完整藏文原文 · 德格版页 当前仅加载第 32 函德格 7a 版页；藏文 NFD、目录标记与异常页序保留在来源切片中，重复版页行以稳定序号区分。
བཅུའི་གོ་ཆ་བགོས། སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ཀྱི་བར་གྱི་གོ་ཆ་བགོས། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་གོ་ཆ་བགོས། སངས་རྒྱས་ཀྱི་སྐུའི་གོ་ཆ་བགོས་ནས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སྣང་བས་ཁྱབ་པར་བྱེད་དོ། །
D11.032.0007a01.01དེ་བཞིན་དུ་ཤར་ཕྱོགས་ཀྱི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དག་སྣང་བས་ཁྱབ་པར་བྱེད་དོ། །དེ་བཞིན་དུ་ཕྱོགས་མཚམས་ཀྱི་བར་གྱི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དག་སྣང་བས་ཁྱབ་པར་བྱེད་དོ། །ཁྱབ་པར་བྱས་ནས་ཀྱང་སྟོང་གསུམ་གྱི་སྟོང་ཆེན་པོའི་འཇིག་
D11.032.0007a02.01རྟེན་གྱི་ཁམས་རྣམ་པ་དྲུག་ཏུ་གཡོ་བར་བྱེད། རབ་ཏུ་གཡོ་བར་བྱེད། ཀུན་ཏུ་རབ་ཏུ་གཡོ་བར་བྱེད་དོ། །དེ་བཞིན་དུ་ཤར་ཕྱོགས་ནས་ཕྱོགས་མཚམས་ཀྱི་བར་གྱི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དག་རྣམ་པ་དྲུག་ཏུ་གཡོ་བར་བྱེད། རབ་ཏུ་གཡོ་བར་བྱེད། ཀུན་ཏུ་རབ་ཏུ་
D11.032.0007a03.01གཡོ་བར་བྱེད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་སྣང་བ་དེས་ཀྱང་སྦྱིན་པའི་ཕ་རོལ་ཏུ་ཕྱིན་པའི་གོ་ཆ་བགོས་པ་ནས། སངས་རྒྱས་ཀྱི་སྐུའི་བར་གྱི་གོ་ཆ་བགོས་པ་ཡིན་ནོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བཻ་དཱུརྱའི་རང་བཞིན་དུ་མངོན་པར་སྤྲུལ་པར་བྱེད་དོ། །
D11.032.0007a04.01མངོན་པར་སྤྲུལ་ནས་ཀྱང་འཁོར་ལོས་སྒྱུར་བའི་རྒྱལ་པོའི་བཀོད་པ་མངོན་པར་སྤྲུལ་པར་བྱེད་ཅིང་། དེས་འཁོར་ལོས་སྒྱུར་བའི་རྒྱལ་པོའི་བཀོད་པ་མངོན་པར་སྤྲུལ་ནས་ཀྱང་ཟས་འདོད་པ་རྣམས་ལ་ཟས་སྦྱིན་པར་བྱེད། དེ་བཞིན་དུ་བཏུང་བ་ནས། གོས་དང་། ཕྲེང་བ་དང་། སྤོས་དང་།
D11.032.0007a05.01བྱུག་པ་དང་། ཁང་པ་དང་། གནས་དང་། མར་མེ་དང་། སྨན་དུ་སྦྱར་བ་དང་། སྨན་གྱི་བར་དུ་སྦྱིན་པར་བྱེད་པ་དང་། དེ་བཞིན་དུ་སྦྱར་ཏེ། མིའི་ཡོ་བྱད་གང་ཡང་རུང་བའི་བར་དག་སེམས་ཅན་དག་ལ་སྦྱིན་པར་བྱེད་ཅིང་། དེས་སྦྱིན་པ་དེ་ལྟ་བུ་བྱིན་ནས། སེམས་ཅན་དེ་དག་ཉིད་
D11.032.0007a06.01ལ་འདི་ལྟ་སྟེ། ཕ་རོལ་ཏུ་ཕྱིན་པ་དྲུག་དང་ལྡན་པའི་ཆོས་འདི་དག་ཉིད་ཀྱི་ཆོས་སྟོན་ཏོ། །སེམས་ཅན་དེ་དག་ཀྱང་ཆོས་དེ་ཐོས་ནས། ནམ་ཡང་ལོག་པར་ལྟུང་བར་མི་ལྟུང་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ཀྱི་བར་དུ་ནམ་ཡང་ཕ་རོལ་ཏུ་
D11.032.0007a07.01