完整藏文原文 · 德格版页 当前仅加载第 32 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་ཇི་ལྟར་ན་སྐྱེས་བུ་དམ་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་གང་གི་སེམས་རྣམ་པར་རྟོག་པ་ལྔ་དང་སྒྲིབ་པ་ལྔ་པོ་དག་གིས་ནམ་ཡང་རྫོགས་པའི་བྱང་ཆུབ་ལས་རྣམ་པར་གཡེང་བར་
D11.032.0271a01.01མི་འགྱུར་བ་སྟེ། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྐྱེས་བུ་དམ་པ་ཡིན་ཏེ། རབ་འབྱོར་རྣམ་པ་དང་། རྟགས་དང་། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར་གཞན་
D11.032.0271a02.01ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་བྱང་ཆུབ་ཀྱི་སེམས་དེ་དང་ལྡན་པ་ནི་བུད་མེད་རྣམས་འགུགས་པར་བྱེད་པའི་གསང་སྔགས་དང་། སྨན་དང་། སྦྱར་སྨན་དང་། གཞན་ལ་འཁུ་བའི་རང་བཞིན་གང་དག་ཡིན་པ་དེ་དག་ཐམས་
D11.032.0271a03.01ཅད་ཀྱི་ཐམས་ཅད་རྣམ་པ་ཐམས་ཅད་ཀྱི་ཐམས་ཅད་དུ་མི་སྦྱོར་ཞིང་། སྲོག་གི་ཕྱིར་ཡང་བུད་མེད་འགུགས་པའི་ཐབས་གང་ཡང་རུང་བ་སྦྱོར་བར་མི་བྱེད་དེ། སྐྱེས་པའམ། བུད་མེད་དམ། ཁྱེའུ་འམ། བུ་མོ་དག་ལ་བུ་ཕོར་འགྱུར་རོ་ཞེ་འམ། བུ་མོར་འགྱུར་རོ་ཞེའམ། རིགས་འཕན་
D11.032.0271a04.01པར་འགྱུར་རོ་ཞེའམ་ཚེ་རིང་བར་འགྱུར་རོ་ཞེའམ་ཚེ་ཐུང་བར་འགྱུར་རོ་ཞེས་ཆོ་འཕྲུལ་དག་གིས་འགུགས་པར་མི་བྱེད་ཅིང་སུ་ལ་ཡང་ཕུང་བར་མི་བྱེད་དོ། །དེ་ཅིའི་ཕྱིར་ཞེ་ན། རབ་འབྱོར་འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་རང་གི་མཚན་ཉིད་ཀྱིས་སྟོང་པའི་ཆོས་
D11.032.0271a05.01རྣམས་ལ་སེམས་ཅན་གྱི་མཚན་མ་ཡང་ཡང་དག་པར་རྗེས་སུ་མི་མཐོང་ན། ལོག་པར་འཚོ་བའི་མཚན་མ་ལྟ་སྨོས་ཀྱང་ཅི་དགོས་ཏེ། སྡིག་པའི་ལས་རྣམས་བྱེད་པར་འགྱུར་བ་དེ་ནི་གནས་མེད་དོ། །དེས་ན་དེའི་འཚོ་བ་ཡོངས་སུ་དག་པ་ཡིན་ཏེ། རབ་འབྱོར་རྣམ་པ་དང་རྟགས་
D11.032.0271a06.01དང་། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར་གཞན་ཡང་རྣམ་པ་དང་། རྟགས་དང་། མཚན་མ་གང་དག་དང་ལྡན་ན་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཡིན་པར་སྟོན་པའི་
D11.032.0271a07.01