完整藏文原文 · 德格版页 当前仅加载第 69 函德格 66b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་ཏུ་གང་བ་ཡིན་ཏེ། དེ་ན་ལྷ་རྣམས་འདོད་པའི་ཡོན་ཏན་བཞི་དང་། ཁ་ཅིག་འདོད་པའི་ཡོན་ཏན་ལྔ་འབྱོར་ཅིང་ལྡན་པར་གྱུར་པ་རྣམས་ཀྱིས་དགའ་བར་བྱེད་དོ། །ལྷའི་མིག་གིས་གཟུགས་གང་དང་གང་མཐོང་བ་དེ་དང་དེ་དག་འདོད་པ་སྡུག་པ་ཡིད་དུ་འོང་བ་མཐོང་ངོ་། །རྣ་བས་སྒྲ་
D287.069.0066b01.01གང་དང་གང་ཐོས་པ་དེ་དག་ཀྱང་འདོད་པ་སྡུག་པ་ཡིད་དུ་འོང་བ་ཐོས་སོ། །སྣས་དྲི་གང་དང་གང་བསྣམས་པ་དེ་དང་དེ་དག་ཀུན་ཀྱང་འདོད་པ་སྡུག་པ་ཡིད་དུ་འོང་བ་ལ་སྣོམ་མོ། །ལྕེས་རོ་གང་དང་གང་མྱོང་བར་བྱེད་པ་དེ་དང་དེ་དག་ཀྱང་འདོད་པ་སྡུག་པ་ཡིད་དུ་འོང་བ་མྱོང་ངོ་། །ལུས་
D287.069.0066b02.01ཀྱིས་གང་དང་གང་ལ་རེག་པ་དེ་དང་དེ་དག་ཀྱང་འདོད་པ་སྡུག་པ་ཡིད་དུ་འོང་བ་ལ་རེག་པར་བྱེད་དོ། །ཡིད་ཀྱིས་གང་དང་གང་ལ་སེམས་པ་དེ་དང་དེ་དག་ཀྱང་འདོད་པ་སྡུག་པ་ཡིད་དུ་འོང་བ་ལ་སེམས་ཤིང་འགྲུབ་པར་གྱུར་ཏེ། འདོད་པའི་ཡོན་ཏན་ལྔ་ལ་སེམས་ཆགས་པ་དེ་ཤིན་ཏུ་བདེ་
D287.069.0066b03.01བ་དང་ལྡན་པར་གནས་སོ། །འདོད་པ་ལ་ཆགས་པའི་ལྷ་རྣམས་ཀྱི་གནས་ནི་གཞན་དང་མི་འདྲ་བར་ལྷའི་གནས་དང་ལྡན་ཏེ། བདེ་བ་དག་མྱོང་བ་ན་ཇི་སྲིད་དུ་དེའི་འདོད་པ་སྡུག་པ་ཡིད་དུ་འོང་བ། བདེ་བར་བྱས་པ་ཤིན་ཏུ་ཉམས་དགའ་བ། འཇིག་རྟེན་འདི་དང་འཇིག་རྟེན་ཕ་རོལ་ལ་
D287.069.0066b04.01ཕན་པ། ཚུལ་ཁྲིམས་ཀྱི་ལས་བྱས་པ་མ་ཟད་ཀྱི་བར་དུ་དེ་དེ་ན་བདེ་བ་མྱོང་ངོ་། །དེ་ཕྱིས་འདོད་པ་སྡུག་པ་ཡིད་དུ་འོང་བའི་གནས་དེ་ནས་འཆི་བར་འགྱུར་ཏེ། ཤི་ནས་ཀྱང་ལས་ཉེ་བར་འགྲོ་བ་ཇི་ལྟ་བ་བཞིན་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོའི་ནང་དུ་སྐྱེ་
D287.069.0066b05.01བར་འགྱུར་རོ། །གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་མི་རྣམས་དང་སྐལ་བ་མཉམ་པར་མིའི་ནང་དུ་སྐྱེས་ན་དེ་ལས་དེ་དང་རྒྱུ་འཐུན་པར་ཡུལ་ཆེན་པོ་ཤིན་ཏུ་འབྱོར་པ་དང་ལྡན་པ་དག་ཏུ་སྐྱེ་བར་འགྱུར་ཏེ། འདི་ལྟ་སྟེ། ཀ་ཤི་ཀ་དང་། ཀོ་ས་ལ་དག་ཏུ་རྒྱལ་
D287.069.0066b06.01རིགས་ཤིང་སཱ་ལ་ཆེན་པོ་ལྟ་བུ་དང་། བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུར་སྐྱེ་བར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ། ལྷའི་འཇིག་རྟེན་ལ་རྟོག་པར་བྱེད་དེ། ལེགས་པར་བྱས་པའི་ལས་ཀྱི་མཐའ་སྤྱད་པ་གང་གིས་ཕྲེང་
D287.069.0066b07.01