完整藏文原文 · 德格版页 当前仅加载第 32 函德格 19b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་གང་འདུས་བྱས་སམ། འདུས་མ་བྱས་སམ། འཇིག་རྟེན་པའམ། འཇིག་རྟེན་ལས་འདས་པའམ། ཟག་པ་དང་བཅས་པའམ། ཟག་པ་མེད་པའི་ཆོས་གང་ཡང་ཡོད་དོ་སྙམ་དུ་མི་སེམས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་མིག་གང་
D11.032.0019b01.01གིས་གང་མ་མཐོང་བའམ། མ་ཐོས་པའམ། མ་དྲན་པའམ། རྣམ་པར་མ་ཤེས་པའི་ཆོས་གང་ཡང་མེད་དོ། །རབ་འབྱོར་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་མིག་ཡོངས་སུ་དག་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས་བྱང་ཆུབ་སེམས་
D11.032.0019b02.01དཔའ་སེམས་དཔའ་ཆེན་པོའི་ཆོས་ཀྱི་མིག་ཡོངས་སུ་དག་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཀྱི་མིག་གིས་འདི་ལྟར་ཤེས་ཏེ། གང་ཟག་འདི་ནི་དད་པས་རྗེས་སུ་འབྲང་བའོ། །
D11.032.0019b03.01འདི་ནི་ཆོས་ཀྱི་རྗེས་སུ་འབྲང་བའོ། །འདི་ནི་སྟོང་པ་ཉིད་ལ་གནས་པའོ། །འདི་ནི་མཚན་མ་མེད་པ་ལ་གནས་པའོ། །འདི་ནི་སྨོན་པ་མེད་པ་ལ་གནས་པའོ། །གང་ཟག་འདི་ནི་སྟོང་པ་ཉིད་ཀྱི་རྣམ་པར་ཐར་པའི་སྒོས་དབང་པོ་ལྔ་པོ་དག་སྐྱེད་པར་འགྱུར་རོ། །དེའི་འོག་ཏུ་དབང་པོ་
D11.032.0019b04.01ལྔ་པོ་དག་གིས་བར་ཆད་མེད་པའི་ཏིང་ངེ་འཛིན་ལ་རེག་པར་འགྱུར་རོ། །བར་ཆད་མེད་པའི་ཏིང་ངེ་འཛིན་ལས་རྣམ་པར་གྲོལ་བའི་ཤེས་པ་སྐྱེ་བར་འགྱུར་རོ། །དེ་ནས་རྣམ་པར་གྲོལ་བའི་ཤེས་པས་ཀུན་དུ་སྦྱོར་བ་གསུམ་པོ་དག་སྤོང་བར་འགྱུར་ཏེ། གསུམ་གང་ཞེ་ན། འདི་ལྟ་
D11.032.0019b05.01སྟེ། འཇིག་ཚོགས་ལ་ལྟ་བ་དང་། ཐེ་ཚོམ་དང་། ཚུལ་ཁྲིམས་དང་། བརྟུལ་ཞུགས་མཆོག་ཏུ་འཛིན་པ་སྟེ། ཀུན་ཏུ་སྦྱོར་བ་གསུམ་པོ་དེ་དག་སྤངས་པས་རྒྱུན་དུ་ཞུགས་པ་ཞེས་བྱའོ། །དེས་བསྒོམ་པའི་ལམ་ཐོབ་ནས་འདོད་པ་ལ་འདོད་ཆགས་དང་། གནོད་སེམས་
D11.032.0019b06.01གཉིས་སྲབ་མོར་བྱེད་པར་འགྱུར་ཏེ། དེ་ནི་ལན་ཅིག་ཕྱིར་འོང་བ་ཡིན་ནོ། །དེས་བསྒོམ་པའི་ལམ་ཆེར་བསྒོམས་པ་དེ་ཉིད་ཀྱིས་འདོད་པ་ལ་འདོད་ཆགས་དང་། གནོད་སེམས་གཉིས་མ་ལུས་པར་སྤོང་བར་འགྱུར་རོ། །དེས་དེ་གཉིས་སྤངས་པས་ཕྱིར་མི་འོང་བ་ཡིན་ནོ། །དེས་
D11.032.0019b07.01