完整藏文原文 · 德格版页 当前仅加载第 32 函德格 285a 版页；藏文 NFD、目录标记与异常页序保留在来源切片中，重复版页行以稳定序号区分。
པ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་གང་དག་ཡོངས་སུ་རྫོགས་པར་བྱ་བ་དེ་དག་གང་ཞེ་ན། རབ་འབྱོར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་དགེ་བའི་ཆོས་ཐམས་ཅད་ཡོངས་སུ་རྫོགས་པ་ཡིན་པས། རབ་
D11.032.0285a01.01འབྱོར་བྱང་ཆུབ་སེམས་དཔའ་སེམས་དཔའ་ཆེན་པོས་དང་པོ་སེམས་བསྐྱེད་པ་ཁོ་ན་ནས་བཟུང་སྟེ། བྱང་ཆུབ་ཀྱི་སྙིང་པོ་ལ་འདུག་གི་བར་དུ་དགེ་བའི་ཆོས་གང་ཡོངས་སུ་རྫོགས་པར་མི་བྱ་བ་གང་ཡང་མེད་དེ། གང་མ་རྫོགས་པར་དེ་བླ་ན་མེད་པ་ཡང་དག་པར་རྫོགས་
D11.032.0285a02.01པའི་བྱང་ཆུབ་མངོན་པར་རྫོགས་པར་འཚང་རྒྱ་བ་དེ་ནི་གནས་མེད་དོ། །རབ་འབྱོར་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོས་དང་པོ་སེམས་བསྐྱེད་པ་ནས་བཟུང་སྟེ་བྱང་ཆུབ་ཀྱི་སྙིང་པོ་ལ་འདུག་གི་བར་དུ་དགེ་བའི་ཆོས་ཐམས་ཅད་ཡོངས་སུ་རྫོགས་
D11.032.0285a03.01པར་བྱ་བ་ལ་བསླབ་པར་བྱའོ། །དེ་དེ་ལ་བསླབས་ན་རྣམ་པ་ཐམས་ཅད་མཁྱེན་པ་ཉིད་ཐོབ་པར་འགྱུར། ཉོན་མོངས་པ་དང་བག་ཆགས་ཀྱི་མཚམས་སྦྱོར་བ་ཐམས་ཅད་ཀྱང་སྤོང་བར་འགྱུར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་
D11.032.0285a04.01སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་དཀར་པོའི་ཆོས་ཐམས་ཅད་དང་ལྡན་པ་ནས། འཕགས་པའི་ཡེ་ཤེས་ཀྱི་བར་དང་ལྡན་པ་ཇི་ལྟར་ངན་སོང་རྣམས་སུ་སྐྱེ་ལགས། དེ་སྐད་ཅེས་གསོལ་པ་དང་།
D11.032.0285a05.01བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར་འདི་ཇི་སྙམ་དུ་སེམས། དེ་བཞིན་གཤེགས་པ་འཕགས་པ་དང་། ཟག་པ་མེད་པ་ཡིན་ནམ། གསོལ་པ། བཙུན་པ་བཅོམ་ལྡན་འདས་དེ་དེ་ལྟ་ལགས་སོ། །བཙུན་
D11.032.0285a06.01པ་བདེ་བར་གཤེགས་པ་དེ་དེ་ལྟ་ལགས་ཏེ། །དེ་བཞིན་གཤེགས་པ་ནི་འཕགས་པ་དང་། ཟག་པ་མི་མངའ་བ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་འདི་ཇི་སྙམ་དུ་སེམས། དེ་བཞིན་གཤེགས་པས་དུད་འགྲོའི་སྐྱེ་གནས་སུ་སྐྱེས་པའི་
D11.032.0285a07.01