完整藏文原文 · 德格版页 当前仅加载第 32 函德格 209a 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱད་བཀག་པ་དག་དང་། ཡང་དག་པ་མ་ཡིན་པའི་ཚིག་རྣམས་ཀྱིས་སྤྱོས་བརྒྱད་ཀྱང་། སེམས་ཞུམ་པ་ཉིད་དུ་མི་འགྱུར་ལ། ལེན་པ་པོ་བསམ་པ་ངན་པ་ཅན་མཚང་འདྲུ་བ་དེ་དག་ལ་སེམས་སྡང་བར་ཡང་མི་བྱེད་ཀྱི། དེ་དག་ཉིད་ལ་བྱམས་པའི་སེམས་དང་། སྙིང་རྗེའི་སེམས་
D11.032.0209a01.01སྐྱེད་པར་བྱེད་ཅིང་། སྙན་པར་སྨྲ་བར་བྱེད་པ་ཡིན་ཏེ། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་གནས་ནས། བཟོད་པའི་ཕ་རོལ་ཏུ་ཕྱིན་པ་ལ་ཡང་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས་བྱང་ཆུབ་སེམས་
D11.032.0209a02.01དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པ་དག་སྦྱིན་པ་ན། ལེན་པ་པོ་རྣམས་ཀྱིས་ཡང་དག་
D11.032.0209a03.01པ་མ་ཡིན་པའི་བརྒྱད་བཀག་པ་དག་དང་། ཡང་དག་པ་མ་ཡིན་པའི་ཚིག་རྣམས་ཀྱིས་སྤྱོས་བརྒྱད་ན་ཡང་སྦྱིན་པ་དེ་ལ་བཟོད་པ་ཁོ་ན་ཡིན་ཏེ། གང་ཞིག་ལས་ཅི་འདྲ་བར་བྱེད་པར་འགྱུར་བ་དེ། དེ་འདྲ་བའི་འབྲས་བུ་ཐོབ་པར་འགྱུར་བ་ལས་བདག་གིར་བྱ་བ་ཉིད་ཤེས་པས་དེ་དེ་ལྟར་གཏོང་བའི་བློ་
D11.032.0209a04.01ཁོ་ན་དང་། ཡོངས་སུ་གཏོང་བའི་བློར་འགྱུར་ལ། དེ་འདི་སྙམ་དུ་སེམས་ཏེ། བདག་གིས་སེམས་ཅན་ཐམས་ཅད་ལ་སྦྱིན་པ་རྒྱ་ཆེར་སྦྱིན་པ་ཁོ་ནར་བྱའོ་སྙམ་ནས། དེས་ལུས་དང་སེམས་ཀྱི་བརྩོན་འགྲུས་ཡང་དག་པར་བསྐྱེད་ནས་རྟག་ཏུ་སྦྱིན་པ་སྦྱིན་པ་ཁོ་ནར་བྱེད་པ་ཡིན་ཏེ། རབ་འབྱོར་
D11.032.0209a05.01དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་གནས་ནས། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་གནས་
D11.032.0209a06.01ནས། ཇི་ལྟར་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཞེ་འགྲས་པ་མེད་པའི་སེམས་ཀྱིས་ལེན་པ་དག་ལ་སྦྱིན་པ་སྦྱིན་པ་ན། ཡུལ་རྣམས་སུ་ཡོངས་སུ་
D11.032.0209a07.01