完整藏文原文 · 德格版页 当前仅加载第 32 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོར་བ་ཇི་ལྟར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཤེ་ན། ཆུའི་ཆུ་བུར་གྱི་གནས་པ་བཞིན་དུ་འདི་ལྟ་སྟེ། ཤིན་ཏུ་འབྲས་ཡིན་པ་དང་ཤིན་ཏུ་ཟུག་རྔུ་ཡིན་པར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཚོར་བ་གང་ནས་ཀྱང་འོང་བ་མེད་ཅིང་གང་དུ་ཡང་འགྲོ་བ་མེད་ལ། དེ་
D11.032.0250b01.01ནི་གསུམ་འདུས་པ་ལས་ཀྱང་འབྱུང་བ་དེ་ལྟར་ཚོར་བའི་སྐྱེ་བ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཚོར་བ་གང་ནས་ཀྱང་འོང་བ་མེད་ཅིང་གང་དུ་ཡང་འགྲོ་བ་མེད་ལ། ཟད་པ་དང་འཇིག་པའི་ཆོས་ཅན་དང་ཡང་ལྡན་པ་དེ་ལྟར་ཚོར་བའི་འགོག་པ་ཡང་དག་པ་ཇི་ལྟ་བ་བཞིན་
D11.032.0250b02.01དུ་རབ་ཏུ་ཤེས་སོ། །ཚོར་བའི་དེ་བཞིན་ཉིད་ལ་ཀུན་ནས་ཉོན་མོངས་པ་ཡང་མེད། རྣམ་པར་བྱང་བ་ཡང་མེད། འཕེལ་བ་ཡང་མེད། འགྲིབ་པ་ཡང་མེད་པ་དེ་ལྟར་ཚོར་བའི་དེ་བཞིན་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །འདུ་ཤེས་ཇི་ལྟར་ཡང་དག་པ་ཇི་ལྟ་བ་
D11.032.0250b03.01བཞིན་དུ་རབ་ཏུ་ཤེས་ཤེ་ན། དཔེར་ན་སྨིག་རྒྱུ་ནི་ཆུ་འདོད་པ་ལ་སླུ་བར་བྱེད་པ་ཡིན་ཏེ། སྨིག་རྒྱུ་ལ་ཆུ་དམིགས་སུ་མེད་པ་དེ་ལྟར་འདུ་ཤེས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །འདུ་ཤེས་གང་ནས་ཀྱང་འོང་བ་མེད་ཅིང་གང་དུ་ཡང་འགྲོ་བ་མེད་ལ། ལོག་པར་ཀུན་ཏུ་རྟོག་པ་ལས་
D11.032.0250b04.01ཀྱང་འབྱུང་ཞིང་གདགས་པས། ཐ་སྙད་དུ་འདོགས་པར་བྱེད་པ་དེ་ལྟར་འདུ་ཤེས་ཀྱི་སྐྱེ་བ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །དེ་གང་ནས་ཀྱང་འོང་བ་མེད་ཅིང་གང་དུ་ཡང་འགྲོ་བ་མེད་ལ། ཟད་པ་དང་འཇིག་པའི་ཆོས་ཅན་ཡང་ལྡན་པ་དེ་ལྟར་འདུ་ཤེས་ཀྱི་འགོག་
D11.032.0250b05.01པ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །འདུ་ཤེས་ཀྱི་དེ་བཞིན་ཉིད་ལ་ཀུན་ནས་ཉོན་མོངས་པ་ཡང་མེད། རྣམ་པར་བྱང་བ་ཡང་མེད། འཕེལ་བ་ཡང་མེད། འགྲིབ་པ་ཡང་མེད་པ་དེ་ལྟར་འདུ་ཤེས་ཀྱི་དེ་བཞིན་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །
D11.032.0250b06.01འདུ་བྱེད་རྣམས་ཇི་ལྟར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཤེ་ན། དཔེར་ན་ཆུ་ཤིང་ཤུན་པ་སོ་སོར་ཕྱེ་ན། སྙིང་པོ་དམིགས་སུ་མེད་པ་དེ་ལྟར་འདུ་བྱེད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །འདུ་བྱེད་རྣམས་གང་ནས་ཀྱང་འོང་བ་མེད་ཅིང་གང་དུ་ཡང་འགྲོ་བ་མེད་
D11.032.0250b07.01