完整藏文原文 · 德格版页 当前仅加载第 32 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་སྟེ། ཉི་ཤུ་རྩ་གསུམ་པའོ།། །།དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་
D11.032.0172a01.01པའི་བྱང་ཆུབ་ཏུ་ངེས་པར་འབྱུང་བར་འཚལ་བས་གང་ལ་གནས་པར་བགྱི་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་
D11.032.0172a02.01རྫོགས་པའི་བྱང་ཆུབ་ཏུ་ངེས་པར་འབྱུང་བར་འདོད་པས་སེམས་ཅན་ཐམས་ཅད་ལ་སེམས་སྙོམས་པ་ཉིད་ལ་གནས་པར་བྱ། སེམས་ཅན་ཐམས་ཅད་ལ་སྙོམས་པའི་སེམས་བསྐྱེད་པར་བྱའོ། །སྙམ་པའི་སེམས་ཉེ་བར་བཞག་ནས། སེམས་ཅན་ཐམས་ཅད་ལ་ཕན་པའི་སེམས་
D11.032.0172a03.01ཀྱིས་གཏམ་འདྲེ་བར་བྱ། ཕེབས་པར་སྨྲ་བར་བྱའོ། །སེམས་ཅན་ཐམས་ཅད་ལ་བྱམས་པ་ཆེན་པོ་བསྐྱེད་པར་བྱའོ། །སེམས་ཅན་ཐམས་ཅད་ལ་ང་རྒྱལ་བསྐྱུང་བར་བྱའོ། །སེམས་ཅན་ཐམས་ཅད་ལ་སྟོན་པར་འདུ་ཤེས་བསྐྱེད་པར་བྱའོ། །སེམས་ཅན་ཐམས་ཅད་
D11.032.0172a04.01ལ་སྙན་ཅིང་འཇམ་པའི་ཚིག་གིས་གཏམ་འདྲེ་བར་བྱ། ཕེབས་པར་སྨྲ་བར་བྱའོ། །སེམས་ཅན་ཐམས་ཅད་ལ་ཞེ་འགྲས་པ་མེད་པའི་སེམས་བསྐྱེད་པར་བྱའོ། །སེམས་ཅན་ཐམས་ཅད་ལ་རྣམ་པར་ཐོ་འཚམ་པ་མེད་པའི་སེམས་བསྐྱེད་པར་བྱའོ། །སེམས་ཅན་ཐམས་ཅད་ལ་
D11.032.0172a05.01ཕ་མ་དང་། མིང་སྲིང་གི་སེམས་བསྐྱེད་པར་བྱའོ། །སེམས་ཅན་ཐམས་ཅད་ལ་མཛའ་བཤེས་དང་། ནེའུ་ཟླ་དང་། ཉེ་དུའི་སེམས་བསྐྱེད་པར་བྱའོ། །སེམས་ཅན་ཐམས་ཅད་ལ་ཕ་མ་དང་། མིང་སྲིང་དང་། མཛའ་བཤེས་དང་། ནེའུ་ཟླ་དང་། ཉེ་དུའི་སེམས་ཀྱིས་
D11.032.0172a06.01གཏམ་འདྲེ་བར་བྱ། ཕེབས་པར་སྨྲ་བར་བྱའོ། །དེས་ཀྱང་སྲོག་གཅོད་པ་སྤང་བར་བྱ། གཞན་དག་ཀྱང་སྲོག་གཅོད་པ་སྤོང་བ་ཉིད་ཀྱི་ལམ་ཡང་དག་པར་འཛིན་དུ་གཞུག་པར་བྱ། རྟག་ཏུ་སྲོག་གཅོད་པ་སྤོང་བ་ཉིད་ཀྱི་བསྔགས་པ་བརྗོད་པར་བྱ། གཞན་གང་དག་སྲོག་གཅོད་
D11.032.0172a07.01