完整藏文原文 · 德格版页 当前仅加载第 69 函德格 160a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་འདོང་བར་བྱེད་དོ། །དེ་དག་རིན་པོ་ཆེའི་སར་དོང་ནས་ཕན་ཚུན་གྲོགས་སུ་གྱུར་པ། འདོད་ཆགས་ལྷུར་འཛིན་པར་སེམས་པ་ཡིན་ཏེ། དེར་ཡིད་ཞུགས་པ་དེར་དགའ་བར་གྱུར་པ་དེ་དང་འཐུན་པའི་སྤྱོད་པ་དང་དགའ་བའི་ལྷའི་འདོད་པའི་ཡོན་ཏན་ལྔ་འབྱོར་
D287.069.0160a01.01ཅིང་ལྡན་པར་གྱུར་པ་རྣམས་ཀྱིས་དགའ་བར་བྱེད། དགའ་དགུར་སྤྱོད་པར་བྱེད་དོ། །ཚལ་དེ་ནས་ཡང་ཀུན་ནས་ཚལ་ཞེས་བྱ་བ་དེར་འགྲོ་བར་བྱེད་འདོང་བར་བྱེད་དོ། །ཚལ་དེ་ན་བྱའི་རིགས་བདུན་ལ་འདི་ལྟ་སྟེ། གསེར་གྱི་ངང་པ་ཁ་ཅིག་རིན་པོ་ཆེ་སྣ་བདུན་ལྟ་བུ་དང་། ནེ་ཙོ་ཁ་དོག་
D287.069.0160a02.01སྣ་ཚོགས་སུ་འདུག་པ། ཁ་ཅིག་ཨན་ད་རྙིལ་ལྟ་བུ་དང་། བྱ་ཀཱ་རཎྜ་བ་ཁ་ཅིག་ཀེ་ཀེ་རུའི་མདོག་ལྟ་བུ་དང་། ཁ་ཅིག་བཻ་ཌཱུརྱ་ལྟ་བུ་དང་། ངུར་པ་ཁ་ཅིག་ཨན་ད་རྙིལ་ལྟ་བུ་ཡིན་ལ། ཁ་ཅིག་སྤུག་ལྟ་བུ་དང་རྨ་བྱ་ཁ་དོག་རིན་པོ་ཆེ་སྣ་བདུན་ལྟ་བུ་ཡིན་ལ། ཁ་ཅིག་མཐོན་ཀ་ལྟ་བུ་དང་།
D287.069.0160a03.01ཤང་ཤང་ཏེའུ་ཡང་སྣ་ཚོགས་སུ་འདུག་སྟེ། ཁ་ཅིག་བྱི་རུ་ལྟ་བུ་དང་། བྱ་ཀ་ལ་པིང་ཀ་རིན་པོ་ཆེ་སྣ་བདུན་ལྟ་བུ་ཡིན་ལ། ཁ་ཅིག་དངུལ་གྱི་མདོག་ལྟ་བུ་ཡིན་ནོ། །དེ་དག་ཐམས་ཅད་མཐོང་བ་བདེ་བ། སྒྲ་སྙན་ཅིང་འཇེབས་པ་འབྱིན་པ་ལ་མཁས་པ་ཡིན་ཏེ། ཁ་ཅིག་ནམ་མཁའ་
D287.069.0160a04.01ལ་བདག་ཉིད་ཕན་ཚུན་འཁོར་ལོ་བཞིན་བྱས་ནས་རྩེ་བར་བྱེད་དེ། ཇི་ལྟར་ལྷ་རྣམས་ཀྱི་རོལ་མོའི་སྒྲ་འབྱུང་བ་དེ་ལྟར་ཡོངས་སུ་འབྱིན་པར་བྱེད་ཅིང་། ཇི་ལྟར་ལྷ་མོའི་ཚོགས་ཡན་ལག་ལྔ་དང་ལྡན་པ་ལ་ཤིན་ཏུ་ཆགས་པར་འགྱུར་བ་དེ་ལྟར་སྒྲ་གཞན་དག་འབྱུང་བར་བྱེད་དོ། །གཞན་ཁ་
D287.069.0160a05.01ཅིག་པད་མའི་ཚལ་བུང་བའི་ཚོགས་ཀྱིས་ཉེ་བར་མཛེས་པར་བྱས་པ་རྣམས་སུ་བྱ་མོ་རྣམས་དང་ལྷན་ཅིག་བཅས་པར་དགའ་བར་བྱེད་སྐད་འབྱིན་པར་བྱེད་དོ། །གཞན་དག་སྐམ་ས་ལ་འདུག་ནས་བྱ་མོ་རྣམས་དང་ལྷན་ཅིག་བཅས་པར་དགའ་བར་བྱེད་དགའ་དགུར་སྤྱོད་པར་བྱེད་དོ། །གཞན་
D287.069.0160a06.01དག་གསེར་དང་དངུལ་གྱི་ཤིང་ལྗོན་པ་འདབ་མ་སྣ་ཚོགས་ཀྱིས་ཉེ་བར་མཛེས་པར་བྱས་པ་རྣམས་ཀྱི་ནང་ན་དེའི་གྲིབ་མས་ལུས་མངོན་པར་བརྒྱན་པ་རྣམས་རྩེ་བར་བྱེད་དགའ་དགུར་སྤྱོད་པར་བྱེད་དེ། དེ་ལྟར་བྱ་དེ་དག་དགའ་བར་བྱེད་དོ། །དེ་ནས་བྱ་དེ་རྣམས་ཡོངས་སུ་རྩེ་བ་ན་ལྷ་དེ་རྣམས་ཀྱིས་
D287.069.0160a07.01