完整藏文原文 · 德格版页 当前仅加载第 32 函德格 111a 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཤེས་སོ། །དེ་བཞིན་དུ་ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། དགྲ་བཅོམ་པ་ཉིད་དང་། རང་བྱང་ཆུབ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་ཆགས་ཞེས་བྱ་བར་ཡང་དག་པར་ཤེས་སོ། །དེ་
D11.032.0111a01.01ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཇི་ཙམ་དུ་ཆོས་ཟབ་མོ་འདི་མ་བཤད་ཀྱང་འགྲིབ་པ་མ་མཆིས་ལ། བཤད་ཀྱང་འཕེལ་བ་མ་མཆིས་པ་ནི་ངོ་མཚར་ལགས་སོ། །དེ་སྐད་ཅེས་གསོལ་པ་དང་། བཅོམ་
D11.032.0111a02.01ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར་དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། ཆོས་ཟབ་མོ་འདི་མ་བཤད་ཀྱང་འགྲིབ་པ་མེད་ལ། བཤད་ཀྱང་འཕེལ་བ་མེད་དོ། །རབ་འབྱོར་དཔེར་ན། དེ་བཞིན་གཤེགས་པ་དགྲ་བཅོམ་
D11.032.0111a03.01པ་ཡང་དག་པར་རྫོགས་པའི་སངས་རྒྱས་ཀྱིས་ཇི་སྲིད་འཚོའི་བར་དུ་ནམ་མཁའི་བསྔགས་པ་བརྗོད་ན། ནམ་མཁའ་ལ་ནི་བསྔགས་པ་བརྗོད་ཀྱང་འཕེལ་བ་མེད་ལ་བསྔགས་པ་མ་ཡིན་པ་བརྗོད་ཀྱང་ཡོངས་སུ་འགྲིབ་པ་མེད་དོ། །རབ་འབྱོར་དེ་བཞིན་དུ་སྒྱུ་མའི་སྐྱེས་བུ་ལ་ནི་བསྔགས་
D11.032.0111a04.01པ་བརྗོད་པས་འཕེལ་བ་མེད་ལ། བསྔགས་པ་མ་ཡིན་པ་བརྗོད་ཀྱང་ཡོངས་སུ་འགྲིབ་པ་མེད་དོ། །རབ་འབྱོར་དེ་བཞིན་དུ་ཆོས་དེ་ནི་བཤད་ཀྱང་འཕེལ་བ་མེད་ལ། མ་བཤད་ཀྱང་འགྲིབ་པ་མེད་དེ། བཤད་ཀྱང་དེ་ཁོ་ནར་ཟད་ལ། མ་བཤད་ཀྱང་དེ་ཁོ་ནར་ཟད་དོ། །དེ་ནས་བཅོམ་
D11.032.0111a05.01ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་ཅིང་། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ན། མི་ཞུམ་མི་འགོང་སྟེ། ཞུམ་པར་འགྱུར་
D11.032.0111a06.01བ་མ་མཆིས་ལ། ཞུམ་པ་མ་མཆིས་ཤིང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་ཡང་སྙོམས་པར་འཇུག་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཀྱང་ཕྱིར་མི་ལྡོག་པ་ནི་དཀའ་བ་བགྱིད་པ་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས་འདི་ལྟ་སྟེ།
D11.032.0111a07.01