完整藏文原文 · 德格版页 当前仅加载第 32 函德格 105b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཕྱིར་འདི་སྙམ་དུ་བདག་གིས་སྦྱིན་པ་སྦྱིན་པར་བྱའོ། །འདི་ལ་སྦྱིན་པ་སྦྱིན་པར་བྱའོ། །སྦྱིན་པ་འདི་འདྲ་བ་ཞིག་སྦྱིན་པར་བྱའོ། །བདག་གིས་ཚུལ་ཁྲིམས་བསྲུང་བར་བྱའོ། །ཚུལ་ཁྲིམས་འདི་ལྟར་བསྲུང་བར་བྱའོ། །བདག་གིས་བཟོད་པ་བསྒོམ་པར་བྱའོ། །བཟོད་པ་འདི་ལྟར་བསྒོམ་
D11.032.0105b01.01པར་བྱའོ། །བདག་གིས་བརྩོན་འགྲུས་བརྩམ་པར་བྱའོ། །བརྩོན་འགྲུས་འདི་ལྟར་བརྩམ་པར་བྱའོ། །བདག་གིས་བསམ་གཏན་ལ་སྙོམས་པར་འཇུག་པར་བྱའོ། །བསམ་གཏན་ལ་འདི་ལྟར་སྙོམས་པར་འཇུག་པར་བྱའོ། །བདག་གིས་ཤེས་རབ་བསྒོམ་པར་བྱའོ། །ཤེས་རབ་
D11.032.0105b02.01འདི་ལྟར་བསྒོམ་པར་བྱའོ། །བདག་གིས་བསོད་ནམས་བསྐྱེད་པར་བྱའོ། །བསོད་ནམས་འདི་ལྟར་བསྐྱེད་པར་བྱའོ། །བདག་གིས་བྱང་ཆུབ་སེམས་དཔའི་སྐྱོན་མེད་པ་ལ་འཇུག་པར་བྱའོ། །བྱང་ཆུབ་སེམས་དཔའི་སྐྱོན་མེད་པ་ལ་འདི་ལྟར་འཇུག་པར་བྱའོ། །བདག་གིས་སངས་རྒྱས་ཀྱི་
D11.032.0105b03.01ཞིང་ཡོངས་སུ་དག་པར་བྱའོ། །སངས་རྒྱས་ཀྱི་ཞིང་འདི་ལྟར་ཡོངས་སུ་དག་པར་བྱའོ། །བདག་གིས་སེམས་ཅན་རྣམས་ཡོངས་སུ་སྨིན་པར་བྱའོ། །སེམས་ཅན་རྣམས་འདི་ལྟར་ཡོངས་སུ་སྨིན་པར་བྱའོ། །བདག་གིས་རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་པར་བྱའོ། །རྣམ་པ་
D11.032.0105b04.01ཐམས་ཅད་མཁྱེན་པ་ཉིད་འདི་ལྟར་རྗེས་སུ་ཐོབ་པར་བྱའོ་སྙམ་པའི་རྣམ་པར་རྟོག་པ་དེ་དག་ཐམས་ཅད་ནི་ཚེ་དང་ལྡན་པ་ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཐབས་ལ་མཁས་པ་མེད་དེ། ཚེ་དང་ལྡན་པ་ཤ་ར་དྭ་ཏིའི་བུ་དེ་དག་ནི་བྱང་ཆུབ་སེམས་
D11.032.0105b05.01དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཐབས་ལ་མཁས་པའི་ཆགས་པ་མེད་པ་ཡིན་ནོ། །དེ་ནས་ལྷའི་དབང་པོ་བརྒྱ་བྱིན་གྱིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར་རྣམ་གྲངས་གང་གིས་བྱང་ཆུབ་སེམས་དཔའི་ཐེག་པ་པའི་
D11.032.0105b06.01རིགས་ཀྱི་བུའམ་རིགས་ཀྱི་བུ་མོ་དེ་དག་གི་ཆགས་པ་གང་དག་ཡིན་པར་རིག་པར་བྱ། དེ་སྐད་ཅེས་སྨྲས་པ་དང་། ཚེ་དང་ལྡན་པ་རབ་འབྱོར་གྱིས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ་འདི་ལ་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ་རིགས་ཀྱི་བུ་མོ་ནི་རང་གི་སེམས་
D11.032.0105b07.01