完整藏文原文 · 德格版页 当前仅加载第 32 函德格 276a 版页；藏文 NFD、目录标记与异常页序保留在来源切片中，重复版页行以稳定序号区分。
པ་རྣམས་ལ་མ་ལགས་སམ། ཀླུས་བཤད་པ་རྣམས་ལ་མ་ལགས་སམ། གནོད་སྦྱིན་གྱིས་བཤད་པ་རྣམས་ལ་མ་ལགས་སམ། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅིའམ་ལྟོ་འཕྱེ་ཆེན་པོས་བཤད་པའི་མདོ་
D11.032.0276a01.01སྡེ་རྣམས་ཐོས་ནས་ཀྱང་སོམ་ཉི་མ་མཆིས་ཤིང་ཐེ་ཚོམ་མི་འཚལ་ལ། གོང་དུ་ཡང་འཛིན་པར་བགྱིད་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ནི་སེམས་ཅན་རྣམས་ཀྱི་སྐད་དང་སྒྲ་
D11.032.0276a02.01དང་། བརྡ་དང་། བསྙད་པ་དང་། བརྗོད་པ་ཐམས་ཅད་ལ་སོམ་ཉི་མེད་ཅིང་ཐེ་ཚོམ་མི་ཟ་ལ་ཡིད་གཉིས་མེད་པ་ཡིན་ནོ། །སྐད་དང་། སྒྲ་དང་། བརྡ་དང་། བསྙད་པ་དང་། བརྗོད་པ་རྣམས་ཐོས་མ་ཐག་ཏུ་འཛིན་ཅིང་ཆུད་ཟ་བར་མི་བྱེད་དོ། །དེ་དག་གི་
D11.032.0276a03.01དོན་ཀྱང་དེ་ཁོ་ན་ཉིད་དུ་ཤེས་ཏེ། གཟུངས་འདི་དག་ཤིན་ཏུ་ཐོབ་པའི་ཕྱིར་རོ། །རབ་འབྱོར་རྣམ་པ་དང་། རྟགས་དང་། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པ་ཡིན་པར་རིག་པར་བྱའོ། །ཤེས་རབ་ཀྱི་ཕ་
D11.032.0276a04.01རོལ་ཏུ་ཕྱིན་པ་ཁྲི་པ་ལས། ཕྱིར་མི་ལྡོག་པའི་ལེའུ་ཞེས་བྱ་སྟེ་སུམ་ཅུ་གཅིག་པའོ།། །།དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་གལ་ཏེ་ཕྱིར་མི་ལྡོག་པའི་བྱང་ཆུབ་སེམས་
D11.032.0276a05.01དཔའ་སེམས་དཔའ་ཆེན་པོ་ཡོན་ཏན་གྱི་ཆོས་དེ་ལྟ་བུ་དང་ལྡན་པ་གང་ལ་གནས་ནས། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བའི་ལམ་གྱི་རྣམ་པ་ནི་ཇི་ལྟ་བུ་ཞིག་ལགས། སངས་རྒྱས་བཅོམ་
D11.032.0276a06.01ལྡན་འདས་རྣམས་ཀྱི་བྱང་ཆུབ་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་ཕ་རོལ་ཏུ་ཕྱིན་པ་དྲུག་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ལམ་ཡིན་ནོ། །བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་། རྣམ་པར་ཐར་
D11.032.0276a07.01