完整藏文原文 · 德格版页 当前仅加载第 32 函德格 164a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་དུ་ཆོས་འདི་ནི་རྒྱུན་དུ་ཞུགས་པའི་འབྲས་བུ་དང་འཐུན་པ་ལགས་སོ། །དེ་བཞིན་དུ་ཆོས་འདི་ནི་ལན་ཅིག་ཕྱིར་འོང་བའི་འབྲས་བུ་དང་འཐུན་པ་ལགས་སོ། །ཆོས་འདི་ནི་ཕྱིར་མི་འོང་བའི་འབྲས་བུ་དང་འཐུན་པ་ལགས་སོ། །ཆོས་འདི་ནི་དགྲ་
D11.032.0164a01.01བཅོམ་པ་ཉིད་ཀྱི་འབྲས་བུ་དང་འཐུན་པ་ལགས་སོ། །ཆོས་འདི་ནི་རང་སངས་རྒྱས་ཀྱི་འབྲས་བུ་དང་འཐུན་པ་ལགས་སོ། །ཆོས་འདི་ནི་རྣམ་པ་ཐམས་ཅད་མཁྱེན་པ་ཉིད་ཀྱི་བར་དང་འཐུན་པ་ལགས་ཏེ། ཆོས་འདི་ནི་གང་དུ་ཡང་ཐོགས་པ་མ་མཆིས་པ་ལགས་སོ། །ཇི་ལྟར་
D11.032.0164a02.01ན་ཐོགས་པ་མ་མཆིས་པ་ལགས་ཤེ་ན། འདི་ལྟ་སྟེ། གཟུགས་ལ་ཐོགས་པ་མ་མཆིས་པ་ལགས་སོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཐོགས་པ་མ་མཆིས་པ་ལགས་སོ། །དེ་བཞིན་དུ་སྦྱར་ཏེ། བཙུན་
D11.032.0164a03.01པ་བཅོམ་ལྡན་འདས་ནམ་མཁའ་མཉམ་པ་ཉིད་ཀྱི་སླད་དུ་དང་། དེ་བཞིན་དུ་ཆོས་གནས་པ་ཉིད་དང་། ཡང་དག་པའི་མཐའ་དང་། བསམ་གྱིས་མི་ཁྱབ་པའི་དབྱིངས་ཀྱི་སླད་དུ་དང་། དེ་བཞིན་དུ་སྟོང་པ་ཉིད་ཀྱི་སླད་དུ་དང་། མཚན་མ་མེད་པ་དང་། སྨོན་པ་མེད་པ་
D11.032.0164a04.01མཉམ་པ་ཉིད་ཀྱི་སླད་དུ་དང་། སྐྱེ་བ་མེད་པ་དང་། འགག་པ་མེད་པ་དང་། ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་མཉམ་པ་ཉིད་ཀྱི་སླད་དུ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་ཐོགས་པ་མ་མཆིས་པའི་མཚན་ཉིད་ལགས་སོ། །བཙུན་
D11.032.0164a05.01པ་བཅོམ་ལྡན་འདས་གཟུགས་ཀྱི་སྐྱེ་བ་དམིགས་སུ་མ་མཆིས་པ་ཉིད་ཀྱི་སླད་དུ་དང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་སྐྱེ་བ་དམིགས་སུ་མ་མཆིས་པའི་སླད་དུ་དང་། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་
D11.032.0164a06.01པ་ཉིད་ཀྱི་བར་གྱི་སྐྱེ་བ་དམིགས་སུ་མ་མཆིས་པའི་སླད་དུ། ཆོས་འདི་སྐྱེ་བ་མ་མཆིས་པ་ལགས་སོ། །བཙུན་པ་བཅོམ་ལྡན་འདས་གཟུགས་ཀྱི་གཞི་དམིགས་སུ་མ་མཆིས་པའི་སླད་དུ་དང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་
D11.032.0164a07.01