完整藏文原文 · 德格版页 当前仅加载第 32 函德格 131a 版页；藏文 NFD、目录标记与异常页序保留在来源切片中，重复版页行以稳定序号区分。
མ་མཆིས་པ་ལགས། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་བསམ་གྱིས་མི་ཁྱབ་པ་ནས། མི་མཉམ་པ་དང་མཉམ་པའི་བར་དུ་ལགས་ཏེ་མ་མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་
D11.032.0131a01.01གཟུགས་ལ་ཡང་ཚད་མེད་དེ། དེའི་ཕྱིར་གཟུགས་བསམ་གྱིས་མི་ཁྱབ་པ་ནས། མི་མཉམ་པ་དང་མཉམ་པའི་བར་དུ་ཡིན་ཏེ་མེད་དོ། །རབ་འབྱོར་དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་ཚད་མེད་དེ། དེའི་ཕྱིར་
D11.032.0131a02.01རྣམ་པར་ཤེས་པ་ཡང་བསམ་གྱིས་མི་ཁྱབ་པ་ནས། མི་མཉམ་པ་དང་མཉམ་པའི་བར་དུ་ཡིན་ཏེ་མེད་དོ། །རབ་འབྱོར་དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཡང་ཚད་མེད་དེ། དེའི་ཕྱིར་རྣམ་པ་ཐམས་ཅད་མཁྱེན་པ་ཉིད་ཀྱང་བསམ་གྱིས་མི་ཁྱབ་
D11.032.0131a03.01པ་ནས། མི་མཉམ་པ་དང་མཉམ་པའི་བར་དུ་ཡིན་ཏེ་མེད་དོ། །གསོལ་པ། ཅིའི་སླད་དུ་གཟུགས་ཚད་མ་མཆིས་པ་ལགས། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཚད་མ་མཆིས་པ་ལགས། དེ་བཞིན་དུ་སྦྱར་ཏེ། རྣམ་
D11.032.0131a04.01པ་ཐམས་ཅད་མཁྱེན་པ་ཉིད་ཀྱི་བར་དུ་ཚད་མ་མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་གཟུགས་བསམ་གྱིས་མི་ཁྱབ་པ་ནས། མི་མཉམ་པ་དང་མཉམ་པའི་བར་དུ་ཡིན་ཏེ། དེའི་ཕྱིར་གཟུགས་ལ་ཚད་མེད་དོ། །རབ་འབྱོར་དེ་བཞིན་དུ་
D11.032.0131a05.01གོང་མ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་བསམ་གྱིས་མི་ཁྱབ་པ་ནས། མི་མཉམ་པ་དང་མཉམ་པའི་བར་དུ་ཡིན་ཏེ། དེའི་ཕྱིར་རྣམ་པ་ཐམས་ཅད་མཁྱེན་པ་ཉིད་ལ་ཚད་མེད་དོ། །རབ་འབྱོར་འདི་ཇི་སྙམ་དུ་སེམས། བསམ་གྱིས་མི་ཁྱབ་པ་
D11.032.0131a06.01ནས། མི་མཉམ་པ་དང་མཉམ་པའི་བར་གང་ཡིན་པ་དེ་ལ་གཟུགས་དམིགས་སུ་ཡོད་སྙམ་འམ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་དམིགས་སུ་ཡོད་སྙམ་འམ། གསོལ་པ། བཙུན་པ་བཅོམ་ལྡན་འདས་མ་མཆིས་ལགས་སོ། །
D11.032.0131a07.01