完整藏文原文 · 德格版页 当前仅加载第 32 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
རྗེས་སུ་དྲན་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་གང་ཞེ་ན། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཏེ། སྔོན་གྱི་གནས་རྗེས་སུ་དྲན་པ་མངོན་
D11.032.0017b01.01སུམ་དུ་བྱ་བ་ཤེས་པའི་མངོན་པར་ཤེས་པ་མངོན་པར་སྒྲུབ་ཅིང་། དེས་སེམས་གཅིག་རྗེས་སུ་དྲན་པ་ནས། སེམས་བརྒྱའི་བར་དང་། སེམས་སྟོང་གི་བར་དུ་ཡང་རྗེས་སུ་དྲན་ནོ། །ཉི་མ་གཅིག་ཀྱང་རྗེས་སུ་དྲན་པ་ནས་ཉི་མ་བརྒྱའི་བར་དང་། ཉི་མ་སྟོང་གི་བར་དང་། ཉི་མ་འབུམ་གྱི་བར་དུ་ཡང་རྗེས་སུ་དྲན་ནོ། །
D11.032.0017b02.01ཟླ་བ་གཅིག་ཀྱང་རྗེས་སུ་དྲན་པ་ནས། ཟླ་བ་བརྒྱའི་བར་དང་། ཟླ་བ་སྟོང་གི་བར་དང་། ཟླ་བ་འབུམ་གྱི་བར་དུ་ཡང་རྗེས་སུ་དྲན་ནོ། །ལོ་གཅིག་ཀྱང་རྗེས་སུ་དྲན་པ་ནས། ལོ་འབུམ་གྱི་བར་དུ་ཡང་རྗེས་སུ་དྲན་ནོ། །བསྐལ་པ་གཅིག་ཀྱང་རྗེས་སུ་དྲན་པ་ནས། བསྐལ་པ་བརྒྱ་ཕྲག་དུ་
D11.032.0017b03.01མའི་བར་དང་། བསྐལ་པ་སྟོང་ཕྲག་དུ་མ་དང་། བསྐལ་པ་འབུམ་ཕྲག་དུ་མ་དང་། བསྐལ་པ་བྱེ་བ་ཁྲག་ཁྲིག་འབུམ་ཕྲག་དུ་མ་དག་ཀྱང་རྗེས་སུ་དྲན་ནོ། །དེ་ན་བདག་གི་མིང་ནི་འདི་ཞེས་བྱ་བར་གྱུར། རུས་ནི་འདི་ཞེས་བྱ། རིགས་ནི་འདི་ཞེས་བྱ། ཟས་ནི་འདི་ལྟ་བུ་ཞིག་
D11.032.0017b04.01ཟ་ཟ། ཡུན་ནི་འདི་སྲིད་ཅིག་གནས་གནས། ཚེ་ནི་འདི་ཙམ་ཞིག་ཐུབ། ཚེ་རིང་ཁྱད་ནི་འདི་ཙམ་ཞིག་ལོན། བདེ་བ་དང་སྡུག་བསྔལ་ནི་འདི་ལྟ་བུ་ཞིག་མྱོང་། དེ་དེ་ནས་ཤི་འཕོས་ནས་ཆེ་གེ་མོ་ཞིག་ཏུ་སྐྱེས་སོ། །དེ་ནས་ཤི་འཕོས་ནས་འདིར་སྐྱེས་སོ་ཞེས་དེ་ལྟར་རྣམ་པ་དང་བཅས།
D11.032.0017b05.01ཡུལ་ཕྱོགས་དང་བཅས་པར་བདག་དང་སེམས་ཅན་གཞན་དག་དང་། གང་ཟག་གཞན་རྣམས་ཀྱི་སྔོན་གྱི་གནས་རྣམ་པ་དུ་མ་དག་རྗེས་སུ་དྲན་ལ། མངོན་པར་ཤེས་པ་དེས་ཀྱང་རློམ་སེམས་སུ་མི་བྱེད་པའི་བར་དུ་སྟེ། རབ་འབྱོར་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྔོན་
D11.032.0017b06.01གྱི་གནས་རྗེས་སུ་དྲན་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་ཅེས་བྱའོ། །རབ་འབྱོར་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་ཟག་པ་ཟད་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་གང་ཞེ་ན། རབ་
D11.032.0017b07.01