完整藏文原文 · 德格版页 当前仅加载第 32 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱར་ཏེ། འདི་ལྟར་རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་དམིགས་པའི་རྣམ་པར་ཤེས་པ་མི་འབྱུང་ན། དེ་ལྟར་ན་རྣམ་པ་ཐམས་ཅད་མཁྱེན་པ་ཉིད་མ་མཐོང་བའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་འདི་སྟོན་པར་བྱེད་པ་ཡིན་ཏེ། རབ་
D11.032.0128a01.01འབྱོར་དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་དེ་བཞིན་གཤེགས་པ་རྣམས་སྐྱེད་པ་དང་། འཇིག་རྟེན་རྣམས་སྟོན་པར་བྱེད་པ་ཡིན་ནོ། །རབ་འབྱོར་གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཇིག་རྟེན་རྣམས་ལ་ཕུང་པོ་ལྔ་པོ་སྟོང་ངོ་ཞེས་རྗོད་པར་བྱེད་དོ། །
D11.032.0128a02.01དེ་བཞིན་དུ་འཇིག་རྟེན་རྣམས་ལ་སྐྱེ་མཆེད་བཅུ་གཉིས་དང་། ཁམས་{བཅྭ་,བཅོ་}བརྒྱད་སྟོང་ངོ་ཞེས་རྗོད་དོ། །དེ་བཞིན་དུ་འཇིག་རྟེན་རྣམས་ལ་དགེ་བ་བཅུའི་ལས་ཀྱི་ལམ་རྣམས་དང་། བསམ་གཏན་བཞི་དང་། ཚད་མེད་པ་བཞི་དང་། གཟུགས་མེད་པའི་སྙོམས་པར་
D11.032.0128a03.01འཇུག་པ་བཞི་སྟོང་ངོ་ཞེས་རྗོད་དོ། །དེ་བཞིན་དུ་འཇིག་རྟེན་རྣམས་ལ་རྟེན་ཅིང་འབྲེལ་པར་འབྱུང་བ་ཡན་ལག་བཅུ་གཉིས་དང་། ལྟ་བའི་རྣམ་པ་དྲུག་ཅུ་རྩ་གཉིས་ཀྱི་རྩ་བ་འཇིག་ཚོགས་ལ་ལྟ་བ་སྟོང་ངོ་ཞེས་རྗོད་དོ། །དེ་བཞིན་དུ་འཇིག་རྟེན་རྣམས་ལ་སྦྱིན་པའི་ཕ་
D11.032.0128a04.01རོལ་ཏུ་ཕྱིན་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་སྟོང་ངོ་ཞེས་རྗོད་དོ། །དེ་བཞིན་དུ་འཇིག་རྟེན་རྣམས་ལ་ནང་སྟོང་པ་ཉིད་སྟོང་ངོ་ཞེས་རྗོད་དོ། །དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་སྟོང་ངོ་ཞེས་རྗོད་དོ། །དེ་བཞིན་དུ་
D11.032.0128a05.01འཇིག་རྟེན་རྣམས་ལ་དྲན་པ་ཉེ་བར་གཞག་པ་བཞི་སྟོང་ངོ་ཞེས་རྗོད་དོ། །དེ་བཞིན་དུ་གོང་མ་བཞིན་དུ་སྦྱར་ཏེ། འཇིག་རྟེན་རྣམས་ལ་སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ཀྱི་བར་དུ་སྟོང་ངོ་ཞེས་རྗོད་དོ། །འཇིག་རྟེན་རྣམས་ལ་རྣམ་པ་ཐམས་ཅད་མཁྱེན་པ་ཉིད་
D11.032.0128a06.01སྟོང་ངོ་ཞེས་རྗོད་དེ། རབ་འབྱོར་དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་རྣམས་སྐྱེད་པ་དང་། འཇིག་རྟེན་རྣམས་ལ་སྟོན་པར་བྱེད་པ་ཡིན་ནོ། །རབ་འབྱོར་གཞན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
D11.032.0128a07.01