完整藏文原文 · 德格版页 当前仅加载第 32 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། སྦྱིན་པའི་ཕ་རོལ་ཏུ་ཕྱིན་པ་དང་། ཐབས་ལ་མཁས་པ་དང་བྲལ་བ་དང་། དེ་བཞིན་དུ་ནང་སྟོང་པ་ཉིད་དང་། ཕྱི་སྟོང་པ་ཉིད་དང་། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དང་བྲལ་ཞིང་། ཐབས་ལ་མཁས་པ་དང་བྲལ་བ་དང་། དེ་བཞིན་དུ་དེ་དག་དྲན་པ་ཉེ་བར་
D11.032.0138b01.01གཞག་པ་དང་། ཡང་དག་པར་སྤོང་བ་དང་། རྫུ་འཕྲུལ་གྱི་རྐང་པ་དང་། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། འཕགས་པའི་ལམ་ཡན་ལག་བརྒྱད་པ་དང་བྲལ་བ་དང་། ཐབས་ལ་མཁས་པ་དང་བྲལ་བ་དང་། དེ་བཞིན་དུ་སྦྱར་ཏེ། དེ་དག་སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་
D11.032.0138b02.01ཀྱི་བར་དུ་བསྒོམ་པ་དང་བྲལ་ཞིང་། ཐབས་ལ་མཁས་པ་དང་བྲལ་བར་འགྱུར་ཏེ། དེ་ལྟར་དེ་དག་རྣམ་པ་ཐམས་ཅད་མཁྱེན་པ་ཉིད་བསྒོམ་པ་དང་བྲལ་བ་དང་། ཐབས་ལ་མཁས་པ་དང་བྲལ་ན། དེ་དག་ནི་བར་མ་དོ་ཁོ་ནར་ཚུལ་མ་ཡིན་པས་ཆོས་དེ་དག་ལས་ཉམས་པར་འགྱུར་རོ། །རབ་འབྱོར་
D11.032.0138b03.01བྱང་ཆུབ་སེམས་དཔའི་ཐེག་པ་པའི་གང་ཟག་དེ་དག་གི་བར་མ་དོ་ཁོ་ནར་ཚུལ་མ་ཡིན་པས་ཆོས་དེ་དག་ལས་ཉམས་པར་འགྱུར་བ་གང་ཞེ་ན། འདི་ལྟ་སྟེ། ཉན་ཐོས་སམ། རང་སངས་རྒྱས་ཀྱི་སའོ། །རབ་འབྱོར་དཔེར་ན་སྐྱེས་པའམ། བུད་མེད་ཅིག་གིས་བུམ་པ་སོ་བཏང་བས་
D11.032.0138b04.01འདི་ལྟ་སྟེ། ཆུ་ཀླུང་ངམ། འབབ་ཆུའམ། མཚོའམ། མཚེའུ་འམ། ལྟེང་ཀའམ། ཁྲོན་པ་ནས་ཆུ་ཆུ་ན། སྐྱེས་པའམ། བུད་མེད་དེར་ཆུ་ཆུ་བ་དེ་ནི་མཁས་པའི་རང་བཞིན་ཅན་དུ་རིག་པར་བྱ་སྟེ། བུམ་པ་དེ་ནི་ཤིན་ཏུ་ཆུར་བཅུག་ཀྱང་ཞིག་པར་མི་འགྱུར་ཏེ།
D11.032.0138b05.01སྐྱེས་པའམ། བུད་མེད་དེས་ནི་གར་དགའ་བར་བུམ་པ་དེས་ཆུ་བཅུ་བར་ནུས་སོ། །རབ་འབྱོར་དེ་བཞིན་དུ་བྱང་ཆུབ་སེམས་དཔའི་ཐེག་པ་པ་གང་དག་ལ་དད་པ་དང་། བཟོད་པ་དང་། དང་བ་དང་། ལྷག་པའི་བསམ་པ་དང་། འདོད་པ་དང་། མོས་པ་དང་། གཏོང་བ་
D11.032.0138b06.01དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བརྩོན་པ་མི་གཏོང་བ་ཡང་ཡོད་ལ། དེ་དག་ཤེས་རབ་ཀྱི་ཕ་རོལ་ཏུ་ཕྱིན་པ་དང་ཡང་མ་བྲལ་བ་དང་། ཐབས་ལ་མཁས་པ་དང་ཡང་མ་བྲལ་བར་བྱང་ཆུབ་སེམས་དཔའི་སྤྱད་པ་སྤྱོད་པ་ན། རབ་འབྱོར་དེ་ལས་གཞན་
D11.032.0138b07.01