完整藏文原文 · 德格版页 当前仅加载第 69 函德格 157b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་སྔོན་དུ་འགྲོ་བའི་ལྷ་རྣམས་དེ་ལྟར་ཕན་ཚུན་གཏམ་ཡང་དག་པར་རྗོད་པ་ན། དེ་ནས་ཡང་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་འཇིག་རྟེན་སྐྱོང་བ་བཞི་དག་འཛམ་བུའི་གླིང་ནས་སུམ་ཅུ་རྩ་གསུམ་པའི་ལྷ་རྣམས་ཀྱི་འདུན་ས་ག་ལ་བ་དེར་འདོང་བར་བྱེད་དོ། །དེ་
D287.069.0157b01.01ནས་ཤིང་ཡོངས་འདུ་ས་བརྟོལ་གྱི་དྲུང་ན་ལྷའི་གཙོ་བོ་བརྒྱ་བྱིན་ལ་སོགས་པ་སངས་རྒྱས་བཅོམ་ལྡན་འདས་ལ་སེམས་རབ་ཏུ་དང་བ་དང་ཡིད་རབ་ཏུ་དང་བ་དང་རང་གི་འོད་ཟེར་འབར་བ་གསལ་བས་མཆོད་པ་བྱེད་པ་ན་འཇིག་རྟེན་སྐྱོང་བ་བཞི་དག་གིས་རྒྱང་རིང་པོ་ཉིད་ནས་མཐོང་ངོ་། །དེ་
D287.069.0157b02.01ནས་དེ་དག་གི་དྲུང་དུ་ཕྱིན་ནས་འཇིག་རྟེན་སྐྱོང་བ་བཞི་དག་གིས་ལྷའི་རྒྱལ་པོ་བརྒྱ་བྱིན་ལ་སྤྱི་བོས་ཕྱག་འཚལ་ཏེ་སྨྲས་པ། འདི་ལྟར་ལྷའི་གཙོ་བོ་བརྒྱ་བྱིན་ལ་སོགས་པ་དགྱེས་པར་མཛོད་ཅིག །ད་ལྟར་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་མི་རྣམས་ཆོས་ནི་སྤྱོད། ཆོས་
D287.069.0157b03.01མ་ཡིན་པ་ནི་མི་སྤྱོད་དེ། མར་འཛིན་པ་ཕར་འཛིན་པ་དགེ་སྦྱོང་དུ་འཛིན་པ་བྲམ་ཟེར་འཛིན་པ་རིགས་ཀྱི་རྒན་རབས་ཀྱི་རྗེས་སུ་འཇུག་པ་རྣམས་ཆོས་སྤྱོད་ཀྱིས་དགྱེས་པར་མཛོད་ཅིག །དེ་ནས་དེ་དག་ལས་ཐོས་ནས་ལྷའི་གཙོ་བོ་བརྒྱ་བྱིན་ལ་སོགས་པ་ཡིད་རབ་ཏུ་དགའ་བ་མཆོག་ཏུ་
D287.069.0157b04.01དགའ་སྟེ། དེ་ནས་ཡང་འཇིག་རྟེན་སྐྱོང་བ་དག་ལ་མཆོད་ནས། འདི་ལྟར་མིའི་འཇིག་རྟེན་ན་མི་ཆོས་པ་དང་ལྡན་པ་རྣམས་འཇིག་རྟེན་སྐྱོང་བ་དག་གི་ཀུན་དགའ་བའི་སྐལ་བར་གྱུར་ཅིག །དེ་ནས་ལྷ་དེ་དག་ཐམས་ཅད་ཀུན་དགའ་བ་སྐྱེས་པར་རིག་ནས། ཤིང་ཡོངས་འདུ་ས་
D287.069.0157b05.01བརྟོལ་གྱི་དྲུང་དུ་སངས་རྒྱས་བཅོམ་ལྡན་འདས་བླངས་པ་དེ་ནས་ཡང་མཆོད་ནས། ལྷའི་འདུན་ས་ཆོས་བཟང་ག་ལ་བ་དེར་སངས་རྒྱས་བཅོམ་ལྡན་འདས་ཁྱེར་རོ། །ལྷ་གཞན་ལྷག་མ་གང་ཡིན་པ་དེ་དག་ནི་ཤིང་ཡོངས་འདུ་ས་བརྟོལ་ག་ལ་བ་དེར་དོང་སྟེ་ཕྱིན་ནས་བརྒྱ་བྱིན་གྱི་མདུན་
D287.069.0157b06.01དུ་འགྲོ་བ་ཡིད་རབ་ཏུ་དགའ་བ་རྣམས་ཤིང་ཡོངས་འདུ་ས་བརྟོལ་ག་ལ་བ་དེར་དོང་སྟེ་ཕྱིན་ནས། ཤིང་གི་རྒྱལ་པོ་དེའི་དྲུང་དུ་དབྱར་ཟླ་བ་བཞིའི་བར་དུ་ལྷའི་འདོད་པའི་ཡོན་ཏན་ལྔ་འབྱོར་ཅིང་ལྡན་པར་གྱུར་པ་རྣམས་ཀྱིས་དགའ་བར་བྱེད། ཡོངས་སུ་སྤྱོད་པར་བྱེད་དོ། །ལྷ་ཡིད་
D287.069.0157b07.01