完整藏文原文 · 德格版页 当前仅加载第 32 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བཀའ་སྩལ་པ། རྣམ་པ་ཐམས་ཅད་མཁྱེན་པ་ཉིད་ལ་གཞོལ་བའི་སེམས་ཀྱི་རྒྱུད་ཀྱིས་སྤྱད་པར་བྱའོ། །གསོལ་པ། ཇི་ལྟར་རྣམ་པ་ཐམས་ཅད་མཁྱེན་པ་ཉིད་ལ་གཞོལ་བའི་སེམས་ཀྱི་རྒྱུད་ཀྱིས་སྤྱད་པར་བགྱི་ལགས། བཅོམ་ལྡན་འདས་ཀྱིས་བཀའ་
D11.032.0155b01.01སྩལ་པ། སྟོང་པ་ཉིད་ལ་གཞོལ་བའི་སེམས་ཀྱི་རྒྱུད་དང་། དེ་བཞིན་དུ་མཚན་མ་མེད་པ་དང་། སྨོན་པ་མེད་པ་ལ་གཞོལ་བའི་སེམས་ཀྱི་རྒྱུད་ཀྱིས་སྤྱད་པར་བྱའོ། །དེ་བཞིན་དུ་ནམ་མཁའ་ལ་གཞོལ་བའི་སེམས་ཀྱི་རྒྱུད་དང་། དེ་བཞིན་དུ་སྦྱར་ཏེ། སྐྱེ་བ་
D11.032.0155b02.01མེད་པ་དང་། འགག་པ་མེད་པ་དང་། ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གཞོལ་བའི་སེམས་ཀྱི་རྒྱུད་དང་། དེ་བཞིན་དུ་དེ་བཞིན་ཉིད་ལ་གཞོལ་བའི་སེམས་ཀྱི་རྒྱུད་དང་། དེ་བཞིན་དུ་དེ་བཞིན་ཉིད་ལ་གཞོལ་བ་དང་། ཆོས་
D11.032.0155b03.01ཀྱི་དབྱིངས་ལ་གཞོལ་བ་དང་། ཡང་དག་པའི་མཐའ་ལ་གཞོལ་བ་དང་། ཆོས་མཉམ་པ་ཉིད་ལ་གཞོལ་བའི་སེམས་ཀྱི་རྒྱུད་དང་། བསམ་གྱིས་མི་ཁྱབ་པའི་དབྱིངས་ལ་གཞོལ་བའི་སེམས་ཀྱི་རྒྱུད་དང་། དེ་བཞིན་དུ་སྒྱུ་མ་དང་། སྨིག་རྒྱུ་དང་། ཆུ་ཟླ་དང་། རྨི་
D11.032.0155b04.01ལམ་དང་། མིག་ཡོར་དང་། བྲག་ཅ་དང་། སྤྲུལ་པ་ལ་གཞོལ་བའི་སེམས་ཀྱི་རྒྱུད་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱད་པར་བྱའོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །
D11.032.0155b05.01བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་གང་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་ལ་གཞོལ་བའི་སེམས་ཀྱི་རྒྱུད་ཀྱིས་ཤེས་རབ་ཀྱི་ཕ་རོལ་ཕྱིན་པ་ཟབ་མོ་འདི་ལ་སྤྱོད་པ་དང་། དེ་བཞིན་དུ་སྦྱར་ཏེ། སྒྱུ་མ་དང་། སྨིག་
D11.032.0155b06.01རྒྱུ་དང་། ཆུ་ཟླ་དང་། རྨི་ལམ་དང་། མིག་ཡོར་དང་། བྲག་ཅ་དང་། སྤྲུལ་པ་ལ་གཞོལ་བའི་སེམས་ཀྱི་རྒྱུད་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་ན། བཙུན་པ་བཅོམ་ལྡན་འདས་ཅི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་གཟུགས་ལ་སྤྱོད་པ་ལགས་
D11.032.0155b07.01