德格《甘珠尔》D8

ཀྱང་ནོར་བུ་རིན་པོ་ཆེ་དེ་བསྟན་ན། {མྱི་,མི་}མ་ལགས་པ་དེ་ནོར་བུ་རིན་པོ་ཆེ་ཆེན་པོ་དེའི་གཟི་བརྗིད་{མྱི་,མི་}བཟོད་དེ། མྱུར་དུ་འཕོ་ཞིང་{མྱི་,མི་}གནས་སོ། །མཁྲིས་པས་གདུངས་པའི་ལུས་ལ་ནོར་བུ་རིན་པོ་ཆེ་ཆེན་པོ་དེ་བཏགས་ན།

མཁྲིས་པ་དེ་ཡང་འབྱང་བར་འགྱུར་རོ། །རླུང་གིས་མནར་བའི་ལུས་ལ། ནོར་བུ་རིན་པོ་ཆེ་ཆེན་པོ་དེ་བཏགས་ན། རླུང་དེ་ཡང་འབྱང་བར་འགྱུར་རོ། །བད་ཀན་གྱིས་ནོན་པའི་ལུས་ལ་ནོར་བུ་རིན་པོ་ཆེ་ཆེན་པོ་དེ་བཏགས་ན། བད་ཀན་དེ་ཡང་ཞི་

བར་འགྱུར་རོ། །འདུས་པའི་བྲོས་བཏབ་པའི་ལུས་ལ། ནོར་བུ་རིན་པོ་ཆེ་ཆེན་པོ་དེ་བཏགས་ན། འདུས་པའི་བྲོ་དེ་ཡང་ཞི་བར་འགྱུར་ཞིང་རྣམ་པར་{མྱི་,མི་}འཕེལ་ལོ། །ནུབ་མོ་ནི་སྣང་བར་བགྱིད་དོ། །ཚ་བའི་དུས་ན་ནི་ནོར་བུ་རིན་པོ་ཆེ་

ཆེན་པོ་དེ་ཕྱོགས་གང་དུ་བཞག་པའི་ཕྱོགས་དེ་བསིལ་བར་བགྱིད་དོ། །གྲང་བའི་དུས་ན་ནི་ནོར་བུ་རིན་པོ་ཆེ་ཆེན་པོ་དེ་ཕྱོགས་གང་དུ་བཞག་པའི་ཕྱོགས་དེ་དྲོ་བར་བགྱིད་དོ། །ནོར་བུ་རིན་པོ་ཆེ་ཆེན་པོ་དེ་དོག་སའི་ཕྱོགས་གང་དུ་བཞག་པའི་ཕྱོགས་

དེ་ཡང་ཧ་ཅང་ཡང་{མྱི་,མི་}དྲོ། །ཧ་ཅང་ཡང་{མྱི་,མི་}གྲང་ཞིང་། རན་པ་ཕུན་སུམ་ཚོགས་པར་བགྱིད་དོ། །ནོར་བུ་རིན་པོ་ཆེ་ཆེན་པོ་དེ་དོག་སའི་ཕྱོགས་གང་དུ་བཞག་པའི་དོག་སའི་ཕྱོགས་དེར་སྦྲུལ་ལམ་དེ་མ་ལགས་པའི་སྡིག་པ་ལ་{སྩོགས་,སོགས་}

པ་གདུག་པ་གཞན་དག་ཀྱང་རྒྱུ་བར་{མྱི་,མི་}འགྱུར་རོ། །བཅོམ་ལྡན་འདས་སྐྱེས་པ་འམ། བུད་{མྱེད་,མེད་}ལ་ལ་ཞིག་སྦྲུལ་གདུག་པས་ཟིན་པ་ལ། ནོར་བུ་རིན་པོ་ཆེ་ཆེན་པོ་དེ་བསྟན་ན། དེས་དེ་མཐོང་མ་ཐག་ཏུ་དུག་དེ་ཡང་འབྱང་བར་འགྱུར་རོ། །

བཅོམ་ལྡན་འདས་ནོར་བུ་རིན་པོ་ཆེ་ཆེན་པོ་དེ་ནི། ཡོན་ཏན་གྱི་རྣམ་པ་འདི་ལྟ་བུ་དག་དང་ལྡན་ཏེ། སྐྱེས་པ་འམ། བུད་མེད་ལ་ལ་ཞིག་འབྲུམ་བུས་བཏབ་བམ། {མྱིག་,མིག་}རབ་རིབ་ཅན་དུ་གྱུར་ཏེ། {མྱིག་,མིག་}གི་ནད་དམ། རྣ་བའི་ནད་དམ།