完整藏文原文 · 德格版页 当前仅加载第 32 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་བརྟེན་ནས་འཇིག་རྟེན་རྣམས་ལ་ཕུང་པོ་ལྔ་སྟོང་ངོ་ཞེས་སྟོན་ཏེ། འཇིག་རྟེན་ཡང་སྟོང་ངོ་ཁོང་དུ་ཆུད་ཅིང་རིག་ལ། ཀུན་ཏུ་ཤེས་ཤིང་འཇིག་རྟེན་དག་ལ་ཡང་དེ་ཁོ་ན་བཞིན་དུ་རྗོད་པར་བྱེད་དེ། རབ་འབྱོར་དེ་ལྟར་ན་ཤེས་རབ་
D11.032.0128b01.01ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་རྣམས་སྐྱེད་པ་དང་། འཇིག་རྟེན་རྣམས་ལ་སྟོན་པར་བྱེད་པ་ཡིན་ནོ། །རབ་འབྱོར་གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་
D11.032.0128b02.01འཇིག་རྟེན་སྟོང་ངོ་ཞེས་སྟོན་པར་བྱེད་དོ། །འཇིག་རྟེན་སྟོང་པར་སྟོན་པ་དེ་གང་ཞེ་ན། ཕུང་པོ་ལྔའི་འཇིག་རྟེན་དེ་སྟོང་པར་སྟོན་ཏོ། །དེ་བཞིན་དུ་སྐྱེ་མཆེད་བཅུ་གཉིས་ཀྱི་འཇིག་རྟེན་དེ་སྟོང་པར་སྟོན་ཏོ། །དེ་བཞིན་དུ་ཁམས་{བཅྭ་,བཅོ་}བརྒྱད་ཀྱི་འཇིག་རྟེན་དེ་སྟོང་པར་སྟོན་
D11.032.0128b03.01ཏོ། །དེ་བཞིན་དུ་གོང་མ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་འཇིག་རྟེན་དེ་སྟོང་པར་སྟོན་པར་བྱེད་དེ། རབ་འབྱོར་དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་རྣམས་སྐྱེད་པ་དང་། འཇིག་རྟེན་རྣམས་སྟོན་པར་བྱེད་པ་
D11.032.0128b04.01ཡིན་ནོ། །རབ་འབྱོར་གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་འཇིག་རྟེན་བསམ་གྱིས་མི་ཁྱབ་པར་སྟོན་པར་བྱེད་དོ། །འཇིག་རྟེན་གང་ཞིག་བསམ་གྱིས་མི་ཁྱབ་པ་ཡིན་ཞེ་ན།
D11.032.0128b05.01འདི་ལྟ་སྟེ། ཕུང་པོ་ལྔ་དང་། སྐྱེ་མཆེད་བཅུ་གཉིས་དང་། ཁམས་{བཅྭ་,བཅོ་}བརྒྱད་ཀྱི་འཇིག་རྟེན་བསམ་གྱིས་མི་ཁྱབ་པར་སྟོན་ཏོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་འཇིག་རྟེན་བསམ་གྱིས་མི་ཁྱབ་པར་སྟོན་ཏེ། རབ་འབྱོར་དེ་ལྟར་
D11.032.0128b06.01ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་རྣམས་སྐྱེད་པ་དང་། འཇིག་རྟེན་རྣམས་སྟོན་པར་བྱེད་པ་ཡིན་ནོ། །རབ་འབྱོར་གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་
D11.032.0128b07.01