完整藏文原文 · 德格版页 当前仅加载第 32 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
ཤི་འཕོས་ཏེ་འདིར་སྐྱེས་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ནས། ཐོས་མ་ཐག་ཏུ་མོས་པར་བགྱིད་ལ། མོས་ནས་ཀྱང་ཡི་གེར་འདྲི་བ་དང་། ཡི་གེར་འདྲིར་སྩོལ་བ་དང་། དེ་བཞིན་དུ་འཛིན་པ་དང་། འཆང་བ་དང་། ཚུལ་བཞིན་དུ་ཡིད་ལ་བགྱིད་
D11.032.0135b01.01པར་འགྱུར་བ་ལྟ་མཆིས་ལགས་སམ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར་བྱང་ཆུབ་སེམས་དཔའི་ཐེག་པ་པའི་གང་ཟག་གང་སངས་རྒྱས་ཀྱི་ཞིང་གཞན་དག་ཏུ་སངས་རྒྱས་བཅོམ་
D11.032.0135b02.01ལྡན་འདས་རྣམས་ལ་བསྙེན་བཀུར་བྱས་ནས། དེ་དེ་ནས་ཤི་འཕོས་ནས་འདིར་སྐྱེས་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ནས་ཐོས་མ་ཐག་ཏུ་མོས་པར་བྱེད་ལ། མོས་ནས་ཀྱང་ཡི་གེར་འདྲི་བ་དང་། ཡི་གེར་འདྲིར་འཇུག་པ་དང་། དེ་བཞིན་དུ་འཛིན་པ་དང་།
D11.032.0135b03.01འཆང་བ་དང་། ཀུན་ཆུབ་པར་བྱེད་པ་དང་། ཚུལ་བཞིན་དུ་ཡིད་ལ་བྱེད་པའི་བར་དུ་བྱེད་པ་ཡང་ཡོད་དོ། །དེ་ཅིའི་ཕྱིར་ཞེ་ན། རབ་འབྱོར་འདི་ལྟར་བྱང་ཆུབ་སེམས་དཔའི་ཐེག་པ་པའི་གང་ཟག་དེས་སངས་རྒྱས་ཀྱི་ཞིང་དེ་དག་ཏུ་སངས་རྒྱས་བཅོམ་ལྡན་འདས་དེ་དག་ལས་ཤེས་
D11.032.0135b04.01རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ལ། དེ་བཞིན་དུ་བཟུང་ཞིང་བཅངས་ཏེ། ཀུན་ཆུབ་པར་བྱས་པ་ནས། ཚུལ་བཞིན་དུ་ཡིད་ལ་བྱེད་པའི་བར་དུ་བྱས་པ་ཡིན་ཏེ། དེ་དགེ་བའི་རྩ་བ་དེས་དེ་ནས་ཤི་འཕོས་ནས་འདིར་སྐྱེས་པ་ཡིན་པའི་ཕྱིར་རོ། །རབ་འབྱོར་གཞན་ཡང་
D11.032.0135b05.01བྱང་ཆུབ་སེམས་དཔའི་ཐེག་པ་པའི་གང་ཟག་གང་གིས་དགའ་ལྡན་གྱི་ལྷའི་རིས་དག་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ཤིང་། ཚུལ་བཞིན་དུ་ཡིད་ལ་བྱེད་པའི་བར་དུ་བྱས་པ་དེ། དེ་ཚུན་ཆད་ལས་མི་དགེ་བ་བསགས་པ་ཟད་པར་བྱས་ནས། ཤེས་རབ་ཀྱི་ཕ་རོལ་
D11.032.0135b06.01ཏུ་ཕྱིན་པ་ཐོས་པའི་དགེ་བའི་རྩ་བ་དེ་ཉིད་དང་། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམས་པའི་རྒྱུས་མི་རྣམས་དང་སྐལ་བ་མཉམ་པར་སྐྱེས་པ་དེ་ཡང་ཡོན་ཏན་དེ་དག་ཉིད་དང་ལྡན་པར་རིག་པར་བྱའོ། །དེ་ཅིའི་ཕྱིར་ཞེ་ན། རབ་འབྱོར་འདི་ལྟར་བྱང་ཆུབ་སེམས་དཔའི་ཐེག་པ་པའི་
D11.032.0135b07.01