完整藏文原文 · 德格版页 当前仅加载第 32 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ཀྱང་ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར་བདག་ལ་ནི་འགྲོ་བའམ། འོང་བ་ཅི་ཡང་མི་དམིགས་པའི་ཕྱིར་རོ། །རབ་འབྱོར་དེ་ལྟར་ན་གོང་མ་བཞིན་དུ་སྦྱར་ཏེ། ཆོས་ཐམས་ཅད་ནི་སེམས་ཅན་མེད་པ་དང་། སྐྱེ་བ་པོ་མེད་པ་དང་། སྲོག་མེད་པ་
D11.032.0150b01.01དང་། གསོ་བ་མེད་པ་དང་། གང་ཟག་མེད་པ་དང་། ཤེད་ལས་སྐྱེས་པ་མེད་པ་དང་། ཤེད་བུ་མེད་པ་དང་། སློང་བ་པོ་མེད་པ་དང་། ཀུན་ནས་སློང་བ་པོ་མེད་པ་དང་། བྱེད་པ་པོ་མེད་པ་དང་། བྱེད་དུ་འཇུག་པ་པོ་དང་། ཤེས་པ་པོ་དང་། མཐོང་བ་པོ་མེད་
D11.032.0150b02.01པའི་ཚུལ་ཅན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར་བདག་གཏན་མེད་ཅིང་མི་དམིགས་པ་དང་། དེ་བཞིན་དུ་སེམས་ཅན་དང་། སྲོག་དང་། གསོ་བ་དང་། གང་ཟག་དང་། ཤེད་
D11.032.0150b03.01ལས་སྐྱེས་པ་དང་། ཤེད་བུ་དང་། སློང་བ་པོ་དང་། ཀུན་ནས་སློང་བ་པོ་དང་། བྱེད་པ་པོ་དང་། བྱེད་དུ་འཇུག་པ་པོ་དང་། ཤེས་པ་པོ་དང་། མཐོང་བ་པོ་མེད་ཅིང་མི་དམིགས་པའི་ཕྱིར་རོ། །རབ་འབྱོར་གཞན་ཡང་ཆོས་ཐམས་ཅད་ནི་རྟག་པ་དང་། མི་རྟག་པའི་
D11.032.0150b04.01ཚུལ་ཅན་ནོ། །རབ་འབྱོར་དེ་བཞིན་དུ་ཆོས་ཐམས་ཅད་ནི་བདེ་བའི་ཚུལ་ཅན་དང་། སྡུག་བསྔལ་བའི་ཚུལ་ཅན་དང་། བདག་གི་ཚུལ་ཅན་དང་། བདག་མེད་པའི་ཚུལ་ཅན་དང་། སྟོང་པའི་ཚུལ་ཅན་དང་། མི་སྟོང་པའི་ཚུལ་ཅན་དང་། མཚན་མའི་ཚུལ་ཅན་དང་།
D11.032.0150b05.01མཚན་མ་མེད་པའི་ཚུལ་ཅན་དང་། སྨོན་པའི་ཚུལ་ཅན་དང་། སྨོན་པ་མེད་པའི་ཚུལ་ཅན་དང་། ཞི་བའི་ཚུལ་ཅན་དང་། དབེན་པའི་ཚུལ་ཅན་དང་། ཀུན་ནས་ཉོན་མོངས་པའི་ཚུལ་ཅན་དང་། རྣམ་པར་བྱང་བའི་ཚུལ་ཅན་དང་། སྐྱེ་བའི་ཚུལ་ཅན་དང་། སྐྱེ་བ་མེད་པའི་
D11.032.0150b06.01ཚུལ་ཅན་དང་། འགག་པའི་ཚུལ་ཅན་དང་། འགག་པ་མེད་པའི་ཚུལ་ཅན་དང་། དངོས་པོའི་ཚུལ་ཅན་དང་། དངོས་པོ་མེད་པའི་ཚུལ་ཅན་དང་། སྡུག་པའི་ཚུལ་ཅན་དང་། མི་སྡུག་པའི་ཚུལ་ཅན་ཏེ། ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར་
D11.032.0150b07.01