང་ལྡན་པ། གསེར་གྱི་ངང་མོ་དང་། ཟལ་མོ་དང་།
D287.069.0010b01.01ངུར་པ་རྣམས་ཀྱིས་མཛེས་པར་བྱས་པ་དེ་ནི་འདི་ལྟ་སྟེ། ལྷ་ཡུལ་གྱི་བྱ་ལྟ་བུ་རྨ་བྱ་བལྟ་ན་སྡུག་པ་དག་དང་། ནོར་བུའི་མཆུ་ཅན་ལྟ་བུ་དག་དང་། དུས་ཐམས་ཅད་དུ་རབ་ཏུ་དགའ་བཞིན་དུ་འདུག་པ་དག་དང་། འགྲོས་སྡུག་པ་དག་དང་། རིན་པོ་ཆེ་སྣ་བདུན་གྱི་ལུས་ཅན་དག་དང་།
D287.069.0010b02.01བཻ་ཌཱུརྱ་སྔོན་པོའི་མདོག་ཅན་དག་དང་། མཐོན་ཀ་ཆེན་པོའི་མདོག་ཅན་དག་དང་། རབ་ཏུ་དགའ་ཞིང་ཁང་{བཟངས་ཀྱི་,བཟང་གི་}རྩེ་མོ་མཛེས་པར་བྱེད་པ་དག་དང་། མིག་མི་འཛུམས་ཤིང་ཆར་སྤྲིན་གྱི་འབྲུག་སྒྲ་ལྟ་བུའི་སྒྲ་སྐད་འབྱིན་པ་དག་དང་། ལྟད་མོ་ཆེ་བ་དག་དང་། བྱའོ་ཅོག་
D287.069.0010b03.01དང་འདྲ་བར་སྟོན་པ་དག་དང་། མཐོང་ན་ཡིད་དང་འཐད་པ་དག་དང་། མིག་འགྲམ་རིང་བ་ཤ་སྟག་དང་། བྱ་ཨག་ནི་ཙུ་ཌ་ཞེས་བྱ་བ། མིག་ཟུར་བྱེད་པ་མགོ་གཉིས་པ་ལ་ཆུང་མ་གཉིས་དང་ལྷན་ཅིག་འགྲོགས་པ་དག་དང་། མེ་ཏོག་གི་ཁུ་བས་མྱོས་ཤིང་། བ་ཀུ་ལའི་མེ་
D287.069.0010b04.01ཏོག་བཞིན་དུ་ལྷན་ཅིག་གཏམས་པ་དག་དང་། སྐད་ཀྱི་གདངས་བྲག་ཅ་ཅན་གསེར་གྱི་རྭ་ཅན་དག་དང་། བཻ་ཌཱུརྱའི་རྭ་ཅན་ཆུ་ལ་རྩེ་བ་དག་དང་། དུས་ཚིགས་སུ་རྒྱགས་པ་དང་། རྟག་ཏུ་རྒྱགས་ཤིང་རབ་ཏུ་དགའ་བ་དག་དང་། མིག་གི་མདོག་སྣུམ་པ་ཤ་སྟག་དང་། བྱ་ཀ་ར་ད་
D287.069.0010b05.01ཞེས་བྱ་བ་མེའི་མདོག་ཅན་རྔ་སྒྲ་ལྟ་བུའི་གདངས་དང་ལྡན་པ་ཤ་སྟག་དང་། བྱ་པུ་སྤད་མ་ཞེས་བྱ་བ་མདོག་འཇམ་ཞིང་གློག་གི་ཁ་དོག་ཅན་དག་དང་། སྤུ་སྡུག་སྤེལ་མ་ཅན་ནགས་ཁྲོད་དུ་རྒྱུ་བ་དག་དང་། སལ་སུལ་དང་། གཤང་གཤོང་དག་ན་རྒྱུ་བ་དག་དང་། རྟག་ཏུ་རྒྱགས་པ་
D287.069.0010b06.01ཤ་སྟག་དང་། བྱ་བྷྲིང་ག་ར་ཛ་དང་། ཧུ་ལུ་ཀུན་ད་དང་། མུ་ལུ་ཀུན་ད་དང་། སྤྲྀག་ཀ་གན་དྷ་ཞེས་བྱ་བ་ཁང་ཁྱིམ་ལ་གནས་པ། མདོག་འཇའ་ཚོན་ལྟར་འདུག་པ་དག་དང་། མེ་ཏོག་གི་ཆུན་པོ་མཆོག་ལྟ་བུ་དག་དང་། མགྲིན་པ་མཛེས་པ་དག་དང་། མགྲིན་པ་དམར་བ་དག་
D287.069.0010b07.01