完整藏文原文 · 德格版页 当前仅加载第 32 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་འཇིག་རྟེན་ཞི་ཞེས་བྱ་བ་དང་། ངོ་བོ་ཉིད་ཀྱིས་སྟོང་ཞེས་བྱ་བར་སྟོན་ཏོ། །འཇིག་རྟེན་ཞི་ཞེས་བྱ་བ་ནས། སྟོང་ཞེས་བྱ་བའི་བར་དུ་སྟོན་པ་དེ་གང་ཞེ་ན། འདི་ལྟ་སྟེ། ཕུང་པོ་ལྔ་ནས། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཞི་ཞེས་བྱ་བར་སྟོན་ཏོ། །
D11.032.0129a01.01དེ་བཞིན་དུ་ཕུང་པོ་ལྔ་ནས། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ངོ་བོ་ཉིད་ཀྱིས་སྟོང་ཞེས་བྱ་བར་སྟོན་ཏེ། རབ་འབྱོར་དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་རྣམས་སྐྱེད་པ་དང་། འཇིག་རྟེན་རྣམས་སྟོན་པར་བྱེད་པ་ཡིན་ནོ། །རབ་འབྱོར་
D11.032.0129a02.01གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་འཇིག་རྟེན་འདི་ལ་འཇིག་རྟེན་དུ་འདུ་ཤེས་པ་མེད་པ་དང་། འཇིག་རྟེན་ཕ་རོལ་ལ་འཇིག་རྟེན་དུ་འདུ་ཤེས་པ་མེད་པར་འཇིག་རྟེན་གྱི་
D11.032.0129a03.01འདུ་ཤེས་སྟོན་པར་བྱེད་དོ། །དེ་ཅིའི་ཕྱིར་ཞེ་ན། རབ་འབྱོར་འདི་ལྟར་ཆོས་གང་དག་གིས་འཇིག་རྟེན་འདིར་འདུ་ཤེས་པའམ། འཇིག་རྟེན་ཕ་རོལ་ཏུ་འདུ་ཤེས་པར་འགྱུར་བའི་ཆོས་རྣམས་མེད་ཅིང་དམིགས་སུ་མེད་པའི་ཕྱིར་རོ། །དེ་སྐད་ཅེས་བཀའ་སྩལ་པ་དང་།
D11.032.0129a04.01བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་མཛད་པ་ཆེན་པོས་ཉེ་བར་གནས་པ་ལགས་སོ། །བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་
D11.032.0129a05.01མཛད་པ་བསམ་གྱིས་མི་ཁྱབ་པ་དང་། མཛད་པ་དཔག་ཏུ་མ་མཆིས་པས་ཉེ་བར་གནས་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་མཛད་པ་ཆེན་
D11.032.0129a06.01པོས་ཉེ་བར་གནས་པ་ཡིན་ཞིང་། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་མཛད་པ་བསམ་གྱིས་མི་ཁྱབ་པ་དང་། མཛད་པ་གཞལ་དུ་མེད་པ་དང་། མཛད་པ་མི་མཉམ་པ་དང་། མཉམ་པས་ཉེ་བར་གནས་པ་ཡིན་ནོ། །རབ་འབྱོར་ཇི་ལྟར་ན་ཤེས་རབ་ཀྱི་ཕ་རོལ་
D11.032.0129a07.01