完整藏文原文 · 德格版页 当前仅加载第 32 函德格 284a 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྱུར་ལགས་སམ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར་འདི་ཇི་སྙམ་དུ་སེམས། བརྒྱད་པའམ། རྒྱུན་དུ་ཞུགས་པའམ། ལན་ཅིག་ཕྱིར་འོང་བ་
D11.032.0284a01.01འམ། ཕྱིར་མི་འོང་བའམ། དགྲ་བཅོམ་པ་ཉིད་དམ། རང་བྱང་ཆུབ་ངན་སོང་རྣམས་སུ་སྐྱེ་བར་འགྱུར་སྙམ་མམ། གསོལ་པ། བཙུན་པ་བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་བཞིན་དུ་བྱང་ཆུབ་སེམས་
D11.032.0284a02.01དཔའ་སེམས་དཔའ་ཆེན་པོ་ཡང་དང་པོ་སེམས་བསྐྱེད་ཕྱིན་ཆད་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད། དེ་བཞིན་དུ་ཚུལ་ཁྲིམས་སྲུང་། བཟོད་པ་སྒྲུབ། དགེ་བའི་ཆོས་རྣམས་ལ་བརྩོན་འགྲུས་རྩོམ། བསམ་གཏན་རྣམས་ལ་སྙོམས་པར་འཇུག །ཤེས་རབ་སྒོམ་ཞིང་
D11.032.0284a03.01མི་དགེ་བའི་ཆོས་ཐམས་ཅད་སྤངས་ནས་གནས་པ་དེ། ངན་སོང་དུ་སྐྱེ་བའམ། ལྷ་ཚེ་རིང་པོའི་ནང་དུ་སྐྱེ་བའི་གནས་མེད་དོ། །གང་ན་དགེ་བའི་ཆོས་རྣམས་མི་སྤྱོད་པ་མཐའ་འཁོབ་པ་རྣམས་ཀྱི་ནང་དུའམ། ཀླ་ཀློའི་མི་རྣམས་ཀྱི་ནང་དུ་སྐྱེ་བའམ། ལོག་པར་ལྟ་བའི་
D11.032.0284a04.01ཁྱིམ་རྣམས་སམ། མཐའ་འཁོབ་པའི་མི་རྣམས་ཀྱི་ནང་དུ་སྐྱེ་བའམ། འཁོར་བཞི་པོ་འདི་ལྟ་སྟེ། དགེ་སློང་གི་འཁོར་རམ། དགེ་སློང་མའི་འཁོར་རམ། དགེ་བསྙེན་གྱི་འཁོར་རམ། དགེ་བསྙེན་མའི་འཁོར་གང་དུ་འབྱུང་བར་མི་འགྱུར་བ་དེར་སྐྱེ་བར་འགྱུར་བ་དེ་
D11.032.0284a05.01ནི་གནས་མེད་དོ། །གང་ན་སངས་རྒྱས་ཀྱི་སྒྲའམ། ཆོས་ཀྱི་སྒྲའམ། དགེ་འདུན་གྱི་སྒྲ་མི་གྲག་པའམ། བྱ་བ་མེད་པ་དང་ལྟ་བའི་སྒྲ་གྲག་པར་འགྱུར་བ་དེར་སྐྱེ་བར་འགྱུར་བ་དེ་ནི་གནས་མེད་དེ། རབ་འབྱོར་དང་པོ་སེམས་བསྐྱེད་པའི་བྱང་ཆུབ་སེམས་དཔའ་
D11.032.0284a06.01སེམས་དཔའ་ཆེན་པོ་ནི་ལྷག་པའི་བསམ་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་ནས་མི་དགེ་བ་བཅུའི་ལས་ཀྱི་ལམ་ཡང་དག་པར་བླངས་ཏེ་འདུག་པ་དེ་ནི་གནས་མེད་དོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་
D11.032.0284a07.01