完整藏文原文 · 德格版页 当前仅加载第 32 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིང་། དེ་དག་ལ་ཡང་གནས་ལ། དེ་བཞིན་གཤེགས་པའི་སྟོབས་བཅུ་དང་། མི་འཇིགས་པ་བཞི་དང་། སོ་སོ་ཡང་དག་པར་རིག་པ་བཞི་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ཀྱི་བར་དག་གིས་རྣམ་པ་ཐམས་
D11.032.0187b01.01ཅད་མཁྱེན་པ་ཉིད་རྗེས་སུ་འཐོབ་པར་འགྱུར་བ་མ་རྫོགས་པར་གང་མངོན་སུམ་དུ་བྱས་ན་ཉན་ཐོས་ཀྱི་སའམ། རང་སངས་རྒྱས་ཀྱི་སར་ལྟུང་བར་འགྱུར་བའི་རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་མངོན་སུམ་དུ་མི་བྱེད་དོ། །རབ་འབྱོར་
D11.032.0187b02.01དཔེར་ན་སྐྱེས་བུ་སྟོབས་དང་ལྡན་པ་འཕོང་གི་བསླབ་པ་ལ་ལེགས་པར་བསླབས་པ་དེས་མདའ་གནམ་རྒྱང་དུ་འཕངས་ལ། གནམ་རྒྱང་དུ་འཕངས་ནས། མདའ་དེ་ལས་གཞན་པ་དག་གིས་མདའ་སྔ་མ་དེའི་ཕྱི་བཞིན་དུ་བརྒྱུད་དེ། དེ་ཇི་སྲིད་དུ་འདོད་པ་དེ་སྲིད་དུ་མདའ་དེ་ས་ལ་ལྟུང་དུ་མི་
D11.032.0187b03.01སྟེར་ལ། ཀྱེ་མ་མདའ་འདི་ས་ལ་ལྟུང་ཡང་ཅི་མ་རུང་སྙམ་ནས། དེས་མདའ་ཕྱི་མ་ཡང་གནམ་རྒྱང་དུ་མ་འཕངས་ན། མདའ་གཅིག་ནས་གཅིག་ཏུ་བརྒྱུད་པ་དེ་ས་ལ་ལྟུང་བར་འགྱུར་རོ། །རབ་འབྱོར་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་
D11.032.0187b04.01ཕྱིན་པ་ལ་སྤྱོད་པ། ཐབས་ལ་མཁས་པས་ཡོངས་སུ་ཟིན་པ་ཡང་ཇི་སྲིད་དུ་དགེ་བའི་རྩ་བ་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་མ་གྱུར་པ་དེ་སྲིད་དུ་ཡང་དག་པའི་མཐའ་དམ་པ་དེ་མངོན་སུམ་དུ་མི་བྱེད་ཀྱི། གང་གི་ཚེ་དགེ་བའི་རྩ་བ་དེ་དག་བླ་ན་མེད་པ་
D11.032.0187b05.01ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་གྱུར་པ་དེའི་ཚེ་ནི་ཡང་དག་པའི་མཐའ་དམ་པ་མངོན་སུམ་དུ་བྱེད་དེ། རབ་འབྱོར་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། ཆོས་འདི་དག་གི་ཆོས་ཉིད་ལ་དེ་ལྟར་ངེས་
D11.032.0187b06.01པར་བརྟག་པར་བྱའོ།། །།ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་ཉི་ཤུ་ལྔ་པ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་
D11.032.0187b07.01